قازاقستان پرەزيدەنتٸ قاسىم-جومارت توقاەۆتىڭ بٷگٸنگٸ قازاقستان حالقىنا جولداۋىندا وسى ۋاقىتقا دەيٸن قوعام تاراپىنان بەلسەندٸ تالقىلانعان جەنە ساراپشىلاردىڭ وي ەلەگٸنەن ٶتكٸزٸلگەن ساياسي رەفورمالاردىڭ بٸر توپ باعىتتارى قامتىلدى. مۇنداي پٸكٸردٸ قر پرەزيدەنتٸ جانىنداعى قازاقستان ستراتەگييالىق زەرتتەۋلەر ينستيتۋتىنىڭ حالىقارالىق قاتىناستار بٶلٸمٸنٸڭ باسشىسى ەسەل نازاربەتوۆا ايتتى, دەپ حابارلايدى قازاقپارات.
ونىڭ ايتۋىنشا, مەملەكەت باسشىسى ۇسىنعان باستامالار, ولاردى جٷزەگە اسىرۋ مەحانيزمدەرٸ ەل ازاماتتارىنىڭ كٶڭٸلٸنەن شىقتى.
سەبەبٸ بۇل شەشٸمدەر حالىقتىڭ بٷگٸنگٸ تاڭداعى تالاپتارىنا, قوعامنىڭ دامۋ دەڭگەيٸ مەن سۇرانىستارىنا جاۋاپ بەرە الادى.
«ايتا كەتەرلٸگٸ, پارلامەنتتٸڭ رٶلٸن ارتتىرۋ, سايلاۋ جٷيەسٸن جەتٸلدٸرۋ, پارتييالاردى دامىتۋ مٷمكٸندٸكتەرٸ, قۇقىق قورعاۋ جٷيەسٸن كٷشەيتۋ, ەكٸمشٸلٸك-اۋماقتىق قۇرىلىمعا ٶزگەرٸستەر ەنگٸزۋمەن قاتار, بۇقارالىق اقپارات قۇرالدارى مەن ازاماتتىق قوعامنىڭ رٶلٸن ارتتىرۋعا بايلانىستى بٸرقاتار تاپسىرمالار بەرٸلدٸ. سونىڭ ٸشٸندە باق تۋرالى جاڭا زاڭ قابىلداۋ. قازٸرگٸ قولدانىستاعى 1999 جىلعى زاڭعا 2017 جىلى اۋقىمدى ٶزگەرٸستەر ەنگٸزٸلگەن بولاتىن»,- دەيدٸ ول.
ەسەل نازاربەتوۆانىڭ سٶزٸنشە, بٷگٸندە بٸرقاتار مەملەكەتتەردە بۇقارالىق اقپارات قۇرالدارى ازاماتتاردى ساياسي تەربيەلەۋ, ولاردى ٸشكٸ جەنە حالىقارالىق ماڭىزدى وقيعالار تۋرالى حاباردار ەتۋ, ولاردا ادەكۆاتتى ساياسي مٸنەز-قۇلىق پەن كٶزقاراستى قالىپتاستىرۋ فۋنكتسييالارىن سەتتٸ جٷزەگە اسىرۋدا.
«الايدا باق-تى تەرٸس ماقساتتا, ياعني ارتىقشىلىقتى ەلەۋمەتتٸك توپتاردىڭ ساياسي ٷستەمدٸگٸن نىعايتۋ ٷشٸن پايدالاناتىن جاعدايلارى جوققا شىعارىلمايدى. قازاقستانداعى مەديا-ساياساتتىڭ جٷزەگە اسىرىلۋى باق-تىڭ مەملەكەت تاراپىنان شەكتەن تىس باقىلاۋىندا بولعان كەزدە «ەتاتيستٸك باق ساياساتى» رەتٸندە سيپاتتالادى. سونىمەن قاتار, قازاقستاندا ٸرٸ اقپاراتتىق رەسۋرستاردى يدەولوگييالىق جۇمىستىڭ تيٸمدٸ قۇرالىنا اينالدىرۋ ماقساتىندا ولارعا باقىلاۋدى كٷشەيتۋگە باعىتتالعان باق ساياساتى جٷرگٸزٸلۋدە. باق دامۋىنىڭ زاماناۋي شىندىعى جۋرناليستەردٸڭ جەكە جاۋاپكەرشٸلٸگٸن ارتتىرۋدى تالاپ ەتەدٸ, ول تۋرالى مەملەكەت باسشىسى ٶز جولداۋىندا اتاپ ٶتتٸ», - دەيدٸ سپيكەر.
قر پرەزيدەنتٸ جانىنداعى قازاقستان ستراتەگييالىق زەرتتەۋلەر ينستيتۋتىنىڭ ٶكٸلٸ ەۋروپا ەلٸندەگٸ بۇقارالىق اقپارات قۇرالدارىنىڭ رٶلٸ مەن جۇمىسىنا توقتالدى.
«ەۋروپا ەلدەرٸنٸڭ باق-تاعى ٶزٸن-ٶزٸ رەتتەۋ مەحانيزمٸ تەجٸريبەسٸنە قاراساق, اقش-تا, ۇلىبريتانييادا جەنە فرانتسييادا باسپاسٶزدٸڭ ٶزٸن-ٶزٸ رەتتەۋٸنٸڭ ىقپالدى مەحانيزمٸ جوق. فرانتسييادا باسىلىمداردىڭ جۇمىسىندا ماڭىزدى رٶل اتقاراتىن نەگٸزگٸ باق جۋرناليستەرٸنٸڭ قاۋىمداستىعى بار. بۇل تۇرعىدا گەرمانيياداعى باق جۇمىسىنا نازار اۋدارعان جٶن, مۇندا باق ٷكٸمەت نەمەسە پارتييالار تاراپىنان باقىلانبايدى, ولار تەۋەلسٸز جەنە ولاردىڭ كٶزقاراسى ەرقاشان مەملەكەتتٸڭ رەسمي ۇستانىمىمەن سەيكەس كەلە بەرمەيدٸ. گەرمانيياداعى باقىلاۋشى ورگاننىڭ فۋنكتسييالارىن ٶزٸن-ٶزٸ باقىلاۋ كەڭەسٸ ورىندايدى. كەڭەستٸ گازەت-جۋرنال شىعارۋشىلاردىڭ فەدەرالدىق وداقتارى, سونداي-اق گەرمانييا جۋرناليستەر وداعى مەن باق قىزمەتكەرلەرٸنٸڭ كەسٸپوداق ۇيىمى قۇرعان», - دەدٸ ەسەل نازاربەتوۆا.
