الماتى ەكٸمٸ باقىتجان ساعىنتاەۆ ٶمٸرلٸك قيىن جاعدايعا تاپ بولعان ەيەلدەردٸ ەلەۋمەتتٸك قولداۋ ورتالىقتارىنىڭ ٶزگەرتەتٸنٸ تۋرالى ايتتى, دەپ حابارلايدى "ۇلت اقپارات".
ەكٸم Instagram پاراقشاسىندا بىلتىر ەر اۋداندا «باقىتتى وتباسى» ەلەۋمەتتٸك قولداۋ ورتالىقتارىن اشۋ باستى ماقسات بولعانىن ەسكە سالدى. مۇندا ەيەلدەر اراسىنداعى كەسٸپكەرلٸكتٸ دامىتۋعا باسا نازار اۋدارىلدى. ٸس جٷزٸندە ولار كٶپبالالى انالارعا ارنالعان ٸسكەرلٸك بەلسەندٸلٸكتٸڭ ورتالىعىنا اينالۋى تيٸس بولدى.
«Isker Ana باعدارلاماسى بويىنشا بيزنەس داعدىلارىنا ٷيرەتۋدٸ باستاپ, يننوۆاتسييالىق جوبالاردى ٸسكە قوسۋ ٷشٸن گرانتتار ۇسىندىق. اقمارال باسيروۆا قۇرعان الاتاۋ اۋدانىنىڭ «باقىتتى وتباسى» ورتالىعى بٸر جىلدىڭ ٸشٸندە الماتىنىڭ ٶزگە اۋداندارى ٷشٸن عانا ەمەس, ەلٸمٸزدٸڭ باسقا ٶڭٸرلەرٸ ٷشٸن دە ٷلگٸ بولا بٸلدٸ», - دەپ جازدى ب. ساعىنتاەۆ.
ونىڭ ايتۋى بويىنشا مۇندا ەيەلدەرگە تەك كەڭەس بەرٸلٸپ قانا قويمايدى. قيىن جاعدايعا تاپ بولعان ەيەلدەردٸڭ ٶزدەرٸنە قايتا سەنۋٸنە, ٶزدەرٸنە ۇنايتىن نەرسەنٸ تاڭداپ, ٶمٸر سالتىن تولىعىمەن ٶزگەرتۋلەرٸنە كٶمەكتەسەدٸ. انالار ٶز مىسالىندا بالالارعا ٶز ەڭبەگٸمەن اقشا تابۋعا بولاتىنىن كٶرسەتەدٸ. كٷن سايىن مۇندا 150-گە جۋىق ەيەل كەلەدٸ. بٸر جىلدىڭ ٸشٸندە 25 مىڭ ەيەل 31 باعىت بويىنشا تٷرلٸ كۋرستاردا بٸلٸم الدى.
الماتى ەكٸمٸ بٸر جىل بۇرىن ورتالىققا باپكەر رەتٸندە كەلگەن مٶلدٸر جٷنٸسبەكوۆانىڭ ٶمٸرٸن مىسالعا كەلتٸردٸ. ول 500-گە جۋىق ەيەلدٸ وقىتسا, سونىڭ 200-ٸ بٷگٸن جۇمىس تاپتى. تٸپتٸ ولار جاڭا جۇمىس ورىندارىن قۇرۋدا.
«بجك-2025» بويىنشا 2,5 ملن تەڭگە كٶلەمٸندە گرانتقا يە بولعان مٶلدٸر 10 ەيەل ەڭبەك ەتە الاتىن تٸگٸن تسەحىنا ارنالعان جابدىقتى ساتىپ الدى.
بيىل جىل باسىنان بەرٸ الاتاۋ اۋدانىنىڭ «باقىتتى وتباسى» ورتالىعىندا 27 مىڭ ەيەلگە «ٸسكەر انا» باعدارلاماسى بويىنشا اقپاراتتىق-كونسۋلتاتسييالىق-رەسۋرستىق قولداۋ كٶرسەتٸلدٸ. ترەنينگتەر مەن كۋرستاردا 25 مىڭ ادام وقىدى.
سونىمەن قاتار, «بيزنەس باستاۋ» باعدارلاماسى بويىنشا 537 ەيەل بٸلٸمدەرٸن جەتٸلدٸردٸ. ولاردىڭ 300-ٸ گرانت الىپ, كيٸم جٶندەۋ, كونديتەر, شاشتاراز, مانيكيۋر سالوندارىن اشتى, بالالاردىڭ دامۋ كٸتاپتارىن جاساپ, اۆتوكٶلٸك مۇقابالارىن تٸگٸپ جەنە باسقا دا سالالار بويىنشا ٶزدەرٸنٸڭ كەسٸپتەرٸن باستادى.
ەكٸ ەيەل «بيزنەستٸڭ جول كارتاسى-2025» اياسىندا يننوۆاتسييالىق جوبالاردى ٸسكە اسىرۋعا 2-دەن 5 ميلليون تەڭگەگە دەيٸن مەملەكەتتٸك گرانت الدى. ٶندٸرٸس شەبەرحانالارىن اشۋ ٷشٸن الاڭدار بەرٸلٸپ, ال ٶنٸمدەرٸن ساتۋ ٷشٸن بازارلاردان 50-گە جۋىق ورىن بٶلٸنگەن.
