قىتاي ارنايى قىزمەتتەرٸ شەتەلدٸك تىڭشىلار مەن بۇرىنعى مەملەكەتتٸك قىزمەتكەرلەردٸ ارباۋ ٷشٸن LinkedIn ەلەۋمەتتٸك جەلٸسٸن پايدالانادى. بۇل تۋرالى امەريكالىق جەنە شەتەلدٸك بارلاۋ قىزمەتتەرٸندەگٸ دەرەككٶزدەرٸنە سٸلتەپ, The New York Times گازەتٸ حابارلادى.
گازەتكە سۇحبات بەرگەن دەرەككٶزدەردٸڭ ايتۋىنشا, سوڭعى جىلدارى مەملەكەتتٸك ينستيتۋتتاردا ٸستەيتٸن قىزمەتكەرلەر قىتايدان تابىستى جۇمىس ٸستەۋگە شاقىرتۋ العان. "بۇل تىڭشى بولۋى مٷمكٸن ادامدى قىتايعا شاقىرۋ ٷشٸن جاسالادى" دەيدٸ دەرەككٶزدەر.
The New York Times جازۋىنشا, اقش-تا سوڭعى كەزدەرٸ تىڭشىلىق بابىمەن جاۋاپقا تارتىلاتىندار كٶبەيگەن. بيىل كٶكتەمدە ورتالىق بارلاۋ باسقارماسىنىڭ (تسرۋ) قىزمەتكەرٸ وسىنداي ايىپپەن 20 جىلعا سوتتالعان. باق-تىڭ جازۋىنشا, ونىڭ قىتايمەن سەرٸكتەستٸگٸ LinkedIn جەلٸسٸندە باستالعان. قىتاي ارنايى قىزمەتتەرٸنەن كەلەتٸن حات تۋرالى دانييا سىرتقى ٸستەر مينيسترلٸگٸ دە ەسكەرتكەن.
بۇعان قاتىستى پٸكٸر بٸلدٸرگەن LinkedIn كومپانيياسىنىڭ باسشىلىعى "كٷمەندٸ اككاۋنتتاردى سارالاۋمەن ارناۋلى باسقارما اينالىساتىنىن" ايتادى. LinkedIn - بوس جۇمىس ورنىن ٸزدەپ, ٸسكەرلٸك بايلانىس ورناتۋعا ارنالعان ەلەۋمەتتٸك جەلٸ. قازٸر ەلەۋمەتتٸك جەلٸدە 200 مەملەكەتتەن 150 سالانىڭ ٶكٸلٸ رەتٸندە تٸركەلگەن جٷزدەگەن ميلليوننان اسا قولدانۋشى بار.
