بالا تۋۋمەن بايلانىستى مەمقىزمەتتەر بانك قوسىمشالارىندا قولجەتٸمدٸ بولادى. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ مينيسترٸ سەرٸك شەپكەنوۆ ٷكٸمەت وتىرىسىندا مەلٸم ەتتٸ, دەپ حابارلايدى قازاقپارات.
«بىلتىر اعىمداعى بيزنەس-پروتسەستەرگە جٷرگٸزٸلگەن تالداۋ نەتيجەسٸندە مەملەكەتتٸك قىزمەتتەردٸڭ دامۋىن تەجەيتٸن بٸرقاتار فاكتورلار انىقتالدى. اتاپ ايتقاندا, زەينەتاقى مەن جەردەماقى تاعايىنداۋ ٷشٸن قاجەتتٸ «تاريحي» دەرەكتەردٸڭ بولماۋى, موبيلدٸ ازاماتتار بازاسىندا تٸركەۋدٸڭ بولماۋى. وسىعان بايلانىستى بٸز مەملەكەتتٸك قىزمەت كٶرسەتۋ ٷدەرٸستەرٸن رەينجينيرينگ جەنە ترانسفورماتسييالاۋ بويىنشا جۇمىس جٷرگٸزۋدەمٸز.
بٷگٸنگٸ كٷنٸ ەلەكتروندىق فورماتتا 45 مەملەكەتتٸك قىزمەتتٸڭ 42 تٷرٸ نەمەسە 93% ۇسىنىلادى, ونىڭ ٸشٸندە 21 قىزمەتتٸ نەمەسە 43% پرواكتيۆتٸ تٷردە الۋعا بولادى», - دەدٸ سەرٸك شەپكەنوۆ.
ونىڭ ايتۋىنا قاراعاندا, 2021 جىلى ەلەۋمەتتٸك-ەڭبەك سالاسىندا بارلىعى 12,6 ملن مەملەكەتتٸك قىزمەت كٶرسەتٸلگەن. ونىڭ ٸشٸندە 9,1 ملن نەمەسە 72% قىزمەت ەلەكتروندى تٷردە كٶرسەتٸلدٸ.
«بۇل 2020 جىلمەن سالىستىرعاندا 12% ارتىق. 2025 جىلعا قاراي بٸز بارلىق مەملەكەتتٸك قىزمەتتەردٸ 100% ەلەكتروندى فورماتقا كٶشٸرۋدٸ جوسپارلادىق», – دەدٸ سەرٸك شەپكەنوۆ.
سونداي-اق, مينيستر, حالىقتىڭ قىزمەت الۋ مٷمكٸندٸكتەرٸن كەڭەيتۋ ٷشٸن بىلتىر قازان ايىندا ەكٸ بانكپەن بٸرلەسٸپ, ولاردىڭ پلاتفورمالارىندا بالا تۋۋمەن بايلانىستى مەملەكەتتٸك قىزمەتتەر سەرۆيسٸن ٸسكە قوسقانىن اتادى.
«تەك 2021 جىلدىڭ تٶرتٸنشٸ توقسانىندا بالالارى بار 16,5 مىڭنان استام وتباسى ٷيدە وتىرىپ, ەكٸنشٸ دەڭگەيلٸ باكنتەردٸڭ موبيلدٸ قوسىمشالارى ارقىلى قىزمەت الدى. وسى پراكتيكانى باسقا بانكتەردٸڭ موبيلدٸ قوسىمشالارى ارقىلى ەنگٸزۋ جٶنٸندەگٸ جۇمىس جالعاساتىن بولادى», - دەدٸ سەرٸك شەپكەنوۆ.
