قىرعىزستاندا ۇستالعان, 1,8 ميلليارد تەڭگەدەن استام الاياقتىققا قاتىسى بار دەگەن كٷدٸكتٸ قازاقستانعا ەكستراديتسييالاندى. ول جەبٸرلەنۋشٸلەر مەن ەكٸنشٸ دەڭگەيلٸ بانكتەردٸڭ قارجىسىن جىمقىرۋ سحەماسىن ۇيىمداستىرعان قىلمىستىق توپتىڭ مٷشەسٸ سانالادى, دەپ حابارلايدى ult.kz.
باس پروكۋراتۋرانىڭ مەلٸمەتٸنشە, 2022–2024 جىلدارى ٷش قازاقستاندىق الدىن الا سٶز بايلاسىپ, قايتارىلمايتىن اۆتونەسيەلەردٸ رەسٸمدەۋدٸڭ زاڭسىز سحەماسىن ۇيىمداستىرعان.
تەرگەۋ نۇسقاسى بويىنشا, ولار ازاماتتاردى اۆتوكٶلٸك ساتىپ الۋ ٷشٸن بانكتەن نەسيە الۋعا كٶندٸرٸپ, كەيٸن كٶلٸكتەردٸ ساتىپ جٸبەرگەن. ال تٷسكەن قارجىنى ٶز قاجەتتەرٸنە جۇمساعان.
بۇدان بٶلەك, كٷدٸكتٸلەر مٷلدە بولماعان اۆتوكٶلٸكتەرگە دە نەسيە رەسٸمدەگەن. ول ٷشٸن جالعان كٶلٸكتەر قىرعىزستاننان ەكەلٸنگەن دەگەن جەلەۋمەن الماتىداعى مامانداندىرىلعان حالىققا قىزمەت كٶرسەتۋ ورتالىعىندا زاڭسىز تٸركەلگەن. كەيٸن وسى كٶلٸكتەردٸ ساتىپ العانداي ەتٸپ ٷشٸنشٸ تۇلعالاردىڭ اتىنا بانكتەردەن نەسيە رەسٸمدەلٸپ, الىنعان قاراجات قىلمىستىق توپ مٷشەلەرٸنٸڭ يەلٸگٸنە ٶتكەن.
الدىن الا ەسەپ بويىنشا, زاڭسىز ەرەكەتتەر سالدارىنان ەكٸ ەكٸنشٸ دەڭگەيلٸ بانك پەن 77 ازاماتقا جالپى سوماسى 1,8 ميلليارد تەڭگەدەن استام شىعىن كەلگەن.
قىلمىستىق توپتىڭ ەكٸ مٷشەسٸنە قاتىستى تەرگەۋ اياقتالىپ, ٸس سوتقا جولدانعان. ال ٷشٸنشٸ كٷدٸكتٸ قىلمىستان كەيٸن ەلدەن بوي تاسالاپ كەتكەندٸكتەن, حالىقارالىق ٸزدەۋگە جارييالانعان.
جەدەل ٸزدەستٸرۋ بارىسىندا ونىڭ قىرعىزستان اۋماعىندا جٷرگەنٸ انىقتالىپ, ۇستالعان. قازاقستان باس پروكۋراتۋراسىنىڭ سۇراۋى بويىنشا كٷدٸكتٸ ەلگە ەكستراديتسييالانىپ, تەرگەۋ يزولياتورىنا قامالدى.
تاعىلعان ايىپ دەلەلدەنسە, ونىڭ مٷلكٸ تەركٸلەنٸپ, 10 جىلعا دەيٸن باس بوستاندىعىنان ايىرىلۋى مٷمكٸن.
