فوتو: اlmaty.tv
ماڭعىستاۋ وبلىسىندا بالاباقشا تٶڭٸرەگٸندە داۋ تۋىپ, وقيعاعا بايلانىستى تەكسەرٸس باستالدى. ەلەۋمەتتٸك جەلٸدە قاراقييا اۋدانىنا قاراستى جەتٸباي اۋىلىنداعى «جاۋقازىن» بالاباقشاسىندا تٷسٸرٸلگەن ۆيدەو تاراعاننان كەيٸن, پوليتسييا مەن-جايدى انىقتاۋعا كٸرٸستٸ, دەپ حابارلايدى Ult.kz Lada.kz باسىلىمىنا سٸلتەمە جاساپ.
قۇقىق قورعاۋ ورگاندارىنىڭ مەلٸمەتٸنشە, ۆيدەوداعى 6 جاسار بالا اتالعان بالاباقشانىڭ تەربيەلەنۋشٸسٸ ەمەس. ول سول كٷنٸ اناسىنىڭ جۇمىس ورنىندا بولعان.
«وقيعاعا بايلانىستى بالانىڭ اناسىنا قاتىستى تەربيەلەۋ مٸندەتتەرٸن تيٸسٸنشە ورىنداماۋ فاكتٸسٸ بويىنشا ەكٸمشٸلٸك ٸس قوزعالدى», – دەپ حابارلادى پوليتسييا.
سونىمەن قاتار, بالاباقشا قىزمەتٸنە قاتىستى دا تەكسەرٸس جٷرگٸزۋ ٷشٸن ۋەكٸلەتتٸ ورگاندارعا ۇسىنىس جولدانعان. ۆەدومستۆو مەلٸمەتٸنشە, وقيعا سالدارىنان زارداپ شەككەندەر جوق.
بۇعان دەيٸن اتا-انالاردىڭ بٸرٸ بالانىڭ اگرەسسيۆتٸ مٸنەز-قۇلقىنا شاعىمدانعان. ونىڭ ايتۋىنشا, بالا توپتار اراسىندا ەركٸن جٷرٸپ, ٶزگە بالالارعا تيٸسٸپ, ۇرىپ-سوعىپ, قورقىتىپ جٷرگەن. سونداي-اق ەيەل ونىڭ مەكەمە باسشىسىنىڭ ۇلى ەكەنٸن العا تارتقان.
ٶتٸنٸش يەسٸ جاعدايدى ۆيدەوعا تٷسٸرمەك بولعانىمەن, بالاباقشا اۋماعىندا تٷسٸرٸلٸم جاساۋعا تىيىم سالىنعانى سەبەپتٸ وعان رۇقسات بەرٸلمەگەن. ال ۋچاسكەلٸك ينسپەكتور بەينەباقىلاۋ جازبالارىنا تەك رەسمي ٶتٸنٸش نەگٸزٸندە عانا قول جەتكٸزۋگە بولاتىنىن تٷسٸندٸرگەن.
ماڭعىستاۋ وبلىستىق بٸلٸم باسقارماسى بۇل جاعدايدان حاباردار ەكەنٸن مەلٸمدەدٸ. رەسمي اقپاراتقا سەيكەس, 20 سەۋٸردەن باستاپ ارنايى جۇمىس توبى قۇرىلىپ, قىزمەتتٸك تەكسەرٸس باستالادى.
