فوتو: aigak.kz
2024-2025 جاڭا وقۋ جىلىنىڭ باستالۋىنا دا از ۋاقىت قالدى. تاۋار باعاسى جىلدان جىلعا كٶتەرٸلٸپ, اتا-انالار مەكتەپ قۇرالدارىنىڭ شىعىنى ارتىپ جاتقانىن ايتىپ شاعىمدانۋدا. بيىلعى جىلى ەلوردا دٷكەندەرٸندە باعا قالاي ٶزگەرگەنٸن ULT.KZ تٸلشٸسٸ انىقتاپ كٶردٸ.
مەكتەپكە ەڭ قاجەتتٸ ساتىپ الۋلار تٸزٸمٸنە بٸز قازاقستاندا رەسمي بەكٸتٸلگەن ستاندارت بويىنشا مەكتەپ فورماسى, اياق كيٸمدەر, ريۋكزاك جەنە كەڭسە تاۋارلارىن الدىق.
ايتا كەتەيٸك, جوعارعى سىنىپ جەنە تٶمەنگٸ سىنىپ وقۋشىلارىنا قاجەتتٸ قۇرال-جابدىقتىڭ تٷرٸ مەن كيٸمنٸڭ ٶلشەمٸنە بايلانىستى شىعىن ەر تٷرلٸ بولعاندىقتان, بٸز باستاۋىش سىنىپ وقۋشىلارىنا ارنالعان تاۋار قۇنىن قاراستىردىق.
سونداي-اق, بۇل شىعىنعا كٷن سۋىتقاندا كيەتٸن بەتەڭكە, كۋرتكا, باس كيٸم سيياقتى شىعىنداردى, مۇعالٸمگە بەرەتٸن گٷل شوعى, جەيدەنٸڭ ٸشٸنەن كيەتٸن مايكا, نوسكي مەن گولفي, قىزداردىڭ شاشىنا تاعاتىن رەزينكا, قىستىرعىش سيياقتى ۇساق-تٷيەك شىعىندار, بالالاردىڭ ٷيدەگٸ قاجەتتٸ قۇرالدارى (ساباق وقيتىن ٷستەلٸ مەن ورىندىعى, كٸتاپ سٶرەسٸ, ٷستەل شامى, قالام-قارىنداشتاردى سالاتىن ورگانايزەر) كٸرمەدٸ, بٸرٸنشٸ سىنىپقا باراتىن بالالاردىڭ تٸلاشار تويى دا بۇل شىعىنعا جاتپايدى.
قاجەتتٸ قۇرالدار مەن كيٸم-كەشەكتەردٸ ەلدەگٸ تانىمال بالالار تاۋارلارىن ساتاتىن دٷكەندەردٸڭ سايتتارىنان قاراستىرىپ كٶردٸك. اتاپ ايتقاندا: دەتسكيي مير, Kari kids, DeFacto, Orchestra, Ostin-نٸڭ استاناداعى دٷكەندەرٸندەگٸ باعانى ساراپتاپ, سالىستىردىق.
ەسكەرە كەتەيٸك, ستاتيستيكا بيۋروسىنىڭ مەلٸمەتٸنە سٷيەنسەك, قازاقستان رەسپۋبليكاسى بويىنشا اتاۋلى جالاقىنىڭ ورتاشا مەنٸ 2024 جىلعى I توقساندا 382 279 تەڭگەنٸ قۇرادى. 2023 جىلدىڭ تيٸستٸ توقسانىنا قاراعاندا ٶسٸم 12,3%, ناقتى مەندە – 2,7% بولدى. جالاقىنىڭ مەديانالىق مەنٸ (جالاقى قاتارىنىڭ ورتالىق دەڭگەيٸ) 2024 جىلعى I توقساندا باعالاۋ بويىنشا 251 997 تەڭگەنٸ قۇرادى.
مەملەكەتتٸك ستاندارت بويىنشا ۇلداردىڭ مەكتەپ فورماسى: پيدجاك, كەۋدەشە, شالبار, مەرەكەلٸك جەيدە, كٷندەلٸكتٸ جەيدە, نە تٷيمەلەرٸ بار نەمەسە سىدىرمالى توقىلعان كٷرتە/كارديگان, پولو جەيدە نەمەسە تەننيسكا (قىسقى مەزگٸلدە: تريكوتاج جيلەت, ۆودولازكا). ۇلدارعا ارنالعان شالبارلار ەركٸن تٸگٸلگەن جەنە ۇزىندىعى بويىنشا توبىقتى جاۋىپ تۇرادى.
مەكتەپ فورماسى: 13000-30 000 تەڭگە ارالىعىندا
اق تٷستٸ جەيدە: 4000-15000 تەڭگە شاماسىندا
اق تٷستٸ پولو جەيدە: 4000-9500 تەڭگەدەي تۇرادى
مەكتەپكە كيەتٸن شالبار: 7000-13000 تەڭگە ارالىعىندا
كەۋدەشە: 5000-10000 تەڭگە ارالىعىندا
توقىما كارديگان: 10000-18000 تەڭگە شاماسىندا
گالستۋك: 6000 تەڭگە ارالىعىندا
تۋفلي: بىلعارىدان تٸگٸلگەنٸ – 25000 تەڭگە, جاساندى بىلعارىدان تٸگٸلگەنٸ - 7500 تەڭگە شاماسىندا.
فوتو: بالالار دٷكەنٸنٸڭ سكرينشوتى
قىزداردىڭ مەكتەپ فورماسى: پيدجاك, كەۋدەشە, بەلدەمشە, شالبار, كلاسسيكالىق جەيدە, نە تٷيمەلەرٸ بار نەمەسە سىدىرمالى توقىلعان كٷرتە/كارديگان, پولو جەيدە نەمەسە تەننيسكا (قىسقى ۋاقىتتا: تريكوتاج جيلەت, سارافان, ۆودولازكا). قىزدارعا ارنالعان شالبارلار ەركٸن تٸگٸلگەن جەنە ۇزىندىعى بويىنشا توبىقتى جاۋىپ تۇرادى.
مەكتەپ فورماسى: 24000 تەڭگە
سارافان: 10000-22000 تەڭگە شاماسىندا
جەيدە: 6000-19000 تەڭگەدەي تۇرادى
بەلدەمشە:6000-20000 تەڭگە شاماسىندا
شالبار: 10000-24000 تەڭگە ارالىعىندا
كەۋدەشە: 4500-13000 تەڭگە ارالىعىندا
توقىما كارديگان: 6000-8000 تەڭگە شاماسىندا
اق تٷستٸ بانت: 1000-1500 تەڭگە تەڭگە ارالىعىندا باعالانادى
تۋفلي: بىلعارىدان تٸگٸلگەنٸ – 25000 تەڭگە, جاساندى بىلعارىدان تٸگٸلگەنٸ -10000 تەڭگە شاماسىندا.
فوتو: بالالار دٷكەنٸنٸڭ سكرينشوتى
ۇلدار مەن قىزدارعا ارنالعان سپورتتىق فورما سپورتتىق كوستيۋمنەن (سپورتتىق شالبار, كۋرتكا, فۋتبولكا), سپورتتىق اياق كيٸمنەن (كروسسوۆكا, كەدى) تۇرادى. سپورتتىق كيٸمدەردٸڭ قۇنى قىز بالالار مەن ۇلدارعا شامالاس.
سپورتتىق كوستيۋم: 9000-25000 تەڭگە شاماسىندا
فۋتبولكا:3000-5000 تەڭگە ارالىعىندا
كروسسوۆكا: 7500-55000 تەڭگە ارالىعىندا
مەكتەپ فورماسىنا ورتا بٸلٸم بەرۋ ۇيىمىنىڭ ەرەكشەلٸك بەلگٸلەرٸن (بەلگٸلەر, تٸگٸسپەلەر, شەۆرون جەنە ت.ب.) ورنالاستىرۋعا رۇقسات ەتٸلەدٸ. مۇنداي بەلگٸلەر تٸگٸن فابريكالارى مەن تسەحتەرٸنە ارنايى تاپسىرىس بەرۋ اقىلى جاسالادى.
ريۋكزاك پەن دوربا
اتاپ ٶتكەن بالالار دٷكەندەرٸندە ريۋكزاكتار باعاسى 2000 تەڭگەدەن باستالىپ, 35000 تەڭگەگە دەيٸن بارادى.
سپورتتىق كيٸم مەن اياق كيٸم سالاتىن دوربالاردىڭ ەڭ ارزانى 890 تەڭگە تۇرادى, ال ورتاشا قۇنى 5000 تەڭگە شاماسىندا.
قالام سالاتىن پەنالدىڭ باعاسى 1000-6000 تەڭگە شاماسىندا ساتىلىپ تۇر. قاعاز-قالام سالاتىن پاپكانى 2000 تەڭگەگە دە الۋعا بولادى.
ەسكەرەتٸن بٸر جايت, وقۋشى تاۋارلارى كٶپ جاعدايدا ساپاسى قۇنىنا قاراي جوعارىلايدى. سوندىقتان ارزاننىڭ جٸلٸگٸ تاتىمايتىن بولىپ شىعۋى دا بەك مٷمكٸن.
كەڭسە تاۋارلارى
كەڭسە تاۋارلارىنا دا سۇرانىسپەن بٸرگە ۇسىنىس تا الۋان تٷرلٸ. دەل قازٸرگٸ ۋاقىتتا بٸز كٶرگەن دٷكەندەردە 12 پاراقتىق دەپتەر – 19 تەڭگە, 18 بەتتٸك دەپتەر – 47 تەڭگەدەن تۇر. ال دەپتەردٸڭ تىسىنىڭ 10 داناسىن – 190 تگ-گە الا الاسىز. تٷرلٸ-تٷستٸ قاعاز -16 پاراقتان تۇراتىن تٷرلٸ-تٷستٸ قاعازداردى 455, ال 8 تٷستٸ قاتتى قاعاز 380 تەڭگە.
فوتو: بالالار دٷكەنٸنٸڭ سكرينشوتى
قالامدار نارىقتا تٷرلٸ-تٷرلٸ بولىپ كەلەدٸ. ولاردىڭ قاراپايىم ەشقانداي سەندەلمەگەنٸ دە (150تگ), ەدەمٸ سۋرەتتەرمەن ەرلەنگەنٸ دە, سىياسى ٶشەتٸندەرٸ (قورابى شامامەن 3000 تگ), اۆتوماتتى شاريكتٸسٸ دە (3 قالام 700-1000 تگ) بار. ال تٷرلٸ-تٷستٸ قارىنداش 300 تەڭگەدەن 3000 تەڭگەدە دەيٸن قالتاعا قاراي ەر تٷرلٸسٸن تابۋعا بولادى. ٶشٸرگٸش, سىزعىش, قايشى, جەلٸم 500 تەڭگەدەن باستاپ, 3000 تەڭگەگە دەيٸن ەر تٷرلٸسٸن ساتىپ الۋعا بولادى.
بٸزدٸڭ ەسەپتەۋٸمٸز بويىنشا بٸر بالانى مەكتەپكە دايارلاۋ ٷشٸن بٸر ادامنىڭ ورتاشا جالاقى مٶلشەرٸ كەتەدٸ.
ەلدە «جالپىعا مٸندەتتٸ بٸلٸم بەرۋ» قورى جۇمىس ٸستەيتٸنٸن دە ايتا كەتكەن جٶن. تۇرمىستىق جاعدايىنا بايلانىستى قوردان بەرٸلەتٸن كٶمەككە مەكتەپ فورماسى مەن سپورتتىق كيٸم, اياق كيٸممەن قامتاماسىز ەتۋ, جاعدايى تٶمەن وتباسىلارعا قىستىق كيٸم, مەكتەپكە قاجەتتٸ قۇرال-سايماندار, وقۋ قۇرالدارى (دەپتەر, قالامساپ, ت.ب.) دا ۇسىنىلادى.
قر بٸلٸم مينيسترلٸگٸ بالالاردىڭ قۇقىقتارىن قورعاۋ كوميتەتٸنٸڭ تٶراعاسى ناسىمجان وسپانوۆانىڭ ايتۋىنشا اتاۋلى ەلەۋمەتتٸك كٶمەك الاتىن وتباسىلاردان شىققان, جەتٸم جەنە اتا-اناسىنىڭ قامقورلىعىنسىز قالعان, سونداي-اق جان باسىنا شاققانداعى ورتاشا تابىسى ەڭ تٶمەنگٸ كٷنكٶرٸس دەڭگەيٸنەن تٶمەن وتباسىلاردان شىققان بالالارعا ماتەريالدىق قولداۋ كٶرسەتٸلەدٸ. سونىمەن قاتار, جاڭا وقۋ جىلى قارساڭىندا تٶتەنشە جاعدايعا تاپ بولعان وقۋشىلار قارجىلاي كٶمەك الادى.
"بيىلعى جىلى ماتەريالدىق كٶمەكتٸڭ مٶلشەرٸ - 43 407 تەڭگەنٸ قۇرايدى. بٷگٸنگٸ تاڭدا اتا-انالاردىڭ شوتتارىنا 3,4 ملرد تەڭگەدەن استام قاراجات اۋدارىلدى, 78 مىڭعا جۋىق بالا قامتىلدى", -دەدٸ ناسىمجان وسپانوۆ 1 تامىزدا ٶتكەن بريفينگتە .
