بانگلادەشتەگٸ سۋگاندا ٶزەنٸندەگٸ پارومدا بولعان ٶرت سالدارىنان كەم دەگەندە 38 ادام قازا تاپتى, دەپ حابارلايدى قازاقپارات Reuters اگەنتتٸگٸنە سٸلتەمە جاساپ.
«قازٸرگٸ كەزدە بٸز 38 ادامنىڭ دەنەسٸن انىقتادىق», - دەدٸ بانگلادەش وڭتٷستٸگٸندەگٸ كەلەڭسٸز جاعداي ورىن العان دجالوكاتي ايماعى ٶرت سٶندٸرۋ قىزمەتٸنٸڭ اعا قىزمەتكەرٸ كالام حوسەين بحۋييان. ٶرت جەرگٸلٸكتٸ ۋاقىتپەن شامامەن تٷنگٸ ساعات 3-تە بولعاندىعى حابارلانىپ وتىر.
جالىن دجالوكاتي ارقىلى داككادان بارگۋناعا باعىت العان پارومنىڭ ماشينا بٶلٸمٸنەن شىققان.
دجالوكاتي اۋدانىنىڭ ەكٸمشٸسٸ زوحور ەليدٸڭ ايتۋىنشا, قازا بولعاندار سانى ەلدەقايدا كٶپ بولۋى مٷمكٸن, سەبەبٸ اۋرۋحاناعا 50-دەن استام ادام تٷسكەن. كەيبٸر جولاۋشىلار ٸز-تٷسسٸز جوعالعان دەپ ەسەپتەلۋدە, ال كەيبٸرەۋلەرٸنٸڭ جاعدايى ٶتە اۋىر.
ٶرتتٸڭ شىعۋ سەبەبٸ انىقتالاتىن بولادى.
