قر پرەمەر-مينيسترٸ باقىتجان ساعىنتاەۆ اقتٶبە وبلىسىنا جۇمىس ساپارى بارىسىندا ٶڭٸردەگٸ اسا ٸرٸ جىلىجاي كەشەندەرٸنٸڭ بٸرٸندە بولدى, - دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.
نىساندى ارالاۋ كەزٸندە قر پرەمەر-مينيسترٸ گاز-تۋربينالى ستانسا جۇمىسىمەن, كٶكٶنٸستەردٸ ٶسٸرۋدٸڭ گوللاندييالىق تەحنولوگييالارى قولدانىلاتىن جىلىجاي عيماراتىمەن تانىستى, سونداي-اق اۋىل شارۋاشىلىعى تەحنيكاسى مەن جابدىقتار كٶرمەسٸ پرەمەر نازارىنا ۇسىنىلدى.
گوللاندييالىق تەحنولوگييا بويىنشا سالىنعان «گرين حاۋس قازاقستان» كەشەنٸ ٶز جۇمىسىن «قازاگروقارجى» اق قولداۋىمەن يندۋستريالدى-يننوۆاتسييالىق دامۋ مەملەكەتتٸك باعدارلاماسى اياسىندا جٷزەگە اسىرادى. جوبانىڭ جٷزەگە اسىرىلۋى ٶز ٶندٸرٸسٸ ەسەبٸنەن وبلىستىڭ جاس كٶكٶنٸستەرگە دەگەن قاجەتتٸلٸگٸن تولىعىمەن قامتاماسىز ەتۋگە, سونداي-اق ارتىق ٶنٸمدٸ ەكسپورتقا جٸبەرۋگە مٷمكٸندٸك بەرەدٸ.
پرەمەر-مينيسترگە ەكسپورتتى ۇلعايتۋ جٶنٸندە جٷرگٸزٸلٸپ جاتقان جۇمىستار تۋرالى, سونىمەن قاتار مەملەكەت باسشىسىنىڭ تاپسىرمالارىنىڭ ورىندالۋى, اتاپ ايتقاندا, اۋىل شارۋاشىلىعى ٶنٸمدەرٸن ٶڭدەۋ دەڭگەيٸن ارتتىرۋ, سۋارىلاتىن جەرلەردٸ قالپىنا كەلتٸرۋ, اۋىل شارۋاشىلىعى كووپەراتيۆتەرٸن قۇرۋ, سونداي-اق اۋىل شارۋاشىلىعى سالاسىندا عىلىمنىڭ دامۋى تۋرالى باياندالدى.
ايتا كەتۋ كەرەك, اٶك-تٸڭ دامۋى ەلٸمٸزدٸڭ جاقىن بولاشاقتاعى باسىمدىقتى باعىتتارىنىڭ بٸرٸ رەتٸندە ايقىندالعان. وسى ورايدا 2017 جىلدان باستاپ ٷكٸمەت 2017-2021 جىلدارعا ارنالعان اٶك-تٸ دامىتۋدىڭ جاڭا مەملەكەتتٸك باعدارلاماسىن جٷزەگە اسىرۋدى باستادى, ونىڭ باستى ماقساتى جينالاتىن ٶنٸمدٸ ارتتىرۋ جەنە سالا كەسٸپورىندارىنىڭ قايتا ٶڭدەۋ, جٷكتەلۋ ٷلەسٸن كٶتەرۋ بولىپ تابىلادى.
