Politsiia internette ózin emshi, kóripkel nemese balger retinde tanystyryp, azamattardy «balańyz qatty dýalanǵan» dep qorqytyp, aqsha talap etetin alaiaqtar kóbeigenin eskertti, dep habarlaidy ult.kz.
Alaiaqtar áleýmettik jeliler men messendjerler arqyly adamdarǵa habarlasyp, túrli «belgilerdi» syltaý etedi. Olar jaǵdaidyń kúrdeli ekenin aityp, «dýany qaitarýdy» nemese «em júrgizýdi» usynady.
Keiin «emge qajetti zattardy satyp alý», «em júrgizý» nemese «dýany qaitarý» degen syltaýmen aqsha aýdarýdy talap etedi.
Politsiianyń aitýynsha, alaiaqtar azamattardyń qorqynyshy men alańdaýshylyǵyn paidalanyp otyr.
Quqyq qorǵaý organdary turǵyndardy internettegi beitanys adamdardyń túrli dertten emdeý nemese «kóz tiiýden aryltý» týraly ýádelerine senbeýge shaqyrdy.
Sondai-aq tanys emes adamdardyń esepshottaryna aqsha aýdarmaý, jeke derekterdi, bank kartasynyń málimetterin jáne SMS arqyly keletin kodtardy eshkimge bermeý qajet.
Politsiia kúmándi jaǵdaiǵa tap bolǵan azamattarǵa hat almasý tarihyn jáne aqsha aýdarylǵanyn rastaityn túbirtekterdi saqtap qoiýǵa keńes beredi.
Alaiaqtyqtyń qurbany bolǵan nemese osyndai jolmen aqsha talap etilgen jaǵdaida, 102 nómirine habarlasý qajet.
