«سيليكون القابىنىڭ ميللياردەرلەرٸ ٶزدەرٸ قالاسا دا, قالاماسا دا بايىپ جاتىر», دەپ جازادى Vox.
باسىلىمنىڭ جازۋىنشا, سوڭعى قىرىق جىلدا امەريكالىقتاردىڭ قايىرىمدىلىققا بەرەتٸن قارجىسى جىل سايىن ارتىپ كەلەدٸ.
«تەحنيكالىق گيگانتتار دا جىل سايىن كاپيتالىن ارتتىرىپ جاتىر. Business Insider باسىلىمىنىڭ جازۋىنشا, 2019 جىلى تەحنولوگييا سالاسىنداعى ەڭ باي 20 ادامنىڭ ون توعىزىنىڭ كاپيتالى ميللياردتاعان دوللارعا ٶسكەن. ال قارجىسى ارتپاعان جالعىز ادام سوعان قاراماستان ەلەمدەگٸ ەڭ باي ادام بولىپ قالىپ وتىر», دەپ جازادى باسىلىم.
اۆتوردىڭ ايتۋىنشا, تەحنيكا يندۋستريياسىنداعى ميليلاردرلەر ٶز قارجىسىن ەلەۋمەتتٸك نەمەسە ساياسي ٶزگەرٸستەرگە ەسەر ەتۋ ٷشٸن جۇمسايدى.
«ميللياردەرلەر بايىپ جاتىر, تابىستاعى تەڭسٸزدٸك تە ارتۋدا. كٶبٸنە بايلىعى ارتىپ جاتقان ادامداردىڭ فيلانتروپ ەكەنٸن بايقاۋ قيىن ەمەس», دەيدٸ اۆتور.
ونىڭ ايتۋىنشا, بيلل گەيتس جىلىنا 5 ملرد دوللار گرانت بٶلەدٸ.
