قازاقستاندا مەكتەپ وقۋشىلارىنىڭ تەگٸن تاماقتانۋىن باقىلاۋدىڭ جاڭا تەرتٸبٸ ەنگٸزٸلەدٸ. ەندٸ اتا-انالار بالاسىنىڭ مەكتەپ اسحاناسىندا تاماقتانعان-تانباعانىن eGov ارقىلى تەكسەرە الادى. ال مەملەكەت مەكتەپتەگٸ تاماقتاندىرۋ قىزمەتٸنە تٶلەمدٸ تەك وقۋشىنىڭ تاماقتانعانى راستالعان جاعدايدا جٷرگٸزەدٸ, دەپ حابارلايدى ult.kz.
قازٸر از قامتىلعان وتباسىلاردان شىققان بالالارمەن قاتار, 1-4 سىنىپ وقۋشىلارىنىڭ بارلىعى مەكتەپتە تەگٸن ىستىق تاماقپەن قامتاماسىز ەتٸلەدٸ. بۇعان بيۋدجەتتەن ارنايى قاراجات بٶلٸنەدٸ.
جاڭا جٷيە بويىنشا بالا مەكتەپكە كەلمەسە نەمەسە اسحانادا تاماقتانباسا, سول كٷنگٸ تاماقتانۋ اقىسى تٶلەنبەيدٸ. ياعني مەكتەپ اسحانالارىنا قاراجات وقۋشىنىڭ ناقتى تاماقتانعانىن راستايتىن دەرەكتەر نەگٸزٸندە اۋدارىلادى.
«بيىلدان باستاپ مەكتەپتەردٸڭ تاماقتانۋ قىزمەتٸنە اقى تٶلەۋ تەك راستالعان دەرەكتەر نەگٸزٸندە جٷرگٸزٸلەدٸ. 1 قىركٷيەككە دەيٸن تيٸستٸ تٸزٸمدەردٸ قالىپتاستىرىپ, دايىندىق جۇمىستارىن قامتاماسىز ەتۋ قاجەت», – دەدٸ جاساندى ينتەللەكت جەنە تسيفرلىق دامۋ ۆيتسە-مينيسترٸ روستيسلاۆ كونياشكين.
اتا-انالار بالاسىنىڭ مەكتەپتە تاماقتانعانىن eGov Mobile قوسىمشاسىنداعى «قىزمەتتەر» → «ەلەۋمەتتٸك ەمييان» → «ىستىق تاماق» بٶلٸمٸ ارقىلى كٶرە الادى.
ال وقۋشىنىڭ تاماقتانعانىن تٸركەۋ ٷشٸن مەكتەپ اسحانالارىندا QR-كود, كارتا, Face ID نەمەسە ٶزگە دە سەيكەستەندٸرۋ تەسٸلدەرٸ قولدانىلماق. جٷيە وسى دەرەكتەر نەگٸزٸندە بالانىڭ تاماقتانعانىن راستاپ, اقپاراتتى اتا-اناعا جەتكٸزەدٸ.
بۇل جاڭاشىلدىق تەگٸن تاماقتاندىرۋ جٷيەسٸنٸڭ اشىقتىعىن ارتتىرۋعا باعىتتالعان. ياعني بۇعان دەيٸن سىنىپتاعى وقۋشىلاردىڭ سانىنا قاراي ەسەپتەلەتٸن قاراجات ەندٸ ناقتى تاماقتانۋ فاكتٸسٸمەن بايلانىستىرىلماق.
مينيسترلٸك مەلٸمەتٸنشە, ٶتكەن وقۋ جىلىندا «ەلەۋمەتتٸك ەمييان» جٷيەسٸ ارقىلى وقۋشىلارعا 149 ملن تەڭگەگە ىستىق تاماق بەرٸلگەن. ال تسيفرلىق ۆاۋچەر قىزمەتٸن 1,5 ملن-نان استام اتا-انا ٸسكە قوسقان.
جاڭا باقىلاۋ تەتٸگٸ قىركٷيەك ايىنان باستاپ بارلىق مەكتەپتە قولدانىلۋى تيٸس. ەندٸ اتا-انا بالاسىنىڭ مەكتەپتە تەگٸن تاماقتانعانىن ٷيدەن شىقپاي-اق باقىلاي الادى.
