ەلەۋمەتتٸك جەلٸدە اتىراۋ قالاسىنداعى №3 ارنايى ەلەۋمەتتٸك قىزمەت كٶرسەتۋ ورتالىعىندا تٷسٸرٸلگەن ۆيدەو تاراپ كەتتٸ. پوليتسييا ەكٸ ادامعا قاتىستى قىلمىستىق ٸس قوزعادى, دەپ حابارلادى Sputnik اگەنتتٸگٸ اق جايىق پورتالىنا سٸلتەمە جاساپ.
ورتالىق پسيحولوگييالىق-نەۆرولوگييالىق اۋىتقۋى بار بالالاردىڭ مەكتەپ-ينتەرناتى رەتٸندە قۇرىلعان. وسى مەكەمەنٸڭ بۇرىنعى قىزمەتكەرٸ ۇلبيكە بيسەكەنوۆا مامانداردىڭ كٸشكەنتاي بالالارعا قالاي قارايتىنىن ۆيدەوعا تٷسٸرٸپ, جەلٸگە سالىپ جٸبەردٸ. روليكتەن ەكٸ بالانى ۋنيتازدىڭ تۇتقاسىنا تٶسەك جايمامەن بايلاپ تاستاعانىن انىق كٶرۋگە بولادى.
"مىنا بالانىڭ بەت-اۋزىن قاراڭىز. ماسقارا!", - دەيدٸ ول.
ال كەلەسٸ كادردا قىز بالا سٸڭٸرٸ تارتىلىپ قالعان ادام سەكٸلدٸ جەردە جاتىر. ال ۆيدەوعا تٷسٸرٸپ تۇرعان ادام جاقىنداپ بارعاندا باسىن كٶتەرٸپ قارايدى.
"مٸنە, جەردە جاتىر, ەشكٸم كٶمەكتەسٸپ جاتقان جوق. مەدبيكە قارامايدى دا. ەشكٸم العاشقى كٶمەك بەرە الماي وتىر", - دەيدٸ اۆتور.
وسى كەزدە اق حالات كيگەن كٸسٸ كەلٸپ: "ەلميرا, تۇرشى", - دەپ, جەردە جاتقان قىزدى تۇرعىزادى.
بۇدان بٶلەك, بيسەكەنوۆا شەلەك ۇستاپ بارا جاتقان ەر ادامدى تٷسٸرٸپ, بۇرىنعى ەرٸپتەستەرٸ ۇرلىق جاسايتىنىن ايتقان.
پوليتسييا دەپارتامەنتٸ ينتەرناتتىڭ ەكٸ قىزمەتكەرٸنە قاتىستى قىلمىستىق كودەكستٸڭ 110-بابى (قيناۋ) بويىنشا سوتقا دەيٸنگٸ تەرگەۋدٸ باستادى.
"بالالاردىڭ دەنەسٸندە جاراقات ٸزدەرٸ انىقتالعان جوق. تەرگەۋ جالعاسىپ جاتىر", - دەيدٸ پوليتسەيلەر.
سونداي-اق جەلٸدە تاراعان ۆيدەونىڭ سەۋٸر ايىندا تٷسٸرٸلگەنٸ انىقتالىپ وتىر. بٸراق بەينەجازبا وبلىستىق ەلەۋمەتتٸك باعدارلامالار مەن جۇمىسپەن قامتۋدى ٷيلەستٸرۋ باسقارماسىنا شٸلدە ايىندا تٷسكەن.
باسقارما باسشىسىنىڭ ورىنباسارى الفييا تٶلەعاريەۆانىڭ ايتۋىنشا, جاقىندا پروكۋراتۋرا مەن كەمەلەتتٸك جاسقا تولماعانداردىڭ ٸستەرٸ جٶنٸندەگٸ كوميسسييا ورتالىقتا تەكسەرٸس جٷرگٸزدٸ. بٸراق تەرتٸپ بۇزۋ فاكتٸلەرٸ انىقتالعان جوق. ال ۆيدەو اۆتورى مٷلٸكتٸ ۇرلاعانى ٷشٸن ايىپتالعان. سودان ٸستٸڭ مەن-جايى انىقتالعانشا جۇمىستان شەتتەتٸلگەن.
ايتا كەتەرٸ, 2019 جىلى بەينەباقىلاۋ جٷيەسٸ ارقىلى ورتالىق قىزمەتكەرلەرٸنٸڭ بالالاردى ۇرعانى انىقتالعان بولاتىن. سول كەزدە ەكٸ سانيتاردىڭ ٷش جارىم جىلعا باس بوستاندىعى شەكتەلدٸ.
