بٷگٸن اتىراۋ وبلىسى ەكٸمٸنٸڭ بۇرىنعى ورىنباسارى باقىتگٷل حامەنوۆانىڭ ٸسٸنە قاتىستى سوت وتىرىسى قايتا جالعاستى, دەپ حابارلايدى قازاقپارات.
اتىراۋ قالاسىنداعى №2 سوتتا باقىتگٷل حامەنوۆانىڭ ٸسٸنە قاتىستى سوت وتىرىسى ٶتٸپ جاتىر.
سوت وتىرىسىندا «مەنٸڭ بۇل قىلمىستىق وقيعاعا قاتىسىم بولعان جوق. وسى ٸس بويىنشا زاڭعا سەيكەس اقتاۋ ٷكٸمٸ شىعارىلۋى مٷمكٸن», -دەدٸ باقىتگٷل حامەنوۆا.
وبلىستىق سوتتىڭ باسپاسٶز قىزمەتٸنٸڭ مەلٸمەتٸنشە, بيىلعى 26 مامىردا اتىراۋ قالاسىنىڭ №2 سوتىنا قر قىلمىستىق كودەكسٸ 366-بابىنىڭ 3-بٶلٸگٸ 2-تارماعىمەن اتىراۋ وبلىسى ەكٸمٸنٸڭ ورىنباسارى باقىتگٷل حامەنوۆاعا, اتىراۋ وبلىسى مەدەنيەت, تٸلدەردٸ دامىتۋ جەنە ارحيۆ ٸسٸ باسقارماسىنىڭ باسشىسى اقىلبەك رىسقاليەۆكە, قر قىلمىستىق كودەسٸ 367-بابىنىڭ 2-بٶلٸگٸمەن «ب» جشس ديرەكتورىنا قاتىستى قىلمىستىق ٸس تٷستٸ.
ال, 11 تامىزدا اتىراۋداعى №2 قالالىق سوتتا باقىتگٷل حامەنوۆاعا قاتىستى سوت وتىرىسى باستالدى. ايىپتاۋ اكتٸسٸ 55 بەتتەن تۇرادى.
العاشقى سوت وتىرىسىندا باقىتگٷل حامەنوۆا ٶزٸنە تاعىلعان ايىپتى مويىندامادى.
ەسكە سالا كەتەلٸك, بۇعان دەيٸن پروكۋراتۋرا ٶكٸلٸ باقىتگٷل حامەنوۆانى 7 جىلعا باس بوستاندىعىنان ايىرۋدى ۇسىنعانىنجازعان ەدٸك.
سوت وتىرىسىندا پروكۋروراتۋرا ٶكٸلٸ لاۋرا اسانوۆا وبلىس ەكٸمٸنٸڭ بۇرىنعى ورىنباسارى باقىتگٷل حامەنوۆانى 7 جىلعا باس بوستاندىعىنان جەنە «قۇرمەت» وردەنٸنەن ايىرۋدى ۇسىندى.
«مٷلكٸ تەركٸلەنٸپ, مەملەكەتتٸك لاۋازىمداردى اتقارۋ قۇقىعىنان ٶمٸر بويىنا ايىرا وتىرىپ, 7 جىلعا باس بوستاندىعىنان ايىرۋ جازاسى تاعايىندالسىن. مەرزٸمدٸ ٶتەۋ ورتاشا قاۋٸپسٸزدٸك مەكەمەسٸندە انىقتالسىن. سوتتالۋشىنىڭ كەمەلەتكە تولماعان بالاسىنىڭ بولۋىنا بايلانىستى جازانى ٷش جىلعا دەيٸن كەيٸنگە قالدىرۋدى سۇرايمىن», -دەدٸ لاۋرا اسانوۆا.
