كٶپتەگەن بەدەلدٸ حالىقارالىق بايقاۋلاردىڭ گران-پري يەگەرٸ, «استانا وپەرا» تەاترىنىڭ جەتەكشٸ سوليسٸ باقتييار ادامجان العاش رەت حح عاسىرداعى كٶرنەكتٸ حورەوگراف رولان پەتيدٸڭ قويىلىمىنداعى «بوزبالا مەن اجال» بالەتٸندەگٸ بوزبالا باستى رٶلٸن سومدادى.
قويىلىم اتى اڭىزعا اينالعان بيشٸ ەرٸ حورەوگراف رۋدولف نۋرەەۆكە ارنالعان Tributo a Rudolf Nureyev حالىقارالىق گالا-بالەتٸ اياسىندا 28 شٸلدە كٷنٸ بٸزدٸڭ دەۋٸرٸمٸزگە دەيٸنگٸ ٸ عاسىردان بەرٸ ساقتالىپ كەلە جاتقان كٶنە ريمدٸك امفيتەاتر, سپولەتو (يتالييا) ريم تەاترىنىڭ اشىق ساحناسىندا ٶتكەن بولاتىن. ەلەمدٸك بالەت جۇلدىزدارىنىڭ ورىنداۋىندا كٶرەرمەندەرگە ر. نۋرەەۆتٸڭ رەپەرتۋارىنان نٶمٸرلەر ۇسىنىلدى.
رولان پەتيدٸڭ «بوزبالا مەن اجال» بٸر بٶلٸمدٸ اتاقتى بالەتٸ 1946 جىلى يوگانن سەباستيان باحتىڭ پاسساكاليا مۋزىكاسىنا قويىلدى, وعان ارقاۋ بولعان جان كوكتونىڭ ٶلەڭمەن جازىلعان ليبرەتتوسى. گالا-بالەتكە ارناپ قويىلىمدى جٷزەگە اسىرعان ر. پەتيدٸڭ اسسيستەنتٸ – بالەتمەيستەر لۋيدجي بونينو, ول ٶزٸ دە بٸر كەزدەرٸ بوزبالانىڭ پارتيياسىن ورىنداعان بولاتىن. باقتييار ادامجاننىڭ ساحناداعى سەرٸگٸ بولعان ەيگٸلٸ ميلاندىق لا سكالا تەاترىنىڭ پريما-بالەريناسى نيكولەتتا مانني.
بۇدان بٶلەك, باقتييار ادامجان وسى كەشتە ۆەنگرييا مەملەكەتتٸك وپەراسىنىڭ پريماسى تاتيانا مەلنيكپەن ل. مينكۋستىڭ «دون كيحوت» بالەتٸنەن پا-دە-دەنٸ ورىندادى. يتالياندىق كٶرەرمەن قاۋىم ب. ادامجاننىڭ ەربٸر ساحناعا كٶتەرٸلۋٸن تولاسسىز قوشەمەتپەن قارسى الىپ, قازاقستاندىق بالەت جۇلدىزىن زور سٷيٸنٸشپەن قابىلدادى.
