پاۆلودار تۇرعىنى جەدەل جەردەم قىزمەتكەرلەرٸ اۋرۋحاناعا بارار جولدا ونىڭ بٸر جاسار بالاسىن جاراقاتتاپ العانىن ايتادى. ايتۋىنشا, بالانىڭ قابىرعاسى سىنعان. دەنساۋلىق ساقتاۋ باسقارماسى وقيعانىڭ مەن-جايىن انىقتاپ جاتىر, - دەپ حابارلايدى Tengrinews.kz تٸلشٸسٸ.
پاۆلودارلىق ەيەل جانتٷرشٸگەرلٸك وقيعا تۋرالى Instagram-دا جازدى. ەيەل 6 سەۋٸر كٷنٸ ساعات 21:03-تە جەدەل جەردەم شاقىرعان. دەرٸگەرلەر كەلگەنشە نەرەستە بٸرنەشە مەرتە ەسٸنەن تانىپ قالعان. ەيەل دەرٸگەرلەردٸڭ تەز جەتكەنٸن, الايدا العاشقى كٶمەك كٶرسەتۋگە دايىن ەمەستٸكتەرٸن ايتادى.
"ولار وتتەگٸسٸز كەلگەن, سودان كەيٸن العاشقى كٶمەك كٶرسەتۋ ٷشٸن كەرەكتٸ قۇرىلعىلارىن الۋعا تاعى ٷش رەت كٶلٸككە باردى. وسى كەزدە جوعالعان ۋاقىتتى ايتساڭىزشى. نەتيجەسٸندە, مەنٸڭ بٸر جاسار بالاما العاشقى كٶمەك كٶرسەتٸپ, قابىرعاسىن سىندىردى, بۇل بەرگٸ جاعى. اۋرۋحاناعا بارار جولدا بالانى باسپەن قۇلاتتى. قازٸر بالام اۋىر جاعدايدا رەانيماتسييادا جاتىر. جەدەل جەردەم بريگاداسىنىڭ نەمقۇرايدىلىعىنا قاتىستى شارالار قابىلداڭىز", - دەپ جازدى اۆتور.
ەيەلدٸڭ تۋىستارىنىڭ ايتۋىنشا, سول كٷنٸ جەدەل جەردەم بالاعا ەكٸ رەت كەلگەن.
"العاش رەت تٷسكٸ ۋاقىتتا شاقىرىلدى, ول كەزدە بالانىڭ ۇستاماسى بولمادى. ونىڭ ىستىعى كٶتەرٸلٸپ تۇردى, ەپكەم ونىڭ جٷرەگٸن, ٶكپەسٸن تىڭداۋدى ٶتٸندٸ. جەدەل جەردەم دەرٸگەرلەرٸ ٶكپەسٸ تازا ەكەنٸن, تٸس شىعىپ جاتقاندىقتان مازاسىزدانىپ, ىستىعى كٶتەرٸلٸپ جاتقانىن ايتتى. قازٸر بالادا پنەۆمونييا, ياعني جەدەل جەردەم مۇنى بٸلمەگەن, تاعى بٸر نەمقۇرايدىلىق. ەگەر ەپكەم بالادا پنەۆمونييا ەكەنٸن بٸلگەندە اۋرۋحاناعا ەرتە باراتىن ەدٸ. سونداي-اق, جولدا جەدەل جەردەم دەرٸگەرلەرٸ بالانى تەمٸر ەدەنگە باسىمەن قۇلاتقان", - دەدٸ ەيەلدٸڭ تۋىسى.
ايتا كەتەيٸك, وبلىستىق جەدەل جەردەم ستانتسيياسىندا زارداپ شەككەن بالانىڭ قابىرعاسى سىنباعانىن ايتقان. الايدا كەيٸنٸرەك جاراقات بار, قابىرعاسى سىنعانى انىقتالعان.
"بالانى قابىلداعان اۋرۋحانا رەنتگەنگە تٷسٸرگەندە بالانىڭ قابىرعاسى سىنباعانىن, بەرٸ جاقسى ەكەنٸن ايتقان. قازٸر بٸز قابىرعاسى سىنعانىن بٸلٸپ وتىرمىز. بۇنىڭ قالاي بولعانىن انىقتايمىز", - دەدٸ دەرٸگەرلەر.
پاۆلودار وبلىسىنىڭ دەنساۋلىق ساقتاۋ باسقارماسى دا سەبيدٸڭ قابىرعاسى سىنعانىن راستادى.
"2021 جىلى تۋىلعان بالا قازٸرگٸ ۋاقىتتا وبلىستىق بالالار اۋرۋحاناسىنىڭ جانساقتاۋ بٶلٸمٸندە جاتىر. دياگنوزى ەكٸ جاقتى پوليسەگمەنتالدى پنەۆمونييا. سونىمەن قاتار, تسەرەبرالدى سال اۋرۋى, پسيحوموتورلىق دامۋدىڭ كەشٸگۋٸ, سيمپتوماتيكالىق ەپيلەپسييا, كونۆۋلسييالىق سيندروم بار. سونداي-اق, سەگٸزٸنشٸ قابىرعاسى سىنعان. اتالعان فاكت بويىنشا قىزمەتتٸك تەرگەۋ جٷرگٸزٸلۋدە", - دەپ تٷسٸندٸردٸ ۆەدومستۆودا.
