رەسەي استاناسىندا «پاۆلوداردىڭ مەسكەۋدەگٸ ينۆەستيتسييالىق كٷندەرٸ» بيزنەس-فورۋمى باستالدى, دەپ حابارلايدى "ۇلت اقپارات" پاۆلودار وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
كٶرشٸ ەلدٸڭ ساۋدا-ٶنەركەسٸپ پالاتاسىنىڭ كونگرەسس-ورتالىعىندا ٶتكەن كەزدەسۋدە پاۆلودار وبلىسىنىڭ ەكٸمٸ بولات باقاۋوۆ رەسەيدٸڭ ەلەۋەتتٸ ينۆەستورلارىنا جان-جاقتى قولداۋ كٶرسەتۋگە ۋەدە بەردٸ. ونىڭ ٸشٸندە ينۆەستورلارعا سالىقتىق جەڭٸلدٸكتەر بەرۋ, كەڭسەلەر, جۇمىسشىلارعا ەلەۋمەتتٸك قىزمەتتەر ۇسىنۋ جەنە تاعى دا باسقا جەڭٸلدٸكتەر بار.
فورۋمدى اشقان پاۆلودار وبلىسىنىڭ ەكٸمٸ بٸزدٸڭ ٶڭٸردٸڭ سىرتقى ساۋدا كٶلەمٸنٸڭ 40 پايىزدان استامى رەسەي فەدەراتسيياسىنا تيەسٸلٸ ەكەنٸن ايتتى. مەسەلەن, 2018 جىلى پاۆلودار وبلىسى مەن رەسەيدٸڭ ٶڭٸرلەرٸ اراسىنداعى تاۋار اينالىمى 1,8 ملرد دوللاردى قۇراعان. بۇل 2017 جىلدىڭ كٶرسەتكٸشٸنەن 25 پايىزعا جوعارى. اتالعان كٶرسەتكٸشتٸ ارتتىرۋ ٷشٸن بولات باقاۋوۆ رەسەيلٸك بيزنەسمەندەردٸ پاۆلودار وبلىسىنا ينۆەستيتسييا قۇيۋعا شاقىردى.
– بٸزدٸڭ ٶڭٸر توعىز جولدىڭ تورابىندا ورنالاسقان. دەلٸرەك ايتساق, جولداردىڭ نەگٸزگٸ كٷرەتامىرى سانالاتىن وڭتٷستٸك سٸبٸر جەنە ورتالىق سٸبٸر تەمٸرجول جەلٸلەرٸندە ورىن تەپكەن. پاۆلودار وبلىسى ارقىلى رەسپۋبليكالىق ماڭىزداعى جولدار ٶتەدٸ. ەۋە قاتىناسى, ٶزەن قاتىناسى جولعا قويىلعان. وبلىس گەوگرافييالىق تۇرعىدان دا تيٸمدٸ ورنالاسقان. پاۆلودار وبلىسىنان 500 شاقىرىمدىق راديۋستە قازاقستان مەن رەسەيدٸڭ ٸرٸ قالالارى جاتىر. ايماقتا سۋ مەن پايدالى قازبالالار قورى جەتكٸلٸكتٸ. سونداي-اق قازاقستاندىق فەرروقورىتپانىڭ 65,2 پايىزى, بەنزيننٸڭ 46,3 پايىزى, گلينوزەم مەن ٶڭدەلمەگەن اليۋمينييدٸڭ 99,6 پايىزى بٸزدٸڭ وبلىستا ٶندٸرٸلەدٸ. ەلٸمٸزدە ٶندٸرٸلەتٸن كٶمٸردٸڭ 60 پايىزى بٸزدٸڭ ٶڭٸرگە تيەسٸلٸ, – دەدٸ بولات باقاۋوۆ.
پاۆلودار وبلىسىنىڭ ەكٸمٸ رەسەيلٸكتەرمەن بٸرلەسكە جوبالاردى قارجىلاندىرۋعا دايىن ەكەنٸن بٸلدٸردٸ. سونداي-اق ٶڭٸردە كەسٸپكەرلەرگە ەردايى قولداۋ كٶرسەتۋگە دايىن ەكەنٸن جەتكٸزدٸ. بۇدان بٶلەك, مەملەكەتتٸك قولداۋدىڭ بٸرىڭعاي كەپٸلدەندٸرٸلگەن شارالارى بار. بۇل رەتتە, ينۆەستورلارعا ەكٸ جىلعا قايتارىمسىز نەگٸزدە وفيستەر بەرٸلەدٸ. ينۆەستورلار جالدايتىن قىزمەتكەرلەردٸڭ وتباسى مٷشەلەرٸن جۇمىسپەن, وقۋ ورىندارىمەن قامتۋ دا جولعا قويىلعان.
مەسكەۋدەگٸ بيزنەس-فورۋمعا «Kazakh Invest» ۇلتتىق كومپانيياسىنىڭ باسشىسى باۋىرجان سارتباەۆتىڭ دا قاتىسقانىن اتاپ ٶتكەن جٶن. ول رەسەيلٸك كەسٸپكەرلەرگە رەسەي يمپورتتاپ وتىرعان قازاقستاندا ٶندٸرٸلەتٸن تاۋارلاردى وقشاۋلاۋدى ۇسىندى.
– بٸزدٸڭ كومپانييا ەلەۋەتتٸ ەلدەردٸڭ تٸزٸمٸن جاسادى. بۇل رەتتە, بٸز ٷشٸن رەسەي فەدەراتسيياسىمەن بايلانىس ورناتۋ ماڭىزدى باعىتتىڭ بٸرٸ. رەسەيلٸك ينۆەستورلاردى كٶبٸنەسە قازاقستانداعى ساياسي تۇراقتىلىق, كەسٸپكەرلٸك قىزمەتتٸ رەتتەيتٸن زاڭنامالىق بازا, سالىقتىق جەڭٸلدٸكتەر جەنە ينفراقۇرىلىمنىڭ دامۋى قىزىقتىرادى. بٷگٸندە رەسەيلٸك ينۆەستورلارمەن جالپى قۇنى 4,8 ملرد دوللاردى قۇرايتىن جوبالار بويىنشا جۇمىس جٷرگٸزٸلۋدە, – دەدٸ باۋىرجان سارتباەۆ.
فورۋم قورىتىندىسى بويىنشا بٸرنەشە ەكٸجاقتى كەلٸسٸمگە قول قويۋ جوسپارلانعان. سونداي-اق پاۆلودار وبلىسىنىڭ ەكٸمٸ بٸرقاتار رەسەيلٸك بيزنەسمەن كەلٸسسٶزدەر جٷرگٸزبەك.
