قر سٸم باسشىسى مۇحتار تٸلەۋبەردٸ بٷگٸن باكۋدە تٷركٸ تٸلدەس مەملەكەتتەر ىنتىماقتاستىق كەڭەسٸنٸڭ VII سامميتٸ قارساڭىندا ٶتكەن تٷركٸ كەڭەسٸ سىرتقى ٸستەر مينيسترلەرٸ كەڭەسٸنٸڭ وتىرىسىنا قاتىستى, دەپ حابارلايدى "ۇلت اقپارات".
كەزدەسۋدە مينيسترلەر مەملەكەت باسشىلارى كەڭەسٸنٸڭ وتىرىسىندا قول قويۋى جوسپارلانىپ وتىرعان كٷن تەرتٸبٸندەگٸ جوبالار مەن قۇجاتتاردى كەلٸستٸ.
كەزدەسۋ قورىتىندىلارى بويىنشا باكۋدە مينيسترلەر بۋداپەشت قالاسىندا (ۆەنگرييا) 2019 جىلعى 19 قىركٷيەكتە اشىلعان تٷركٸ كەڭەسٸ ٶكٸلدٸگٸنٸڭ قىزمەتٸن رەتتەيتٸن بٸرنەشە قۇجاتقا قول قويدى.
مينيسترلەردٸڭ شەشٸمٸمەن ۆەنگرييا رەسپۋبليكاسىنا تٷركٸ مەدەنيەتٸ مەن مۇراسى قورىنىڭ جانىنداعى باقىلاۋشى مەرتەبەسٸ بەرٸلدٸ.
ەسكە سالايىق, تٷركٸ تٸلدەس مەملەكەتتەر ىنتىماقتاستىق كەڭەسٸ قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى ن.ە. نازارباەۆتىڭ باستاماسىمەن 2009 جىلى ناحىچەۆان قالاسىندا (ەزەربايجان) قۇرىلعان. تٷركٸ كەڭەسٸنٸڭ حاتشىلىعى - ىستانبۇل (تٷركييا) قالاسىندا. 7-شٸ سامميتتٸڭ قورىتىندىلارى بويىنشا, ٶزبەكستان قوسىلعاننان كەيٸن كەڭەسكە مٷشە ەلدەر سانى بەسكە جەتەدٸ (ەزەربايجان, قازاقستان, قىرعىزستان, تٷركييا, ٶزبەكستان).
