دٷكەندە نومينالى 1000 تەڭگە بولاتىن «كٷلتەگٸن» ەستەلٸك بانكنوتىن قابىلداماعان جاعدايدا ۇلتتىق بانكتٸڭ اۋماقتىق فيليالىنا ٶتٸنٸش جازۋ كەرەك. بۇل تۋرالى بانكتٸڭ قولما-قول اقشا اينالىسى دەپارتامەنتٸنٸڭ باسشىسى دينارا داۋتوۆا ايتتى, دەپ حابارلايدى قازاقپارات.
ونىڭ ايتۋىنشا, ۇلتتىق بانككە تۇرعىندار حابارلاسىپ جاتىر. ولار دٷكەندەر 1000 تەڭگەنٸ قابىلداماي جاتقانىن ايتقان.
«بۇل كۋپيۋرالاردىڭ زاڭدى تٶلەم قۇرالى بولىپ تابىلاتىنىن ەستەرٸڭٸزگە سالا كەتكٸم كەلەدٸ. ولاردى باسقا دا ەستەلٸك بانكنوتتار سەكٸلدٸ بانك وپەراتسييالارى مەن اۋدارىمدار كەزٸندە جەنە تٶلەمنٸڭ كەز كەلگەن تٷرٸ بويىنشا قابىلداۋعا مٸندەتتٸ. مۇنداي بانكنوتتاردى قابىلداۋدان باس تارتقان جاعدايدا ەكٸمشٸلٸك قۇقىق بۇزۋشىلىق تۋرالى كودەكستٸڭ 206-بابىنا سەيكەس ەكٸمشٸلٸك جاۋاپكەرشٸلٸك قاراستىرىلعان», - دەدٸ دينارا داۋتوۆا.
سونىمەن قاتار, ول مۇنداي اقشانى قابىلداماعان جاعدايدا نە ٸستەۋ كەرەك ەكەنٸن تٷسٸندٸردٸ.
«ەگەر سٸزدەن بۇل بانكنوتتاردى قابىلداماسا, ۇلتتىق بانكتٸڭ اۋماقتىق فيليالىنا ٶتٸنٸش بٸلدٸرۋٸڭٸز قاجەت. بانكنوتتى قابىلداۋدان باس تارتۋ فاكتٸسٸن بەينەجازباعا تٷسٸرۋدٸ نەمەسە جازباشا نەگٸزدەمە تالاپ ەتۋدٸ ۇسىنامىز»,-دەدٸ ۇلتتىق بانك ٶكٸلٸ.
دينارا داۋتوۆا اينالىمدا «كٷلتەگٸن» بانكنوتىنان باسقا اتاۋلى كٷندەر مەن وقيعالارعا ارنالعان ەستەلٸك بانكنوتتار بارىن اتاپ ٶتتٸ.
ولار دا زاڭدى تٶلەم قۇرالى.
«ولاردى ەكٸنشٸ دەڭگەيلٸ بانكتار مەن «قازپوشتا» اق-تىڭ بارلىق بٶلٸمشەسٸندە, ۇلتتىق بانكتٸڭ فيليالدارىندا اۋىستىرۋعا جەنە ايىرباستاۋعا بولادى. اتالعان بانكنوتتار توزعان كەزدە اينالىمنان الىنادى», - دەدٸ دينارا داۋتوۆا.
ەستەلٸك بانكنوتتاردىڭ تولىق تٸزٸمٸ, سونداي-اق ۇلتتىق بانك فيليالدارىنىڭ مەكەنجايى مەن بايلانىس دەرەكتەرٸ تۋرالى اقپارات قۇب سايتىندا ورنالاسقان.
