استانانى 2035 جىلعا دەيٸن دامىتۋ جوسپارى ەزٸرلەنەدٸ. بۇل تۋرالى بٷگٸن ەلوردا ەكٸمٸ باقىت سۇلتانوۆ قالا اكتيۆٸمەن ٶتكەن جىلدى قورىتىندىلاۋعا ارنالعان جيىندا ايتتى, دەپ حابارلايدى "ۇلت اقپارات".
ونىڭ ايتۋىنشا, 2030 جىلعا قاراي ەلوردادا حالىق سانى 2 ملن ادامعا دەيٸن ٶسسە, 2050 جىلعا قاراي 3 ملن-نان اسادى دەپ كٷتٸلۋدە. وسىعان بايلانىستى, استانانى جاھاندىق قالا رەتٸندە دامىتۋ بٸرنەشە نەگٸزگٸ باعىتتار بويىنشا جٷزەگە اسادى دەپ جوسپارلانىپ وتىر.
«بٸرٸنشٸسٸ - ادامي دامۋ. قالانىڭ باستى كاپيتالى - تۇرعىندار. تالانتتاردى تارتۋ ٷشٸن قالالىق ورتانى بارىنشا تارتىمدى جەنە جايلى ەتۋ كەرەك. ەڭ الدىمەن, بۇل - قولجەتٸمدٸ, ساپالى تۇرعىن ٷي, قاۋٸپسٸز قوعامدىق كٶلٸك, دەنساۋلىق ساقتاۋ مەن بٸلٸم بەرۋدٸڭ جوعارى ساپاسى, قوعامدىق قاۋٸپسٸزدٸك. ەكٸنشٸسٸ - قالانىڭ كرەاتيۆتٸ ەكونوميكاسى. مەملەكەت باسشىسى اتاپ ٶتكەندەي, استانانىڭ تارتىمدى تۋريستٸك دەستيناتسيياسىن ٶزگەرتە وتىرىپ, اقىلدى جەنە مەيٸرٸمدٸ قالاعا اينالۋىنا ەرەكشە كٶڭٸل بٶلٸنەدٸ. بۇل - قوناقجايلىق اتموسفەراسىن قالىپتاستىرىپ, تۇرعىندار مەن تۋريستەر ٷشٸن قالالىق سەرۆيستٸ جاقسارتۋ. استانا جاھاندىق ساۋدا اعىندارىنىڭ حابىنا, ەڭ ٸرٸ تۇتىنۋ نارىعىنا جەنە ەلدٸڭ نەگٸزگٸ كٶلٸك-لوگيستيكالىق تورابىنا اينالۋى تيٸس. تيٸسٸنشە, بۇل قالا قازىناسىنا قوسىمشا سالىق ەكەلەدٸ», - دەدٸ ول.
باقىت سۇلتانوۆ ٷشٸنشٸ قالالىق جوسپارلاۋ مەسەلەسٸنە توقتالدى.
«بۇل ستراتەگييالىق قالالىق جوسپارلاۋدىڭ جاڭا فورماتىنا كٶشۋدٸ بٸلدٸرەدٸ. ول ٷشٸن بٸز 2035 جىلعا دەيٸن استانانى دامىتۋ جوسپارىن ەزٸرلەيمٸز», - دەپ اتاپ ٶتتٸ ب.سۇلتانوۆ.
