يندونەزييانىڭ بالي ارالى كوروناۆيرۋستىڭ تارالۋ قاۋپٸنە بايلانىستى شەتەلدٸك تۋريستەر ٷشٸن بيىلعى جىلدىڭ سوڭىنا دەيٸن جابىق بولماق.
بۇعان دەيٸن وسى تانىمال دەمالىس ورنىنىڭ بيلٸگٸ ارالدى شەتەلدٸك دەمالۋشىلار ٷشٸن كەلەسٸ ايدان باستاپ اشپاق بولعان. بٸراق يندونەزييادا Covid-19 جۇقتىرۋ جاعدايلارىنىڭ ٶسۋٸنە بايلانىستى جوسپار ٶزگەرتٸلدٸ. مۇنداي قادام تۋريزمگە قاتتى تەۋەلدٸ ەكونوميكاعا دا ەسەرٸن تيگٸزدٸ, دەپ حابارلايدى BBC اگەنتتٸگٸ.
جىل سايىن ميلليونداعان شەتەلدٸكتەر باليگە جاعاجايلاردى, كٷرٸش القاپتارى مەن ٷلكەن ٷندٸ حرامدارىن ٸزدەپ كەلەدٸ. بٸراق يندونەزييا پاندەمييامەن كٷرەس شاراسى رەتٸندە شەكاراسىن جاپقاننان كەيٸن ولاردىڭ سانى كٷرت ازايدى.
شٸلدە ايىنان بەرٸ ارال بيلٸگٸ پاندەمييادان زارداپ شەككەن جەرگٸلٸكتٸ ەكونوميكانىڭ «جٷرەگٸ» بولعان تۋريستٸك يندۋستريياعا كٶمەكتەسۋ ٷشٸن جەرگٸلٸكتٸ تۋريستەرگە كٶپ كٶڭٸل بٶلە باستادى. باليدا جەرگٸلٸكتٸ تۋريستەر ٷشٸن جاعاجايلار, حرامدار جەنە باسقا دا كٶرٸكتٸ جەرلەر قايتا اشىلدى.
بالي گۋبەرناتورى ۆايان كوستەردٸڭ مەلٸمدەمەسٸندە ارالدىڭ شەتەلدٸك تۋريستەر ٷشٸن قايتادان قاشان اشىلاتىنى ناقتىلانباعان, بٸراق يندونەزييا شەتەلدٸك دەمالۋشىلار ٷشٸن 2020 جىلدىڭ سوڭىنا دەيٸن جابىق ەكەنٸ ايتىلعان.
گۋبەرناتوردىڭ ايتۋىنشا, ارالدىڭ اشىلۋى «ساقتىقتى» جەنە مۇقييات دايىندىقتى قاجەت ەتەدٸ, ٶيتكەنٸ سەتسٸز جاعدايلار ارالدىڭ قالپىنا كەلۋٸ مەن بەدەلٸنە نۇقسان كەلتٸرۋٸ مٷمكٸن.
دٷيسەنبٸ كٷنگٸ جاعداي بويىنشا باليدا كوروناۆيرۋس جۇقتىرۋدىڭ 4576 وقيعاسى تٸركەلگەن. 52 ادام قاۋٸپتٸ ۆيرۋستان كٶز جۇمعان.
بٷكٸل ەل بويىنشا اۋرۋعا شالدىعۋدىڭ 155000-نان استام وقيعاسى تٸركەلگەن, 6759 ادام قايتىس بولعان. بۇل وڭتٷستٸك-شىعىس ازيياداعى ٶلٸم جاعدايلارىنىڭ ەڭ كٶپ سانى ەكەندٸگٸ اتاپ ٶتٸلدٸ. ساراپشىلاردىڭ پايىمداۋىنشا, ەگەر كوروناۆيرۋسقا تەستٸلەردٸ كٶپتەپ تاپسىرسا, ولاردىڭ سانى دا كٶپ بولار ەدٸ.
