اتىراۋ وبلىسى ەكٸمٸنٸڭ ورىنباسارى, مەجٸلٸستٸڭ بۇرىنعى دەپۋتاتى باقىتگٷل حامەنوۆاعا قاتىستى قىلمىستىق ٸس سوتقا تٷستٸ. بۇل تۋرالى اتىراۋ وبلىستىق سوتىنىڭ باسپاسٶز قىزمەتٸ حابارلادى, دەپ جازادى Sputnik قازاقستان اگەنتتٸگٸ.
سونىمەن قاتار, اتىراۋ وبلىسى مەدەنيەت باسقارماسىنىڭ باسشىسى اقىلبەك رىسقاليەۆتٸڭ ٸسٸ دە سوتتا قارالادى.
"26 مامىردا اتىراۋ وبلىسى ەكٸمٸنٸڭ ورىنباسارى باقىتگٷل حامەنوۆاعا جەنە اتىراۋ وبلىسى مەدەنيەت, تٸلدەردٸ دامىتۋ جەنە ارحيۆ ٸسٸ باسقارماسىنىڭ باسشىسى اقىلبەك رىسقاليەۆكە قاتىستى ٸس اتىراۋ قالاسى №2 سوتىنىڭ ٶندٸرٸسٸنە تٷستٸ. ٸس قىلمىستىق كودەكستٸڭ 366-بابى 3-بٶلٸگٸ 2-تارماعى (پارا الۋ) بويىنشا سوتقا بەرٸلدٸ", - دەلٸنگەن حابارلامادا.
سونىمەن قاتار, "ب" جشس ديرەكتورىنا قاتىستى قىلمىستىق كودەكستٸڭ 367-بابى 2-بٶلٸگٸ (پارا بەرۋ) بويىنشا قىلمىستىق ٸس تە سوتقا بەرٸلدٸ.
باستى سوت وتىرىسى 14 ماۋسىم كٷنٸ ٶتەدٸ.
ەسكە سالساق, بىلتىر جەلتوقسان ايىندا اتىراۋ وبلىسى ەكٸمٸنٸڭ ورىنباسارى باقىتگٷل حامەنوۆا مەن وبلىستىق مەدەنيەت باسقارماسىنىڭ باسشىسى اقىلبەك رىسقاليەۆ ۇستالعان بولاتىن. ولار اباي ەسكەرتكٸشٸن ورناتۋعا مەملەكەتتٸك ساتىپ الۋ شارتىن جاساعانى ٷشٸن 4,5 ميلليون تەڭگە پارا الدى دەگەن كٷدٸككە ٸلٸندٸ. باس كەزٸندە حامەنوۆانى ٷي قاماققا العان. بٸراق 22 جەلتوقساندا ەكٸ ايعا قاماۋعا الۋعا سانكتسييا بەرٸلدٸ.
باقىتگٷل حامەنوۆا 2017 جىلدىڭ كٶكتەمٸندە مەجٸلٸس دەپۋتاتى بولىپ تۇرعان كەزدە ەلەۋمەتتٸك جەلٸدە تانىمال بولدى. ول ەلورداداعى استانا ەۋەجايىنا سول كەزدەگٸ پرەزيدەنت نۇرسۇلتان نازارباەۆتىڭ اتىن بەرۋ تۋرالى ۇسىنىس ايتتى.
