اقپارات جەنە قوعامدىق دامۋ ۆيتسە-مينيسترٸ دانييار قادىروۆ بالالاردى كيبەربۋللينگتەن قورعاۋ تۋرالى زاڭ جوباسىنداعى ەلەۋمەتتٸك جەلٸلەردٸڭ رەسمي ٶكٸلدٸگٸ جايىنداعى نورمانى تٷسٸندٸردٸ, دەپ حابارلايدى قازاقپارات.
«قازٸر بٸزدە Facebook, Instagram, Tik-Tok, ۆكونتاكتە سيياقتى ٷلكەن حالىقارالىق ينتەرنەت-رەسۋرستارمەن جۇمىس جٷرٸپ جاتىر – بارلىعى تٷسٸنٸستٸك تانىتىپ, كەلٸسٸم بەرٸپ وتىر. ٷلكەن حالىقارالىق ينتەرنەت-رەسۋرستار بالانى كيبەربۋللينگتەن قورعاۋ قاجەتتٸگٸن جاقسى تٷسٸنەدٸ. ٸرٸ جەلٸلەردٸڭ دە ٶز قاۋٸپسٸزدٸك قىزمەتتەرٸ بار, ولار مۇنى قاداعالاپ وتىرادى», - دەدٸ دانييار قادىروۆ سەناتتىڭ جالپى وتىرىسىنان كەيٸن تٸلشٸلەرگە بەرگەن سۇحباتىندا.
مينيسترلٸك ٶكٸلٸ بۇل زاڭ جوباسىندا رەپرەسسيۆتٸ ەدٸستەر جوق ەكەنٸن اتاپ ٶتتٸ.
«زاڭ كٷشٸنە ەنگەن سوڭ, التى ايعا دەيٸن ۋاقىت بەرٸلەدٸ. ٶزدەرٸڭٸز بٸلەتٸندەي, تەلەارنالاردىڭ دا ٶكٸلدٸكتەرٸ بار. بۇل دا قوعامدىق رەزونانس بولدى, بٸراق بٸردە-بٸر تەلەارنا جابىلمادى, بارلىعى جۇمىس ٸستەپ تۇر. ەگەر قازاقستان زاڭدارىن بۇزباسا, بٸردە-بٸر ەلەۋمەتتٸك جەلٸ بۇعاتتالمايدى. بۇل تەك وسى زاڭ جوباسىمەن عانا رەتتەلمەيدٸ – باق تۋرالى زاڭ, بايلانىس تۋرالى زاڭ بار. جەلٸنٸ مٷلدەم جابۋ تۋرالى ەشتەڭە ايتىلىپ وتىرعان جوق», - دەدٸ قادىروۆ.
ەسكە سالا كەتسەك, بٷگٸن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە بالانىڭ قۇقىقتارىن قورعاۋ, بٸلٸم بەرۋ, اقپارات جەنە اقپاراتتاندىرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ەكٸ وقىلىمدا قارالدى. قۇجاتقا تٷزەتۋلەر ەنگٸزٸلگەندٸكتەن زاڭ جوباسى مەجٸلٸسكە قايتارىلدى.
