2004 جىلعى افينا وليمپياداسىنىڭ چەمپيونى, بٷگٸندە "Astana Arlans" كلۋبىنىڭ جەتەكشٸسٸ باقتييار ارتاەۆ Prosports.kz پورتالىنا بەرگەن سۇقباتىندا گەنناديي گولوۆكيننٸڭ سوڭعى جەكپە-جەگٸنە قاتىستى پٸكٸرٸن بٸلدٸردٸ, دەپ جازادى Sputnik Kazakhstan.
"گولوۆكيننٸڭ ۆانەس مارتيروسيانعا قارسى جەكپە-جەگٸ قالاي اياقتالاتىنىن بٷكٸل حالىق بٸلدٸ عوي. ۆانەس تابان استىنان تاڭدالعان قارسىلاس بولدى. نەگە دەرەۆيانچەنكو ەمەس دەگەن دە سۇراق تۋىنداعان. بٸراق كٶبٸ جەكپە-جەك بەسٸنشٸ راۋندقا تامان اياقتالادى دەپ كٷتتٸ. كٷتكەن نەتيجە مەرزٸمٸنەن بۇرىن جاسالدى. مارتيروسيان گەناعا اۋىر قارسىلاس بولدى دەپ ويلامايمىن. سەبەبٸ, ۆانەستٸڭ دەڭگەيٸ قانداي, گەننادييدٸڭ دەڭگەيٸ قانداي ەكەنٸن ٶزدەرٸڭٸز دە بٸلەسٸزدەر", — دەيدٸ ارتاەۆ.
وليمپيادا چەمپيونى گولوۆكين ەندٸ قارسىلاس رەتٸندە كٸمدٸ تاڭداعانى دۇرىس ەكەنٸن دە ايتىپ ٶتتٸ.
"تاڭداۋدى ماعان سالسا, بٸرٸنشٸ كەزەكتە دەرەۆيانچەنكومەن جۇدىرىقتاسىپ, ٶز تيتۋلىمدى قورعاپ قالار ەدٸم. كەيٸن الۆارەسپەن كەزدەسٸپ, ەسەمدٸ قايتارار ەدٸم. كەيٸن عانا بيللي دجو سوندەرسپەن جەكپە-جەك ٶتكٸزٸپ, بارلىق بەلبەۋدٸ جيناپ, سونىمەن مانسابىمدى اياقتار ەدٸم", — دەپ تٷيٸندەدٸ ول.
