ەكولوگييا, گەولوگييا جەنە تابيعي رەسۋرستار مينيسترلٸگٸندە ٶتكەن جيىندا رەسپۋبليكانىڭ بٸرقاتار ٶڭٸرلەرٸنەن كەلگەن بالىقشىلار سالاداعى بٸرقاتار مەسەلەلەردٸ كٶتەردٸ, دەپ حابارلايدى قازاقپارات.
مەسەلەن, كاسپيي بالىقشىلارى بالىق اۋلاۋ اۋىنىڭ جٸپ ديامەترٸ 0,3 مم-دەن باستالاتىن مونوجٸپ جەنە مونوتالشىقتان جاسالعان اۋ پايدالانۋ مٷمكٸندٸگٸن قاراستىرۋدى جەتكٸزدٸ.
بۇل مەسەلەگە قاتىستى مينيستر وسى جىلدىڭ مامىر ايىنىڭ سوڭىنا دەيٸن شەشٸم قابىلدانۋى مٷمكٸندٸگٸن جەتكٸزدٸ.
«سالالىق عىلىمي ۇيىم سەۋٸر-مامىر ايلارىندا زەرتتەۋ جٷرگٸزەدٸ, ونىڭ نەتيجەسٸ بويىنشا مامىر ايىنىڭ سوڭىندا شەشٸم قابىلدايمىز. ەگەر تٸكەلەي تەرٸس ەسەرٸ بولماعان جاعدايدا, اتالعان اۋلاردى ٸرٸ سۋ ايدىندارىندا 2 جىلعا دەيٸن پيلوتتىق رەجيمدە پايدالانۋعا 3-4 اي ٸشٸندە زاڭناماعا تيٸستٸ ٶزگەرٸستەر ەنگٸزۋ ارقىلى رۇقسات بەرۋگە بولادى», - دەدٸ ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ.
سونىمەن قاتار, جيىندا بالقاش كٶلٸندە كٶكسەركە اۋلاۋ ليميتٸن ارتتىرۋ مەسەلەسٸ كٶتەرٸلدٸ.
بۇعان قاتىستى مينيستر كٶكسەركە اۋلاۋ ليميتٸنٸڭ ۇلعايۋىن 2023 جىلعى ماۋسىمدا بالىق اۋلاۋ ليميتٸن انىقتاۋ ەدٸستەمەسٸنە ٶزگەرٸستەر ەنگٸزۋدٸ ەسكەرە وتىرىپ, قاراستىرۋعا بولاتىنىن ايتتى.
بۇدان بٶلەك, كەڭەستە كەسٸپشٸلٸك بالىق اۋلاۋدى جٷزەگە اسىرۋ ٷشٸن سۋ ايدىنىنا قول جەتكٸزۋ جەنە جاعالاۋ ايماعىندا تۇراتىن جەكە تۇلعالاردىڭ بالىق اۋلاۋعا رۇقسات الۋى كٶتەرٸلدٸ.
مينيستردٸڭ سٶزٸنشە, اتالعان مەسەلەنٸ مينيسترلٸك جاعالاۋداعى تۇرعىندارعا جەكە رۇقسات الۋ ارقىلى بالىق اۋلاۋعا مٷمكٸندٸك بەرەتٸن مەسەلەنٸ قاراستىرۋدا.
سونداي-اق, بەكٸتٸلگەن ۋچاسكەلەردە عانا ەمەس, رەزەرۆتٸك قوردا دا بالىق اۋلاۋدى جٷزەگە اسىرۋ مەسەلەسٸ كٷن تەرتٸبٸندە بولدى.
«بٸراق بۇل مەسەلەلەر وسى سالادا قىزمەت ەتەتٸن ٸرٸ بيزنەستٸڭ پٸكٸرٸن ەسكەرە وتىرىپ, كەڭ تالقىلاۋدى قاجەت ەتەدٸ. بۇل مەسەلەنٸ شەشۋ ٷشٸن, ەڭ الدىمەن «جانۋارلار دٷنيەسٸن قورعاۋ, ٶسٸمٸن مولايتۋ جەنە پايدالانۋ تۋرالى» زاڭىنا ٶزگەرٸستەر ەنگٸزۋ قاجەت. زاڭ قابىلداۋدىڭ بەلگٸلەنگەن تەرتٸبٸ شامامەن 1 جىلدى تالاپ ەتەتٸنٸن بٸردەن اتاپ ٶتكٸم كەلەدٸ. بۇدان ەرٸ رۇقسات بەرۋ ەرەجەسٸ, كۆوتالاردى بٶلۋ ەرەجەسٸ, بالىق اۋلاۋ ەرەجەسٸ سيياقتى بٸرقاتار بۇيرىقتارعا ٶزگەرٸستەر ەنگٸزۋ كەرەك. الايدا, بٸز سٸزدەردٸڭ كٶتەرٸپ وتىرعان مەسەلەلەرٸڭٸزدٸ شەشۋ ٷشٸن بارلىق قاجەتتٸ شارالاردى قابىلدايمىز», - دەدٸ سەرٸكقالي برەكەشەۆ.
جالپى 5 ساعاتقا سوزىلعان جينالىستا بالىق شارۋاشىلىعىنا قاتىستى كٶپتەگەن مەسەلەلەر كٶتەرٸلدٸ.
جينالىس قورىتىندىسى بويىنشا مينيستر جاۋاپتى ۆەدومستۆوعا بٸرقاتار ناقتى تاپسىرمالار بەردٸ.
