ٸز-تٷزسٸز جوعالعان 19 جاستاعى بويجەتكەننٸڭ دەنەسٸ تابىلدى, دەپ حابارلايدى قازاقپارات.
قىزدى ٸزدەۋ جۇمىستارى 2 قاراشادا باستالعان بولاتىن. بويجەتكەن سول كٷنٸ ٷيدەن شىعىپ كەتٸپ, قايتىپ ورالماعان. اناسى شۇعىل پوليتسيياعا حابار بەرگەن.
پوليتسييا مەن جوعالعانداردى ٸزدەيتٸن ۆولونتەرلەر قوزعالىسى بٸردەن ٸسكە كٸرٸستٸ.
«2 قاراشادا بالقاش قالاسى پوليتسيياسىنىڭ كەزەكشٸ بٶلٸمٸنە 55 جاستاعى قالا تۇرعىنىنان ٶتٸنٸش تٷستٸ. ول 19 جاستاعى قىزىنىڭ حابار-وشارسىز كەتكەنٸن مەلٸم ەتكەن. بۇل فاكتٸ تٸركەلٸپ, پوليتسييانىڭ بٷكٸل جەكە قۇرامى بويجەتكەندٸ ٸزدەۋگە جۇمىلدىرىلدى» دەلٸنگەن قاراعاندى وبلىستىق پوليتسييا دەپارتامەنتٸ تاراتقان مەلٸمەتتە.
بٷگٸن, 3 قاراشا كٷنٸ ٸزدەۋ جۇمىستارى كەزٸندە بالقاش كٶلٸنە جاقىن ماڭنان 19 جاستاعى قىزدىڭ دەنەسٸ تابىلدى.
مەيٸتتە كٶزگە كٶرٸنەتٸن ازاپتاۋ بەلگٸلەرٸ بايقالمايدى. قىزدىڭ ٶلٸمٸنٸڭ الدىن الا سەبەبٸ - اعزانىڭ ايازعا ٷسۋٸ.
«اتالعان جاعداي نەگٸزٸندە بٷكٸل ساراپتاما تاعايىندالدى, ٶلٸم سەبەبٸ انىقتالىپ جاتىر» دەپ تٷيٸندەدٸ دەپارتامەنتتٸڭ باسپاسٶز قىزمەتٸنەن.
