بالالاردى ۆاكتسينالاۋ قاۋٸپسٸز جەنە تيٸمدٸ ەكەنٸن زەرتتەۋلەر كٶرسەتتٸ. بۇل تۋرالى پروفيلاكتيكالىق مەديتسينا اكادەميياسىنىڭ پرەزيدەنتٸ الماز شارمان ايتتى, دەپ حابارلايدى قازاقپارات.
«بٸز بالالار قوعامنىڭ ەڭ موبيلدٸ بٶلٸگٸ ەكەنٸن,ولاردىڭ ەرەسەكتەرمەن دە, قۇرداستارىمەن دە بايلانىس جاسايتىنىن, مەكتەپكە باراتىنىن, سوندىقتان ولاردىڭ ينفەكتسييانىڭ تاسىمالداۋشى ەكەنٸن تٷسٸنۋگە تيٸسپٸز. سوندىقتان كٶپتەگەن ەلدەردە بالالاردى ۆاكتسينالاۋ تۋرالى شەشٸم قابىلداندى. ەكٸ مىڭنان استام بالاعا جٷرگٸزٸلگەن كلينيكالىق زەرتتەۋلەر Pfizer ۆاكتسيناسىنىڭ قاۋٸپسٸز جەنە تيٸمدٸ ەكەنٸن كٶرسەتتٸ», - دەدٸ الماز شارمان.
سونىمەن قاتار, ول بارلىق ۆاكتسينا يممۋنيتەتتٸ ٶمٸر بويىن قالىپتاستىرمايتىنىن, كەيبٸر ينفەكتسييالاردان ەربٸر بەس, ون جىل سايىن, ال تۇماۋ سيياقتىلاردان جىل سايىن ەگٸلۋ كەرەكتٸگٸن ەسكە سالدى.
«رەۆاكتسيناتسييا دەگەن وسى. كەيدە «ٷدەتكٸش ۆاكتسينا» تەرمينٸ قولدانىلادى, ياعني تاعى بٸر قوسىمشا. ۋاقىت ٶتە كەلە ۆاكتسينانىڭ ەسەرٸ تٶمەندەيدٸ, ونىڭ ٷستٸنە, COVID-19-دىڭ جاڭا شتامدارى پايدا بولادى. قايتا ەگۋ جاڭا كوروناۆيرۋس ينفەكتسيسىنىڭ بارلىق شتامدارىنان قورعاۋ ٷشٸن انتيدەنەلەردٸڭ جەتكٸلٸكتٸ دەڭگەيٸن قالىپتاستىرۋعا مٷمكٸندٸك بەرەدٸ. جاقىندا يزرايلدە كەڭ اۋقىمدى زەرتتەۋ جٷرگٸزٸلدٸ, بۇل ۆاكتسيناتسييادان ٶتكەندەردٸڭ بارلىق جاس توپتارىندا, ەسٸرەسە ەگدە جاستاعى ادامداردا يممۋندىق جاۋاپ ۋاقىت ٶتە كەلە تٶمەندەگەنٸن كٶرسەتتٸ. سوندىقتان ەكپە سالدىرعان سوڭ 6 ايدان كەيٸن رەۆاكتسيناتسييانى ۇسىناتىن عىلىمي نەگٸزدەمە بار», - دەدٸ پروفەسسور.
ونىڭ ايتۋىنشا, عالىمدار كروسس رەۆاكتسيناتسييانى, ياعني ٷشٸنشٸ ۆاكتسينانى باسقا پرەپاراتپەن الۋدى ۇسىنادى, بٸراق بۇل مٸندەتتٸ ەمەس.
«دەنساۋلىق ساقتاۋ مينيسترلٸگٸ ۆاكتسينالاردى ارالاستىرۋدى بٸر نۇسقا رەتٸندە قاراستىرادى. الدىندا سالدىرعان ەكپەمەن قايتا ۆاكتسينالانۋعا بولاتىندىعىن ەشكٸم جوققا شىعارمايدى. دەگەنمەن, مەن ٶزٸم تٷرلٸ ۆاكتسينالاردى ارالاستىرۋ تيٸمدٸ بولادى دەپ سانايمىن. ارالاستىرۋ كەزٸندە قانداي دا بٸر قارسى كٶرسەتٸلٸمدەر بولعان جوق», - دەدٸ عالىم.
