ٷكٸمەت ٷيٸندە ٶتكەن كەڭەس بارىسىندا پرەمەر-مينيستر ەليحان سمايىلوۆ «جايلى مەكتەپ» ۇلتتىق جوباسىن ٸسكە اسىرۋ جٶنٸندە تاپسىرما بەردٸ, دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.
پرەمەر مەملەكەت باسشىسى رەفورمالار جٶنٸندەگٸ جوعارى كەڭەستٸڭ وتىرىسىندا «جايلى مەكتەپ» ۇلتتىق جوباسىنىڭ نەگٸزگٸ تەسٸلدەرٸن ماقۇلداعانىن, ونىڭ شەڭبەرٸندە 800 مىڭ وقۋشىعا ارنالعان جاڭا فورماتتاعى مەكتەپتەر سالۋ جوسپارلانعانىن ەسكە سالدى.
«ۇلتتىق جوبانى ٸسكە اسىرۋعا جەدەل كٸرٸسۋٸمٸز كەرەك. الايدا بٷگٸندە ٶڭٸرلەردەگٸ 143 مەكتەپتٸڭ جەر ۋچاسكەلەرٸن انىقتاۋ بويىنشا سۇراقتار شەشٸلمەگەن. بۇل جۇمىستى بارىنشا تەزدەتۋ قاجەت: قازان ايىنىڭ سوڭىنا دەيٸن قۇرىلىسى 2023 جىلى جەنە جىل سوڭىنا دەيٸن 2024 جىلعا جوسپارلانعان مەكتەپتەر بويىنشا مەسەلەنٸ شەشۋ كەرەك», — دەدٸ ەليحان سمايىلوۆ.
سونداي-اق ول وقۋ پروتسەسٸن تسيفرلاندىرۋدى تەزدەتۋ قاجەتتٸگٸن اتاپ ٶتتٸ.
«وسىعان بايلانىستى وقۋلىقتاردى تسيفرلىق فورماتقا كٶشٸرۋدٸ جەدەلدەتۋ جەنە بالالاردى اۋىر سٶمكەلەردەن ارىلتۋ قاجەت. سونداي-اق ەكٸمدٸكتەرمەن بٸرلەسٸپ, وقۋشىلاردى پلانشەتتەرمەن قامتاماسىز ەتۋ مەسەلەسٸن شەشۋدٸ قولعا الۋ كەرەك. اتاپ ايتقاندا, “قازاقستان حالقىنا” قورىمەن بٸرلەسٸپ, ولاردى اۋىلدىق مەكتەپتەردٸڭ بالالارى ٷشٸن ساتىپ الۋ مٷمكٸندٸگٸن پىسىقتاۋ كەرەك», — دەپ اتاپ ٶتتٸ ەليحان سمايىلوۆ.
كەڭەس سوڭىندا ول تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنە بايلانىس وپەراتورلارىمەن بٸرلەسٸپ, ەلٸمٸزدٸڭ بارلىق مەكتەپتەرٸن ساپالى جىلدامدىعى جوعارى ينتەرنەتپەن قامتاماسىز ەتۋدٸ تاپسىردى.
