بٷگٸن الماتى قالاسى ورتالىقتاندىرىلعان كٸتاپحانالار جٷيەسٸ ا.چەحوۆ اتىنداعى بالالارعا ارنالعان قالالىق ورتالىق كٸتاپحانانىڭ ۇيىمداستىرۋىمەن, اباي قۇنانبايۇلىنىڭ تۋعان كٷنٸنە وراي تٸكەلەي ەفير ٶتتٸ, - دەپ حابارلايدى «ۇلت اقپارات».
بالالارعا اباي شىعارماشىلىعىن تانىتۋ, اباي بولمىسىن اشۋ, بٷگٸنگە جەتكەن اباي بەينەسٸن تانىستىرۋ ماقساتىندا ۇيىمداستىرلعان شارانىڭ جەتەكشٸسٸ كٸتاپحانا قىزمەتكەرٸ اينۇر مۇراتقىزى بولسا, ەفير تٸزگٸنٸن كٸتاپحانانىڭ تۇراقتى وقىرمانى, جاس ابايتانۋشى ايىم التايقىزى جٷرگٸزدٸ. ال ەفير قوناعى - كينو جەنە تەاتر اكتەرٸ قازاقستاننىڭ ەڭبەك سٸڭٸرگەن قايراتكەرٸ, قۇرمەت وردەنٸنٸڭ يەگەرٸ بولات ەبدٸلمانوۆ.
جاس جٷرگٸزۋشٸ ەڭگٸمەنٸ «بارلىعىمىز ابايدىڭ وقىرمانىمىز, كٶرەرمەنٸمٸز. ال ابايدىڭ ٶزٸ بولۋ, سٶزٸ بولۋ قانداي سەزٸم? جالپى ابايدىڭ بٷتٸن بولمىسىن تانۋدا اباي بەينەسٸ دەسەك كٶز الدىمىزعا سٸزدٸڭ بەينەڭٸز كەلەدٸ. اباي ٷنٸ دەسەك, قۇلاعىمىزعا سٸزدٸڭ داۋسىڭىز كەلەدٸ. سوندىقتان ۇلى تۇلعانىڭ وبرازىن اشا العان اكتەر رەتٸندە العاشقى سۇراعىمدى وسى اباي رٶلٸنە قاتىستى قويعىم كەلٸپ وتىر. ەڭ العاش رەت اباي رٶلٸنە 30 جاسىڭىزدا بەكٸتٸلگەن ەكەنسٸز. سول كەزدەگٸ سەزٸم, دايىندىق قالاي بولدى? سول ەستەلٸكپەن بٶلٸسسەڭٸز» دەگەن سۇراقتان باستادى.
بٷگٸنگٸ وسىنداي ۇلى كٷنٸ تٸكەلەي ەفيرگە شاقىرىپ, ۇيىمداستىرىپ وتىرعان كٸتاپحانا قىزمەتكەرلەرٸنە العىز بٸلدٸرگەن اكتەر العاشقى اباي رٶلٸن سوناۋ 90-جىلدارى ويناپ باستاعانىن ايتتى.
«بٸز پوەتيكالىق سپەكتاكلدەردٸڭ اتاسى دەپ اتالادى, مارقۇم بولىپ كەتتٸ, مەملەكەتتٸك سىيلىقتىڭ لاۋرەاتى رايىمبەك سەيتمەتوۆ اعامىز ابايدىڭ ٶلەڭدەرٸنەن جەنە قارا سٶزدەرٸنەن قۇرالعان «قالىڭ ەلٸم, قازاعىم» دەگەن پوەتيكالىق سپەكتاكل قويعان. سوندا سول جەردە اعا اباي دەگەن رٶل بولدى, سونى ماعان بەرگەن ەدٸ. سول ەڭ العاش 30 جاسىمدا سول اعا ابايدىڭ رٶلٸن وينادىم. ول كەزدە كەرەمەت دايىندىعىم بولدى دەپ ايتا المايمىن. ەندٸ ابايدى كەدٸمگٸ ٶزدەرٸڭٸز سيياقتى مەكتەپتە وقىپ جٷرگەنٸم بار, قارا سٶزدەرٸن جاتتاپ جٷرەتٸنبٸز. سوندا تٷسٸنگەنٸمشە سول ابايداعى العاشقى باسپالداعى بولدى دەسەم دە بولادى. جالپى ماعان ول كەزدە كٶمەكتەسكەن, ەرينە, رايىمبەك سەيتمەتوۆ اعامىزدىڭ كٶپ كٶمەگٸ بولدى. جالپى تەاتردا كٶرەرمەن جىلى قابىلدادى. ونىڭ الدىندا مەن شالت قيمىلداپ, سونداي باتىرلاردىڭ رٶلٸن ويناپ جٷرەتٸنمٸن. جاستاردىڭ رٶلٸن ويناپ جٷرەتٸنمٸن. ال سول كەزدە اعا ابايدىڭ رٶلٸن بەرگەندە كەدٸمگٸدەي قوبالجىپ, قينالىپ, سونداي العاشقى سەزٸم بولدى», - دەدٸ بولات ەبدٸلمانوۆ.
سونداي-اق, اكتەر «اباي وبرازى بولات ەبدٸلمانوۆقا نە ٷيرەتتٸ?» دەگەن سۇراققا تەرەڭٸنەن تولعادى. ونىڭ ايتۋىنشا, اباي وبرازىنان كٶپ نەرسە ٷيرەنگەن.
«جالپى, اكتەردٸ ەربٸر رٶل تەربيەلەيدٸ دەپ ايتادى. شىنىندا دا اباي رٶلٸ جالپى ٸزدەنۋگە, ەڭبەكتەنۋگە, سودان كەيٸن ەر ۋاقىتتا ٶزٸنٸڭ شىققان بيٸگٸنە سونداي بٸر توقمەيٸلسٸمەۋ, بٸلگەن سايىن بٸلە تٷسسەم ەكەن دەگەن قۇشتارلىق, اكتەر رەتٸندەگٸ ٸزدەنٸستەر, ابايدىڭ ٶزٸنٸڭ ٶلەڭدەرٸن, قارا سٶزدەرٸن وقۋ ٶتە قيىن. جالپى جاس كەزدە قيىن. ونىڭ ورالىمى, ونىڭ ماعىناسى, ونىڭ استارى دا تەرەڭدە جاتىر, سونى بٸلۋگە تىرىستىق. سودان كەيٸن اباي رٶلٸندە اباي ٶزٸنٸڭ بٷكٸل فيلوسوفيياسىندا, جٷرەك, اقىل, قايرات, بٸلٸم, بارلىعىن جٷرەككە باعىندىرادى. اباي ايتادى, ادام ويلايدى ميىم ويلاپ تۇر دەپ. يە, مي ويلايدى, بٸراق شەشٸم شىعاراتىن مي ەمەس, جٷرەك تارازىسى دەيدٸ. جٷرەك وسىنىڭ بەرٸن قالاي تانىپ, قالاي سەزٸنەدٸ. سودان كەيٸن جٷرەكپەن جۇمىس ٸستەۋ, سەزٸممەن جۇمىس ٸستەۋ, ياعني جٷرەكتٸ تازا ۇستاۋ. تازا ۇستاۋ دەگەن نە? ابايدىڭ ٶز ٶلەڭٸندە بار: «جٷرەكتٸڭ كٶزٸ اشىلسا, قىراتتىڭ تٷسەر سەۋلەسٸ. ٸشتەگٸ كٸردٸ قاشىرسا, ادامنىڭ حيقمەت كەۋدەسٸ» دەيدٸ. ادام بالاسى جاقسىلىق جاساعان سايىن جٷرەك جۇمسارادى. جٷرەك جۇمسارعان سايىن يمانى كٷشەيەدٸ. يمانى كٷشەيگەن سايىن اللاعا جاقىندايدى دەگەن اباي. سوندىقتان دا جٷرەكتٸ تازا ۇستاۋ, ونى كٸرلەتپەۋ, ول قاي ماماندىق ٷشٸن دە كەرەك. بٸزدٸڭ ەزٸربايجان مەمبەتوۆ دەگەن اقساقالىمىز ايتاتىن, «جٷرەگٸ قاتىگەز ادامنىڭ ساحناعا شىعۋعا قاقىسى جوق» دەپ. قازاقتا ماقال بار عوي, «جاماننىڭ كەگٸ باسى جەرگە جەتكەنشە, جاقسىنىڭ كەگٸ شەي ورامال كەپكەنشە» دەيدٸ. ادام پەندە بولعاننان كەيٸن بٸرەۋگە اشۋلانادى, رەنجيدٸ. بٸراق سونىڭ بەرٸن جٷرەككە سالىنادى. ارقاڭا سالىپ الىپ, سونىمەن ٶمٸر سٷرۋگە بولمايدى. قالاي ٶكپەلەدٸڭ, سولاي ۇمىتۋ كەرەك. سول ادامنىڭ ورنىنا ٶزٸڭدٸ قويىپ كٶرۋ كەرەك. ياعني سەن بٸرەۋدەن جاساعان قيياناتىڭ ٷشٸن, كٶڭٸلٸن قالدىرعانىڭ ٷشٸن كەشٸرٸم سۇراي الساڭ, وندا سەن دۇرىس جولداسىڭ», دەدٸ اكتەر.
ەستەرٸڭٸزگە سالا كەتەيٸك, الماتى قالاسى ورتالىقتاندىرىلعان كٸتاپحانالار جٷيەسٸ ا.چەحوۆ اتىنداعى بالالارعا ارنالعان قالالىق ورتالىق كٸتاپحانانىڭ ۇيىمداستىرۋىمەن, اباي قۇنانبايۇلىنىڭ تۋعان كٷنٸنە وراي تٸكەلەي ەفير ٶتتٸ. بالالارعا اباي شىعارماشىلىعىن تانىتۋ, اباي بولمىسىن اشۋ, بٷگٸنگە جەتكەن اباي بەينەسٸن تانىستىرۋ ماقساتىندا ۇيىمداستىرلعان شارانىڭ جەتەكشٸسٸ كٸتاپحانا قىزمەتكەرٸ اينۇر مۇراتقىزى بولسا, ەفير تٸزگٸنٸن كٸتاپحانانىڭ تۇراقتى وقىرمانى, جاس ابايتانۋشى ايىم التايقىزى جٷرگٸزدٸ. ال ەفير قوناعى كينو جەنە تەاتر اكتەرٸ قازاقستاننىڭ ەڭبەك سٸڭٸرگەن قايراتكەرٸ, قۇرمەت وردەنٸنٸڭ يەگەرٸ بولات ەبدٸلمانوۆ.
