اتىراۋداعى سەبي ٶلٸمٸنەن كەيٸن رەسپۋبليكا بويىنشا دەرەكتەر مەن مەديتسينالىق كارتالارعا جاپپاي اۋديت جٷرگٸزٸلٸلگەن. بۇل تۋرالى قر دەنساۋلىق ساقتاۋ مينيسترٸ ەلجان بٸرتانوۆ ايتتى, دەپ حابارلايدى "ۇلت اقپارات".
«دەنساۋلىق ساقتاۋ - ەلٸمٸزدٸڭ نەگٸزگٸ باسىمدىقتارىنىڭ بٸرٸ. قارقىندى جۇمىس پەن كەشەندٸ تەسٸلدەردٸڭ ارقاسىندا جالپى سوڭعى بەس جىلدا انا, تۋبەركۋلەزدەن بولاتىن ٶلٸمنٸڭ, قان اينالىم جٷيەسٸ اۋرۋىنان بولاتىن, ونكولوگييا جەنە جاراقاتتان بولاتىن ٶلٸمنٸڭ تٶمەندەگەنٸ بايقالادى. الايدا ۇزاق مەرزٸمدٸ كەزەڭدە وسى جىلدىڭ 8 ايىنىڭ دەرەكتەرٸ بويىنشا جالپى ٶلٸمنٸڭ جەنە نەرەستە ٶلٸمٸنٸڭ ٶسۋٸندە بولماشى اۋىتقۋلار بايقالادى», - دەدٸ مينيستر پارلامەنت سەناتىندا.
ەلجان بٸرتانوۆتىڭ ايتۋىنشا, ٶلٸم سەبەپتەرٸ بويىنشا جٷيەلٸ شارالار تسيفرلاندىرۋ مەن ستاتيستيكالىق دەرەكتەردٸڭ ساپاسىن جاقسارتۋ ارقىلى بەلسەندٸ تٷردە جٷرگٸزٸلۋدە.
«بٸز اتىراۋ وبلىسىندا بارلىق تۋعاننان كەيٸن شەتٸنەپ كەتكەن نەرەستەلەردٸڭ شىنى پرەپاراتتارىنان الىنعان وبەكتيۆتٸ دەرەكتەر مەن مەديتسينالىق كارتالاردىڭ اۋديتٸنەن كەيٸن ەل بويىنشا جاپپاي اۋديت جٷرگٸزدٸك. تالداۋ نەتيجەسٸندە ەسەپكە الىنباعان ەرتە نەوناتالدىق ٶلٸم-جٸتٸمنٸڭ (...) 277 نەرەستە ٶلٸمٸن جاسىرىپ قالۋ فاكتٸلەرٸن انىقتادىق. وسىعان بايلانىستى 2018 جىلى نەرەستە ٶلٸمٸنٸڭ كٶرسەتكٸشٸنە تٷزەتۋ جٷرگٸزٸلدٸ. بۇرىنعى 1000 تٸرٸ تۋعان نەرەستە بويىنشا ٶلٸم-جٸتٸم كٶرسەتكٸشٸ 8,03-تەن 8,7-گە ٶزگەرگەن», - دەدٸ ول.
