الاياقتار قازاقستاندىقتاردى الداۋدىڭ جاڭا تەسٸلٸنە كٶشتٸ. قاسكٶيلەر جاساندى ينتەللەكت كٶمەگٸمەن ادامنىڭ داۋىسىن اينىتپاي سالىپ, ونىڭ تۋىسىنا قاۋٸپ تٶنگەنٸن ايتىپ, شۇعىل اقشا سۇرايدى. مۇنداي قۋلىققا ەسٸرەسە ەگدە جاستاعى ادامدار جيٸ الدانىپ قالادى, دەپ حابارلايدى ult.kz.
بۇل تۋرالى استانا قالاسى پروكۋراتۋراسىنىڭ باسقارما پروكۋرورى تالانت قاليەۆ ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە ايتتى.
پروكۋروردىڭ سٶزٸنشە, الاياقتار ەلەۋمەتتٸك ينجەنەرييا ەدٸستەرٸن بەلسەندٸ قولدانىپ جاتىر. سونىڭ ٸشٸندە جاساندى ينتەللەكت ارقىلى ادامنىڭ داۋىسىن كٶشٸرٸپ, جاقىن تۋىسىنىڭ اتىنان قوڭىراۋ شالاتىن جاعدايلار كٶبەيگەن.
قاسكٶيلەر تەلەفون ارقىلى ادامنىڭ بالاسى, نەمەرەسٸ نەمەسە باسقا جاقىن تۋىسى قيىن جاعدايعا تاپ بولعانىن ايتىپ, دەرەۋ اقشا جٸبەرۋدٸ تالاپ ەتەدٸ. مىسالى, جول-كٶلٸك وقيعاسىنا تٷسكەنٸن نەمەسە باسقا دا كەلەڭسٸز جاعدايعا تاپ بولعانىن ايتىپ, كٶمەك سۇراۋى مٷمكٸن.
«مۇنداي تۇزاققا كٶبٸنەسە ەگدە جاستاعى ادامدار تٷسەدٸ. ولار ٶزدەرٸنە بالالارى نەمەسە نەمەرەلەرٸ حابارلاسىپ تۇر دەپ ويلايدى. تانىس داۋىستى ەستٸگەن سوڭ, بٸردەن كٶرسەتٸلگەن نٶمٸرگە اقشا اۋدارادى», – دەدٸ تالانت قاليەۆ.
پروكۋرور مۇنداي قوڭىراۋ تٷسكەن جاعدايدا اقشانى بٸردەن اۋدارماۋعا شاقىردى. ونىڭ ايتۋىنشا, ادامنىڭ داۋىسىن ەستٸگەننٸڭ ٶزٸندە اقپاراتتى مٸندەتتٸ تٷردە تەكسەرۋ قاجەت.
«قوڭىراۋدى بٸردەن ٷزٸپ, جاقىندارىڭىزعا ٶزٸڭٸزگە بەلگٸلٸ نٶمٸر ارقىلى قايتا حابارلاسىڭىز. ونىڭ شىنىمەن كٶمەككە مۇقتاج ەكەنٸن انىقتاپ الىڭىز. مۇنداي جاعدايدا تەك داۋىسقا سەنۋگە بولمايدى», – دەپ ەسكەرتتٸ پروكۋرور.
مامانداردىڭ ايتۋىنشا, الاياقتاردىڭ باستى قارۋى – ادامنىڭ قورقىنىشى مەن اسىعىستىعىن پايدالانۋ. سوندىقتان كٷتپەگەن قوڭىراۋ كەزٸندە سابىر ساقتاپ, اقپاراتتى بٸرنەشە جولمەن تەكسەرۋ – اقشاڭىزدى ساقتاپ قالۋدىڭ ەڭ قاراپايىم تەسٸلدەرٸنٸڭ بٸرٸ.
