بانديتتٸڭ اتى - بانديت. قانشا جەردەن ۇلتشىل, دٸنشٸل, تٸلشٸل, روبينگۋدشىل بولسا دا, ولاردى باتىر ساناماۋ كەرەك دەپ ويلايمىن. قازٸرگٸ زاماننىڭ باتىرلارى - ستيۆ دجوبس, مارك تسۋكەربەرگ, سەلچۋك بايراكتارلار. ياعني عىلىم مەن بٸلٸمدٸ مەڭگەرگەندەر. ۇلت ٷشٸن, ادامزات ٷشٸن پايداسى بار دٷنيە جاساي العاندار. بانديت دەگەن ول - قىلمىسكەر. بۇرىنعى زاماندا ولاردى قاراقشى دەگەن. قاراقشىلاردىڭ جانازاسىن دا شىعارماعان.
اتاقتى "بريگادا" سەريالىنا تٷسكەن, "پچەلا" بولىپ ويناعان پاۆەل مايكوۆ "بريگادا" بٸز ٷشٸن تانىمالدىق الىپ كەلسە دە, رەسەي ٷشٸن بٸز قىلمىس جاسادىق دەيدٸ. كينونىڭ ٶزٸندە ٶمٸرٸ قىسقا بولىپ قايتىس بولادى. كينودان سوڭ رەسەيدە جاستار اراسىندا ۇرلىق-قارلىق, زومبىلىقتار ارتقان. جاستايىنان قىلمىس ەلەمٸنە قاتىسى بارلاردىڭ كٶبٸ قازٸر نە انا دٷنيەدە, نە تٷرمەدە وتىر. كٶزٸ تٸرٸ بٸرەڭ-ساراڭدارىن "ۇلت باتىرى, ونشا-مۇنشا كەدەيلەرگە دەرٸ دەرمەك تاراتتى" دەپ جارنامالاماۋ كەرەك.
سٸز ماڭداي تەرٸڭٸزبەن تاپقان دٷنيەڭٸزدٸ بانديتتٸڭ تارتىپ العانىن قالامايسىز. بانديتتەردٸڭ تٸرلٸگٸ سول. قورقىتىپ-ٷركٸتٸپ تارتىپ الۋ. قازٸرگٸ زاماندا دا بيلٸگٸ بار ادامداردىڭ تانىستارى بانديتيزممەن اينالىسۋدا. بيزنەستە بەلگٸلٸ بٸر دەرەجەگە جەتكەن ادامنىڭ مال-مٷلكٸن زاڭدى نەمەسە زاڭسىز جولمەن تارتىپ الادى. ولارعا زاڭ دا جٷرمەيدٸ. سول ٷشٸن رىجيي الماس, ديكيي ارمان, باسقا دا بانديتيزممەن قاتىسى بارلاردى ماداقتاۋدى دوعارۋ كەرەك.
سەبيت رىسباەۆتىڭ فەيسبۋكتاعى جازباسىنان
