فوتو: ورتالىق كوممۋنيكاتسييالار قىزمەتٸ
ٶكٸلەتتٸ ورگاندار بانكروتتىققا ٶتٸنٸش بەرگەن ازاماتتىڭ وتباسى مٷشەلەرٸنٸڭ دە جەكە مٷلكٸ مەن تابىسىن تەكسەرەدٸ. بۇل تۋرالى قارجى ۆيتسە-مينيسترٸ ەرجان بٸرجانوۆ مەلٸمدەدٸ, دەپ حابارلايدى Sputnik قازاقستان.
ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا جۋرناليستەر "بانكروت دەپ تانىلاتىن ادامنىڭ تەك ٶزٸنٸڭ تٶلەم قابٸلەتٸ قارالا ما, جوق ەلدە جاقىن تۋىسىنىڭ, مىسالى ەيەلٸنٸڭ تابىسى ەسكەرٸلە مە?" دەپ سۇرادى.
"بانكروتتىق پروتسەدۋراسى كەزٸندە بٸز ازاماتتىڭ مٷلكٸ, وتباسىنىڭ مٷلكٸ نەمەسە قارىزى, باسقا دا اكتيۆتەرٸ بويىنشا ماعلۇماتتى جينايمىز. ەگەر دە بانكروتتىق كەزٸندە جالعان اقپارات ۇسىنعانى نەمەسە ٶز مٷلكٸن وتباسى مٷشەسٸنە اۋدارعانى انىقتالسا, ەلگٸ ازامات بۇل پروتسەدۋرادان ٶتپەيدٸ. سوندىقتان بٸز بانكروتتىققا ەدەيٸ ٶتٸنٸش بەرۋ پروتسەدۋراسىن توقتاتۋ ٷشٸن بارلىق اقپاراتتى جينايمىز", - دەپ جاۋاپ بەردٸ ەرجان بٸرجانوۆ.
وسى ورايدا جۋرناليستەر "مىسالى, ەيەلٸنٸڭ اۆتوكٶلٸگٸ بار دەلٸك, ەگەر كٷيەۋٸ بانكروتتىققا تاپسىرسا, ورتاق مٷلٸككە نە بولادى?" دەپ ناقتىلادى.
"ٶتە دۇرىس ايتاسىز. ەگەر نەكەلەسكەننەن كەيٸن ەرلٸ-زايىپتىنىڭ ورتاق مٷلكٸ بولسا, بۇل مٷلٸك بانكروتتىق پروتسەدۋراسى كەزٸندە ٶتٸنٸش بەرۋشٸنٸڭ قوسىمشا اكتيۆٸ رەتٸندە سانالادى, تەكسەرٸلەدٸ. مىسالى اۆتوكٶلٸكتەن باسقا جەكەمەنشٸك پەتەرٸ نەمەسە ٷلەسٸ بولسا, ول قارىزىن تٶلەۋگە مٷمكٸندٸگٸ بار ازامات رەتٸندە قاراستىرىلادى. بانكروتتىققا ٶتكٸزٸلمەيدٸ", - دەپ تٷسٸندٸردٸ ۆيتسە-مينيستر.
ايتا كەتەرٸ, بانكروتتىققا ٶتٸنٸش بەرۋ 3 ناۋرىزدا باستالادى.
