Iz-túzsiz joǵalǵan 19 jastaǵy boijetkenniń denesi tabyldy, dep habarlaidy QazAqparat.
Qyzdy izdeý jumystary 2 qarashada bastalǵan bolatyn. Boijetken sol kúni úiden shyǵyp ketip, qaityp oralmaǵan. Anasy shuǵyl politsiiaǵa habar bergen.
Politsiia men joǵalǵandardy izdeitin volonterler qozǵalysy birden iske kiristi.
«2 qarashada Balqash qalasy politsiiasynyń kezekshi bólimine 55 jastaǵy qala turǵynynan ótinish tústi. Ol 19 jastaǵy qyzynyń habar-osharsyz ketkenin málim etken. Bul fakti tirkelip, politsiianyń búkil jeke quramy boijetkendi izdeýge jumyldyryldy» delingen Qaraǵandy oblystyq politsiia departamenti taratqan málimette.
Búgin, 3 qarasha kúni izdeý jumystary kezinde Balqash kóline jaqyn mańnan 19 jastaǵy qyzdyń denesi tabyldy.
Máiitte kózge kórinetin azaptaý belgileri baiqalmaidy. Qyzdyń óliminiń aldyn ala sebebi - aǵzanyń aiazǵa úsýi.
«Atalǵan jaǵdai negizinde búkil saraptama taǵaiyndaldy, ólim sebebi anyqtalyp jatyr» dep túiindedi departamenttiń baspasóz qyzmetinen.
