Telegram-ارنادا بالالاردى اسىراپ الادى دەگەن جەلەۋمەن شەتەل ازاماتتارىنا ساتىپ جاتقانى تۋرالى اقپارات تارادى. وعان "بالالاردىڭ باعاسى" كٶرسەتٸلگەن ماقالاعا سٸلتەمە تٸركەلگەن. بۇل اقپارات - فەيك, - دەپ حابارلايدى stopfake.kz.
تاراتىلعان ماقالا 2017 جىلى جازىلعانىن جەنە وندا كەلتٸرٸلگەن حالىقارالىق بالا اسىراپ الۋ اگەنتتٸكتەرٸنٸڭ تٸزٸمٸ بٷگٸندە ەسكٸرگەنٸن اتاپ ٶتكەن جٶن. اۆتور كٶرسەتكەن ۇيىمداردىڭ ەشقايسىسى قازٸرگٸ كەزدە قازاقستان رەسپۋبليكاسىنداعى بالا اسىراپ الۋ جٶنٸندەگٸ شەتەلدٸك اگەنتتٸكتەر ٶكٸلدٸكتەرٸنٸڭ تٸزبەسٸنە كٸرمەيدٸ.
ماقالادا كٶرسەتٸلگەن «بالالاردىڭ باعالارىنا» كەلسەك, بۇل سومالار – ۇشۋ, تۇرۋ, تاماقتانۋ, قۇجاتتاردى رەسٸمدەۋ, اۋدارماشىلار قىزمەتٸ جەنە ت.ب. شىعىندار ەكەنٸ كٶرٸنٸپ تۇر, بۇل – بالالاردىڭ قۇنى ەمەس.
بالا اسىراپ الۋ مەسەلەلەرٸنە جەتەكشٸلٸك ەتەتٸن قر بٸلٸم جەنە عىلىم مينيسترلٸگٸ قازاقستاندىق جەتٸم بالالارعا بەلگٸلەنگەن باعا تۋرالى قاۋەسەتتٸ جوققا شىعاردى.
«جوق, بۇل اقپارات شىندىققا جاناسپايدى. بالانى شەتەلدٸك اسىراپ الۋ رەسٸمٸ ٶز قىزمەتٸنەن كەز كەلگەن قارجىلىق نەمەسە باسقا دا پايدا الۋعا تىيىم سالىنعان, اككرەديتتەلگەن كوممەرتسييالىق ەمەس اگەنتتٸكتەر ارقىلى عانا جٷزەگە اسىرىلادى. قر ازاماتتارىن اسىراپ الۋ جٶنٸندەگٸ قىزمەتتٸ جٷزەگە اسىراتىن اگەنتتٸكتەردٸ اككرەديتتەۋ تەرتٸبٸ كودەكسپەن رەگلامەنتتەلگەن», – دەپ تٷسٸندٸردٸ ۆەدومستۆونىڭ باسپاسٶز حاتشىسى مٶلدٸر ەبدۋەليەۆا.
سونداي-اق, مينيسترلٸك حالىقارالىق بالا اسىراپ الۋدىڭ بالالار ساۋداسىنا ەشقانداي قاتىسى جوق ەكەنٸن حابارلادى.
«بالانى شەتەلدٸك اسىراپ الۋ رەسٸمٸ بالالاردى قورعاۋ جەنە بالانى شەتەلدٸك اسىراپ الۋعا قاتىستى ىنتىماقتاستىق تۋرالى كونۆەنتسيياعا, «نەكە (ەرلٸ – زايىپتىلىق) جەنە وتباسى تۋرالى» قر كودەكسٸنە (بۇدان ەرٸ-كودەكس) جەنە 2012 جىلعى 30 ناۋرىزداعى № 380 قر ٶپ بەكٸتكەن قازاقستان رەسپۋبليكاسىنىڭ ازاماتتارى بولىپ تابىلاتىن بالالاردى اسىراپ الۋعا بەرۋ قاعيدالارىنا سەيكەس جٷزەگە اسىرىلادى», – دەلٸنگەن ۆەدومستۆو جاۋابىندا.
سونداي-اق, باسپاسٶز قىزمەتٸنٸڭ ٶكٸلدەرٸ شەتەلدٸكتەر قاتارىنداعى اسىراپ الۋشى اتا-انالارعا ٷمٸتكەرلەر قازاقستان رەسپۋبليكاسىنىڭ «نەكە جەنە وتباسى تۋرالى» كودەكسٸنٸڭ 91-بابىنىڭ بارلىق تالابىنا ساي كەلۋٸنە مٸندەتتٸ تٷردە تەكسەرٸستەن ٶتۋٸ تيٸس ەكەنٸن اتاپ ٶتتٸ.
«بالانى شەتەلدٸك بالا اسىراپ الۋ رەسٸمٸنٸڭ اشىقتىعىن قامتاماسىز ەتۋ جەنە سىبايلاس جەمقورلىق تەۋەكەلدەرٸن بولدىرماۋ ماقساتىندا بۇيرىقپەن بالانى شەتەلدٸك اسىراپ الۋعا جاتاتىن, قازاقستان رەسپۋبليكاسىنىڭ ازاماتتارى بولىپ تابىلاتىن جەتٸم بالالار مەن اتا-اناسىنىڭ قامقورلىعىنسىز قالعان بالالاردى اسىراپ الۋعا نيەت بٸلدٸرگەن شەتەلدٸك ازاماتتاردىڭ قۇجاتتارىن قاراۋ جٶنٸندەگٸ كوميسسييانىڭ ەرەجەسٸ (بعم 3.03.2020 ج. № 80 بۇيرىعى) بەكٸتٸلدٸ. بالانى شەتەلدٸك اسىراپ الۋشىلاردىڭ ۇسىنىلعان قۇجاتتارىنىڭ قولدانىستاعى زاڭناما تالاپتارىنا سەيكەستٸگٸن تەكسەرۋ قورىتىندىلارى بويىنشا بالا اسىراپ الۋ رەسٸمٸنەن باس تارتۋ نە ونى جالعاستىرۋ تۋرالى القالى شەشٸم قابىلدانادى», - دەدٸ مينيسترلٸك ٶكٸلٸ.
دەمەك, قازاقستاندىق بالالاردى اسىراپ الۋدى جەلەۋ ەتٸپ, شەتەلدٸكتەرگە ساتاتىنى تۋرالى تاراعان اقپارات – فەيك.
