پوليتسييا ينتەرنەتتە ٶزٸن ەمشٸ, كٶرٸپكەل نەمەسە بالگەر رەتٸندە تانىستىرىپ, ازاماتتاردى «بالاڭىز قاتتى دۋالانعان» دەپ قورقىتىپ, اقشا تالاپ ەتەتٸن الاياقتار كٶبەيگەنٸن ەسكەرتتٸ, دەپ حابارلايدى ult.kz.
الاياقتار ەلەۋمەتتٸك جەلٸلەر مەن مەسسەندجەرلەر ارقىلى ادامدارعا حابارلاسىپ, تٷرلٸ «بەلگٸلەردٸ» سىلتاۋ ەتەدٸ. ولار جاعدايدىڭ كٷردەلٸ ەكەنٸن ايتىپ, «دۋانى قايتارۋدى» نەمەسە «ەم جٷرگٸزۋدٸ» ۇسىنادى.
كەيٸن «ەمگە قاجەتتٸ زاتتاردى ساتىپ الۋ», «ەم جٷرگٸزۋ» نەمەسە «دۋانى قايتارۋ» دەگەن سىلتاۋمەن اقشا اۋدارۋدى تالاپ ەتەدٸ.
پوليتسييانىڭ ايتۋىنشا, الاياقتار ازاماتتاردىڭ قورقىنىشى مەن الاڭداۋشىلىعىن پايدالانىپ وتىر.
قۇقىق قورعاۋ ورگاندارى تۇرعىنداردى ينتەرنەتتەگٸ بەيتانىس ادامداردىڭ تٷرلٸ دەرتتەن ەمدەۋ نەمەسە «كٶز تييۋدەن ارىلتۋ» تۋرالى ۋەدەلەرٸنە سەنبەۋگە شاقىردى.
سونداي-اق تانىس ەمەس ادامداردىڭ ەسەپشوتتارىنا اقشا اۋدارماۋ, جەكە دەرەكتەردٸ, بانك كارتاسىنىڭ مەلٸمەتتەرٸن جەنە SMS ارقىلى كەلەتٸن كودتاردى ەشكٸمگە بەرمەۋ قاجەت.
پوليتسييا كٷمەندٸ جاعدايعا تاپ بولعان ازاماتتارعا حات الماسۋ تاريحىن جەنە اقشا اۋدارىلعانىن راستايتىن تٷبٸرتەكتەردٸ ساقتاپ قويۋعا كەڭەس بەرەدٸ.
الاياقتىقتىڭ قۇربانى بولعان نەمەسە وسىنداي جولمەن اقشا تالاپ ەتٸلگەن جاعدايدا, 102 نٶمٸرٸنە حابارلاسۋ قاجەت.
