پارلامەنت مەجٸلٸسٸنٸڭ دەپۋتاتى باقىتبەك سماعۇل قورداي اۋدانىنداعى جانجالعا بايلانىستى جامبىل ٶڭٸرٸنە اتتانىپ كەتتٸ. دەپۋتاتتىڭ ايتۋىنشا, قازٸر ەل ٸشٸن الا تايداي بٷلدٸرمەي, ەل بٸرلٸگٸن تانىتا بٸلۋٸ كەرەك, دەپ حابارلايدى قازاقپارات تٸلشٸسٸ.
«قورداي جاقتان وسى حاباردى ەستٸگەننەن كەيٸن ەرٸپتەسٸم شەكٸر حاحازوۆ ەكەۋٸمٸز بٸردەن سول جاققا جولعا شىقتىق. ەلدٸڭ جاراسىن تىرناعانىمىز دۇرىس ەمەس. ودان دا سابىر مەن اقىلىمىزدى سەرٸك ەتٸپ, ەلدٸ تاتۋلىققا شاقىرامىن. اسىل حالقىمىزدىڭ باسىنان نە ٶتپەدٸ. سوندىقتان بەرەكە-بٸرلٸگٸمٸز, ەلٸمٸزدٸڭ بولاشاعى, ەرتەڭٸمٸز ٷشٸن تىنىشتىق قاجەت. «اشۋ – دۇشپان, اقىل - دوس» دەيدٸ دانا حالقىمىز. بٸز ەندٸ دابىرامەن ەمەس, سابىرمەن كٶپ نەرسەنٸ شەشكەن حالىقپىز عوي. داۋ مەن جاۋدان الىس بولايىق. ٶز بەرەكەمٸزدٸ, بٸرلٸگٸمٸزدٸ ساقتايىق», - دەيدٸ باقىتبەك سماعۇل.
بۇعان دەيٸن جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي تٶبەلەس بولعانىن حابارلاعان بولاتىنبىز.
كٶپ ۋاقىت ٶتپەي پرەزيدەنت قاسىم-جومارت توقاەۆ جامبىل وبلىسى قورداي اۋدانىندا بولعان جاپپاي تٶبەلەسكە قاتىستى پٸكٸر بٸلدٸردٸ.
«جامبىل وبلىسى قورداي اۋدانىندا بۇزاقىلىق سيپاتتاعى جاپپاي تٶبەلەس بولدى. ونى ارانداتۋشىلار ٶز پايداسىنا قولدانباق بولعان. پوليتسييا جاعدايدى رەتتەپ, ٶز باقىلاۋىنا الدى. قوعامدىق تەرتٸپتٸ بۇزعاندار جاۋاپكەرشٸلٸككە تارتىلادى», دەپ جازدى قاسىم-جومارت توقاەۆ Twitter-دەگٸ پاراقشاسىندا.
ال بٷگٸن مەملەكەت باسشىسى جامبىل وبلىسىنداعى وقيعاعا بايلانىستى مەلٸمدەمە جاسادى.
