فوتو: ۆيدەودان سكرينشوت
وقيعا جەتٸسۋ وبلىسى پانفيلوۆ اۋدانى جاركەنت قالاسىندا بولعان, دەپ حابارلايدى Ult.kz.
بالاسىن اياۋسىز ساباپ جاتقان ۆيدەو ەلەۋمەتتٸك جەلٸلەردە تاراپ, پوليتسييا تەكسەرٸس جٷرگٸزدٸ. اتالعان دەرەك بويىنشا قىلمىستىق ٸس قوزعالدى. ەيەل قاجەتتٸ تەرگەۋ ەرەكەتتەرٸن جٷرگٸزۋ ٷشٸن پوليتسييا بٶلٸمٸنە جەتكٸزٸلٸپ, ۋاقىتشا ۇستاۋ يزولياتورىنا قامالدى.
"ەكٸ بالا قاۋٸپسٸزدٸگٸن قامتاماسىز ەتۋ ماقساتىندا بارلىق مەن-جايدى انىقتاعانعا دەيٸن وتباسىن قولداۋ ورتالىعىنا ورنالاستىرىلدى. قامقورشىلىق جەنە قورعانشىلىق ورگانىنىڭ اتىنا اتا-انا قۇقىعىنان ايىرۋ مەسەلەسٸن قاراۋ تۋرالى تيٸستٸ ۇسىنىس جولداناتىن بولادى", - دەلٸنگەن حابارلامادا.
تەرگەۋ بارىسى جەتٸسۋ وبلىستىق پوليتسييا دەپارتامەنتٸ باسشىلىعىنىڭ جەكە باقىلاۋىندا ەكەنٸ جەنە تەرگەۋ نەتيجەسٸ بويىنشا كٸنەلٸ تۇلعالار جاۋاپقا تارتىلاتىنى ايتىلدى.
ەسكە سالا كەتەيٸك, جەتٸسۋ وبلىسىنىڭ جاركەنت قالاسىندا ٶز بالاسىن باتارەياعا بايلاپ, بٸرنەشە مينۋت بويى ۇرىپ-سوققان ەيەلدٸڭ ۆيدەوسىن جۋرناليست جانار نۇرتازينا Instagram جەلٸسٸندە جارييالادى.
ۆيدەودان شامامەن 3–4 جاستاعى بالانىڭ شاعىن پەتەردەگٸ جىلۋ باتارەياسىنا قارا جٸپپەن بايلانعانى كٶرٸنەدٸ. 30–35 جاس شاماسىنداعى ەيەل قورعانسىز بالانى تەپكٸلەپ, ۇرىپ, اۋىر سٶزدەر ايتقان. كادردا پەتەردە تاعى ٷش بالانىڭ جٷرگەنٸ بايقالادى. زورلىق كٶرٸنٸسٸن بٸرەۋ تەلەفونعا تٷسٸرٸپ وتىرعان.
جۋرناليستٸڭ ايتۋىنشا, ۆيدەونى بالانىڭ ەكەسٸ جولداعان, ال سوققى كٶرسەتكەن - سول بالانىڭ اناسى.
