بٷگٸن الماتى ەكٸمٸ باقىتجان ساعىنتاەۆ مەديتسينا قىزمەتكەرٸ كٷنٸمەن قۇتتىقتاۋ ٷشٸن قالانىڭ مەديتسينا قاۋىمداستىعىمەن ونلاين-كەزدەسۋ ٶتكٸزدٸ, دەپ حابارلايدى "ۇلت اقپارات".
«گيپپوكرات انتىنا ادال اق حالاتتى ابزال جاندار, سٸزدەر ۋاقىت سىنىنا تٶتەپ بەرە بٸلدٸڭٸزدەر. كوروناۆيرۋسپەن كٷرەستە سٸزدەردٸڭ جانقييارلىق ەڭبەكتەرٸڭٸز ٷشٸن بارشا الماتىلىقتاردىڭ اتىنان العىسىمدى بٸلدٸرەمٸن. ادام ساۋلىعىنىڭ قورعانى بولىپ جٷرگەن بۇل ماماندىق يەلەرٸنٸڭ بەدەلٸنە باعا جەتپەيدٸ», — دەدٸ باقىتجان ساعىنتاەۆ.
قالا ەكٸمٸ الماتىنىڭ ٷنەمٸ دامىعان مەديتسينا ورتالىعى بولعاندىعىن باسا كٶرسەتتٸ. مۇندا عىلىمي-زەرتتەۋ ينستيتۋتتارى جەنە ورتالىقتار, مەديتسينالىق بٸلٸم بەرەتٸن ۇيىمدار, قالالىق, رەسپۋبليكالىق, ۆەدومستۆالىق, جەكە كلينيكالار شوعىرلانعان, قالادا 30 مىڭنان استام مەديتسينا قىزمەتكەرلەرٸ ەڭبەك ەتەدٸ.
جىل سايىن بۇل مەرەكە قارساڭىندا كەسٸبي بايقاۋلار ٶتكٸزٸلەدٸ. بيىل ماماندىقتىڭ ٷزدٸگٸن انىقتايتىن بۇل بايقاۋ 13 نوميناتسييا بويىنشا ٶتتٸ. اتاپ ايتقاندا, ٷزدٸك دەرٸگەر جەنە مەدبيكە, ٷزدٸك ينفەكتسيونيست, ەمحانا مەن جەدەل جەردەمنٸڭ ٷزدٸك دەرٸگەرٸ, سونداي-اق ٷزدٸك جٷرگٸزۋشٸ.
«بۇل بايقاۋ سٸزدەردٸڭ ەرقايسىڭىزدىڭ ەڭبەكتەرٸڭٸزدٸڭ بارىنشا ماڭىزدى ەكەنٸن كٶرسەتەدٸ. بارلىق جەڭٸمپازداردى قۇتتىقتايمىن», — دەدٸ ب. ساعىنتاەۆ جەنە كوروناۆيرۋسپەن كٷرەستە جانكەشتٸلٸك تانىتىپ جٷرگەن ەكٸ مىڭنان استام دەرٸگەردٸڭ ەرەن ەڭبەكتەرٸن ەرەكشە باعالادى.
قالاعا سٸڭٸرگەن زور ەڭبەكتەرٸ ٷشٸن بەس مەديتسينا قىزمەتكەرٸ «ەڭبەگٸ ٷشٸن» تٶسبەلگٸسٸمەن ماراپاتتالدى. بٸرقاتار مەديتسينا قىزمەتكەرلەرٸ قالا ەكٸمٸنٸڭ العىس حاتتارىن يەلەندٸ.
«پاندەمييا بٸزدٸ كٶپ نەرسەگە ٷيرەتتٸ. ورتاق كٷش-جٸگەرٸمٸزبەن بٸز بۇل قيىندىقتى دا ابىرويمەن ەڭسەرەمٸز, الماتىلىقتاردىڭ دەنساۋلىعىن ساقتاۋ مەن نىعايتۋ جولىندا بەرٸمٸز بٸرٸگٸپ, ايانباي ەڭبەك ەتەمٸز, مەن بۇعان سەنٸمدٸمٸن», — دەپ اتاپ ٶتتٸ الماتى ەكٸمٸ ب. ساعىنتاەۆ.
