قازاقستان پرەزيدەنتٸ ەكٸمشٸلٸگٸ جەتەكشٸسٸنٸڭ ورىنباسارى باعلان مايلىباەۆتىڭ تۇتقىندالۋى قازٸرگٸ نومەنكلاتۋراعا تەن جولمەن تەز ٶرلەپ كەلە جاتقان جاس شەنەۋنٸكتٸڭ قىزمەت مانسابىن ٷزٸپ تاستادى.
40 جاستاعى باعلان مايلىباەۆتىڭ ٶمٸربايانىندا ونىڭ جاستىعىنا قاراماستان تٷرلٸ لاۋازىمدى قىزمەتتەرگە تاعايىندالىپ, تالاي اسۋعا شىققان جەتٸستٸكتەرٸ جەتەرلٸك. ول 23 جاسىندا ساياسي عىلىم كانديداتى, 27 جاسىندا - زاڭ عىلىمى دوكتورى اتانعان. وسى جاسىندا ەلدە ورىس تٸلٸندە شىعاتىن باس باسىلىم - "كازاحستانسكايا پراۆدا" گازەتٸن باسقارىپ, كٶپ جىلدىق تاريحى بار باسىلىمنىڭ العاشقى قازاق باسشىسىنا اينالعان. 29 جاسىندا قازاقستان پرەزيدەنتٸ باسپاسٶز قىزمەتٸنٸڭ جەتەكشٸلٸگٸنە تاعايىندالىپ, ٶزٸنە دەيٸن وسى قىزمەتتٸ اتقارعانداردىڭ ٸشٸندەگٸ ەڭ جاسى بولدى. 33 جاسىندا مەدەنيەت جەنە اقپارات مينيسترلٸگٸنە قاراستى اقپارات جەنە مۇراعاتتار كوميتەتٸنٸڭ تٶراعاسى, ال ەكٸ ايدان كەيٸن مەدەنيەت جەنە اقپارات ۆيتسە-مينيسترٸ بولىپ تاعايىندالعان.
مايلىباەۆتىڭ قىزمەت مانسابى تەز ٶرلەپ, ساياسي ساحنانىڭ شىڭى – اقورداعا جەتتٸ. كەي قىزمەتتە 1-1,5 جىل, ال كەيدە تٸپتٸ التى اي عانا "بٶگەلگەن" كەزدەرٸ بولدى, كەيٸنگٸ جىلدارى بۇل قۇبىلىس ٶمٸربايانىندا جىل سايىن جاڭا قىزمەتٸ كٶرسەتٸلگەن جوعارى لاۋازىمدى جاس مەملەكەتتٸك قىزمەتشٸلەرگە تەن سيپات العان ەدٸ. مايلىباەۆ تەك سوڭعى – پرەزيدەنت ەكٸمشٸلٸگٸ جەتەكشٸسٸنٸڭ ورىنباسارى قىزمەتٸندە عانا بەس جارىم جىل "كٸدٸرٸپ قالدى".
ەكەسٸ تاڭداعان ماماندىق
جامبىل وبلىسىندا ورتا مەكتەپتٸ بٸتٸرگەننەن كەيٸن باعلان مايلىباەۆ الماتىداعى قازاق مەملەكەتتٸك ۋنيۆەرسيتەتٸنٸڭ جۋرناليستيكا فاكۋلتەتٸنە وقۋعا تٷسكەن.
ەكەسٸ اساۋباي مايلىباەۆ بيىلعى قاڭتاردىڭ 13-ٸ كٷنٸ جامبىل وبلىستىق "زناميا ترۋدا" گازەتٸندە جارييالانعان "نارودنىي دەپۋتات" ("حالىق دەپۋتاتى") دەگەن ماقالادا: "اشىعىن ايتايىن, بالالارىما ماماندىقتى ٶزٸم تاڭدادىم. ەكە بولعاندىقتان, ولاردىڭ قىزىعاتىن سالاسى قانداي ەكەنٸن, نەگە ۇمتىلاتىنىن بايقايمىن عوي. مۇنىڭ ايقىن مىسالى - ٷلكەن ۇلىم باعلان. ول 7-8 سىنىپتاردا وقىپ جٷرگەن كەزٸندە جۋرناليستيكامەن ەۋەستەنە باستادى. ول كەزدە بٸز جۋالىدا تۇرعانبىز. اۋداندىق گازەتكە ماتەريالدار جازىپ جٷرٸپ, شتاتتان تىس تٸلشٸسٸنە اينالدى. ونىڭ بولاشاعى جۋرناليستيكادا ەكەنٸ بايقالدى. ەلبەتتە, مۇنى قولداپ, جۋرناليستيكا فاكۋلتەتٸنە بارۋعا كەڭەس بەردٸم" دەپ ەسكە العان.
2017 جىلعى قاڭتاردىڭ 13-ٸ جامبىل وبلىسىنداعى "زناميا ترۋدا" گازەتٸندە جارييالانعان "نارودنىي دەپۋتات" ماقالاسى.
ماقالا باعلاننىڭ ەكەسٸ, جامبىل وبلىستىق مەسليحاتىنىڭ تٶرت شاقىرىلىمىنىڭ دەپۋتاتى, ايماقتىڭ بەلگٸلٸ كەسٸپكەرٸ اساۋباي مايلىباەۆتىڭ 70 جىلدىق مەرەيتويىنا ارنالعان. ەكەسٸنٸڭ تۋعان كٷنٸ - گازەتتٸڭ ەلگٸ سانى شىققان 2017 جىلعى قاڭتاردىڭ 13-ٸ كٷنٸ استانادا ونىڭ ۇلىنىڭ قىزمەت مانباسى كەنەتتەن ٷزٸلٸپ قالدى. ەكە ماقتانىشى لاۋازىمدى قىزمەتٸنەن بوساتىلىپ, قىلمىستىق كودەكستٸڭ 185-بابىندا ("مەملەكەتتٸك قۇپييانى زاڭسىز جيناۋ, تاراتۋ جەنە جارييا ەتۋ") قاراستىرىلعان قىلمىس جاساعان دەگەن كٷدٸكپەن تۇتقىندالدى.
اساۋباي مايلىباەۆتىڭ «ۇلت. ۇرپاق. ۇلاعات» كٸتابىنىڭ مۇقاباسى.
ايتپاقشى, اساۋباي مايلىباەۆ "ۇلت. ۇرپاق. ۇلاعات" دەگەن ەستەلٸكتەر كٸتابىندا "يە, كەمشٸلٸكتەر جايلى ايتۋ كەرەك. نازارعا ٸلٸنبەي قالعان ەرٸ قۇپييا جاسالعان جاعىمسىز ەرەكەتتەردٸ اشۋ كەرەك" دەپ جازعان ەدٸ.
اساۋباي مايلىباەۆتىڭ بەس بالاسى بار. باعلاننىڭ بٸر ٸنٸسٸ ەرحان مايلىباەۆ جامبىل وبلىسىندا ترانسپورت پروكۋرورى قىزمەتٸندە. تاعى بٸر ٸنٸسٸ ەرجان - ديپلومات, قازاقستان سىرتقى ٸستەر مينيسترلٸگٸ قۇرىلىمىندا جۇمىس ٸستەيدٸ. قارىنداسى باعدات – تاراز قالالىق مەسليحاتى دەپۋتاتى, مەيرامحانا ۇستايدى.
مايلىباەۆتىڭ قولداۋشىسى بولعان با?
قازاق مەملەكەتتٸك ۋنيۆەرسيتەتٸن تەمامداعان سوڭ باعلان مايلىباەۆ رەسەي فەدەراتسيياسى پرەزيدەنتٸ جانىنداعى رەسەي مەملەكەتتٸك قىزمەت اكادەميياسىنا اسپيرانتۋراعا تٷسٸپ, ونى بٸتٸرگەننەن كەيٸن قازاقستان عىلىم اكادەميياسىنىڭ مەملەكەت جەنە قۇقىق ينستيتۋتىندا ەڭبەك جولىن باستاعان.
ودان كەيٸن ونىڭ كقىزمەت مانسابىنىڭ كٷرت ٶرلەۋٸن قازٸر پرەزيدەنتتٸك "نۇر وتان" پارتيياسى تٶراعاسىنىڭ بٸرٸنشٸ ورىنباسارى, ال 1990 جىلداردىڭ ورتاسىندا ٸرٸ باسپانىڭ قۇرىلتايشىسى عانا بولعان مۇحتار قۇل-مۇحاممەدپەن بايلانىستىرادى. 2001 جىلى قۇل-مۇحاممەد مەدەنيەت مينيسترٸ بولىپ تاعايىندالعان. مايلىباەۆتىڭ ساياسي وليمپتٸ باعىندىرۋى دا وسى مينيسترلٸكتەن باستالادى. قۇل-مۇحاممەد تە پرەزيدەنتتٸڭ باسپاسٶز حاتشىسى جەنە قازاقستان پرەزيدەنتٸ ەكٸمشٸلٸگٸ جەتەكشٸسٸنٸڭ ورىنباسارى بولعان. كەيٸن مايلىباەۆ تا ونىڭ ٸزٸن قۋىپ, داڭعىل جولىمەن جٷردٸ. ەكٸمشٸلٸك ورتالارداعى كەي باقىلاۋشىلار "باعلان ەكەۋٸنٸڭ تۋىستىعى بار, قۇل-مۇحاممەد ونىڭ ناعاشىسى" دەپ مەلٸمدەيدٸ. دەل سول سەبەپتٸ ونى جەتەلەپ, قىزمەتتە ٶرلەۋٸنە كٶمەكتەسكەن دەپ توپشىلايدى. ال ساراي ينتريگالارىنان جاقسى حاباردار ٶزگەلەر "ەكەۋٸنٸڭ ورتاسىندا تۋىستىق بايلانىس جوق, بۇل جەردە باعلاننىڭ ەكەسٸنٸڭ ەلەۋمەتتٸك كاپيتالى رٶل اتقارعان تەرٸزدٸ" دەيدٸ.
باعلان مايلىباەۆ وليمپتەن تىم تٶمەنگە قۇلادى, بۇل ونىڭ قىزمەت مانسابى كٷرت ٶرلەگەن جىلدارى كٶبەيتٸپ العان قارسىلاستارى مەن دۇشپاندارىنىڭ مىسقىلىنا, تٸپتٸ تابالاۋىنا ۇلاستى. ٸلە-شالا Facebook ەلەۋمەتتٸك جەلٸسٸندە باعلان مايلىباەۆتى ايىپتاعان پوستار شىعىپ, كەي سايتتاردا وعان قارسى قارا پيار جانرىندا جازىلعان ماقالالار دا جارييالاندى.
باعلان مايلىباەۆ باسقارعان كەزدەگٸ "كازاحستانسكايا پراۆدا" گازەتٸنٸڭ شىعىس دەرەكتەرٸ.
ايتپاقشى, باعلان مايلىباەۆ پەن ونىڭ ٸسٸ بويىنشا ۇستالعان "نۇر وتان" پارتيياسىنىڭ فۋنكتسيونەر مٷشەلەرٸنٸڭ قامالۋىنا قاتىستى قۇل-مۇحاممەد اشىق پٸكٸر بٸلدٸرگەن جوق. ولاردى پرەزيدەنتتٸك پارتييادان شىعارا ما? ايىپتالعان پارتييا مٷشەلەرٸنە قاتىستى قانداي شارالار قولدانىلۋى مٷمكٸن? ولاردى "نۇر وتاننان" سىرتتاي شىعارا ما, ەلدە پارتييا بۇل مەسەلەنٸ قاراۋدى سوت شەشٸمٸنە دەيٸن قويا تۇرا ما? بۇل سۇراقتارعا قۇل-مۇحاممەدتٸڭ باسپاسٶز حاتشىسى الەكساندر اكسيۋتتس بىلاي دەپ جاۋاپ بەردٸ:
- "نۇر وتان" پارتيياسى قازاقستان رەسپۋبليكاسى زاڭىن بۇزدى دەگەن كٷدٸككە ٸلٸنگەن نەمەسە ايىپتالعان مٷشەلەرٸنە قاتىستى كٸنەسٸزدٸك پرەزۋمپتسيياسى پرينتسيپٸن ۇستانادى. جاساعان قىلمىسى ٷشٸن پارتييادان سوتتىڭ ايىپتاۋ ٷكٸمٸ زاڭدى كٷشٸنە ەنگەننەن كەيٸن شىعارۋ جارعىمىزدا قاراستىرىلعان, - دەيدٸ ول.
قۇل-مۇحاممەدتٸڭ باسپاسٶز حاتشىسى ازاتتىقتىڭ "باعلان مايلىباەۆ پەن مۇحتار قۇل-مۇحاممەدتٸڭ تۋىستىق جاقىندىعى بار ما?" دەگەن سۇراعىنا قاتىستى كوممەنتاريي بەرمەدٸ. بۇعان قوسا, "مايلىباەۆتىڭ قىزمەتتە ٶرلەۋٸنە قۇل-مۇحاممەد كٶمەكتەستٸ مە جەنە مايلىباەۆ نەلٸكتەن قۇل-مۇحاممەد جۇمىس ٸستەپ كەتكەن مەكەمە, قۇرىلىمداردا قىزمەتتەر اتقاردى? بۇل كەزدەيسوقتىق پا, جوق ەلدە زاڭدىلىق پا?" دەگەن سۇراقتارعا دا جاۋاپ بولمادى.
"برەجنەۆ دەۋٸرٸنٸڭ سوڭعى كەزەڭٸ"
پرەزيدەنتتٸڭ باسپاسٶز حاتشىسى كەزٸندە باعلان مايلىباەۆ جۋرناليستەرگە اشىق بولعان جوق. ول باق-قا سيرەك سۇحبات بەرەتٸن, ەلەۋمەتتٸك جەلٸلەردە اككاۋنتتارى بولعان جوق, بۇعان قوسا, باسپاسٶزگە ونىڭ جەكە ٶمٸرٸ دە بەلگٸسٸز ەدٸ. ول ٷيلەنگەن, ەكٸ بالاسى بار دەگەن دەرەك بار. مايلىباەۆ بەيرەسمي ورتادا باق ٶكٸلدەرٸمەن مٷلدە كەزدەسپەيتٸن, مۇنداي جارييا جيىندار ٶتكٸزگەن ەمەس.
باسپاسٶزدەگٸ سيرەك مەلٸمدەمەلەرٸندە باعلان مايلىباەۆ قازاقستاندىق جۋرناليستەردٸڭ جۇمىس ستيلٸن ٶزگەرتۋدٸ ۇسىنىپ, مەملەكەتتٸك باق-تاردى "زامان كٶشٸنەن قالىپ قويعانى" ٷشٸن سىناعان.
2007-2014 جىلدارى كتك تەلەارناسىن باسقارعان ارمان شۋراەۆتىڭ پٸكٸرٸنشە, مايلىباەۆتىڭ تۇسىندا ەلدە "كەرٸسٸنشە, پرەزيدەنتكە دە, مەملەكەتكە دە جاقسى قىزمەت ەتە الاتىن كەسٸبي جۋرناليستيكا جويىلدى". شۋراەۆ ازاتتىققا ەل پرەزيدەنتٸ جانىندا جٷرگەن ادامنىڭ "مەملەكەتتٸك قۇپييانى جارييا ەتتٸ" دەگەن ايىپتاۋعا ٸلٸككەنٸن ەستٸگەندە جاعاسىن ۇستاعانىن ايتادى.
- استانانى نۇرسۇلتان قالاسى دەپ اتاۋ يدەياسىنىڭ, تٷسٸنٸكسٸز ەرٸ ەشكٸمگە قاجەتٸ جوق "پاتريوتتىق اكتٸلەردٸڭ" قايدان شىققانى ەندٸ ايقىن بولىپ كەلەدٸ. مۇنىڭ بەرٸ برەجنەۆ بيلٸگٸنٸڭ سوڭعى كەزەڭٸن ەسكە تٷسٸرەدٸ. پارلامەنتٸمٸز نە نەرسەگە اينالىپ كەتتٸ? مىسالى, تٸركەۋ تۋرالى زاڭ, جەر كودەكسٸنە ەنگٸزۋگە ۇسىنىلعان تٷزەتۋلەر تەرٸزدٸ ەسۋاس زاڭدار شىعىپ جاتقان پارلامەنتكە اينالدى. نارازى رەاكتسييا تۋدىراتىن ەمەس, حالىققا قاجەت شەشٸمدەر قابىلداۋ ٷشٸن ول جاققا لايىقتى ادامدار سايلانۋى تيٸس. بٸز, ياعني جۋرناليستەر ول جاقتا قاراتاي تۇرىسوۆ, مارات وسپانوۆ, [توقتار] ەۋبەكٸروۆ, [امانگەلدٸ] ايتالى سيياقتى دەپۋتاتتار بولعان كەزدە پارلامەنتكە قۋانا-قۋانا باراتىنبىز, - دەيدٸ ول.
باعلان مايلىباەۆ باسقارىپ تۇرعان كەزدە "كازاحستانسكايا پراۆدا" گازەتٸندە نۇرسۇلتان نازارباەۆ تۋرالى جارييالانعان ماقالا. 6 شٸلدە 2003 جىل.
ساياساتتانۋشى تالعات قاليەۆتٸڭ پٸكٸرٸنشە, پرەزيدەنتتٸڭ باسپاسٶز حاتشىسى, ال كەيٸن ەلدٸڭ ٸشكٸ ساياساتىنا جەتەكشٸلٸك ەتٸپ, پرەزيدەنت ەكٸمشٸلٸگٸ باسشىسىنىڭ ورىنباسارى بولعان كەزدە باعلان مايلىباەۆ جەكە وي-پٸكٸرلەرٸنٸڭ نەمەسە ٶرەسٸزدٸگٸنٸڭ كەسٸرٸنەن كٶپتەگەن ستراتەگييالىق قاتەلٸك جٸبەرگەن.
- مايلىباەۆتىڭ يدەولوگييالىق مايدانداعى جۇمىسىندا ايقىن بايقالعان سەتسٸزدٸكتەر كٶپ بولدى. ونىڭ باسشىلىعى تۇسىندا وتاندىق مەديا-الاڭ بٷتٸندەي رەسەي ىقپالىنا تٷستٸ, بٸزدٸڭ تەلەارنا, گازەتتەردٸڭ رەيتينگٸ تٷككە تۇرعىسىز دەڭگەيگە دەيٸن قۇلدىراپ كەتتٸ. پرەزيدەنتتٸ شەكتەن تىس دەرٸپتەۋدەن ٶزگە كٶزگە كٶرٸنەر جۇمىسى بايقالمادى, بۇل پرەزيدەنتتٸڭ بەدەلٸنە وراسان زور نۇقسان كەلتٸردٸ ەرٸ قوعامنىڭ نارازىلىعىن تۋعىزدى. قوعام عانا ەمەس, استانا اتاۋىنا قاتىستى پرەزيدەنتتٸڭ ٶزٸ دە جاقتىرماعان يدەيانى دا مايلىباەۆتىڭ ۇسىنعانىنا كٷمەنٸم جوق, - دەيدٸ تالعات قاليەۆ.
ول استانانى نۇرسۇلتان نازارباەۆتىڭ قۇرمەتٸنە اتاۋ جايلى سەتسٸز اياقتالعان كەزەكتٸ باستاما جايلى ايتىپ وتىر. ٶتكەن جىلدىڭ اياعىندا پارلامەنتتٸڭ كەي دەپۋتاتتارى كٶتەرگەن ەلگٸ يدەيا ەلەۋمەتتٸك جەلٸلەردە نارازى پٸكٸرلەرگە ۇلاسقان, ال جەرگٸلٸكتٸ كەي باقىلاۋشىلار يدەيانىڭ سەتسٸزدٸككە ۇشىراۋىن بۇل "مايداندى" تۇتاستاي قۇلدىراتقان "باس يدەولوگ" باعلان مايلىباەۆتان كٶرگەن.
بٸراق بۇل پٸكٸردٸ قوستامايتىندار دا بار. رەسەيلٸك ساراپشى, مەسكەۋ مەملەكەتتٸك ۋنيۆەرسيتەتٸنٸڭ پوستسوۆەتتٸك كەڭٸستٸكتەگٸ قوعامدىق-ساياسي پروتسەستەردٸ زەرتتەۋ جٶنٸندەگٸ اقپاراتتىق-ساراپتاما ورتالىعىنىڭ باس ديرەكتورى سەرگەي رەكەدانىڭ جازۋىنشا, مايلىباەۆ "قوعامدىق سەكتوردىڭ, مەديا-ورتانىڭ, ساراپتاما توپتارىنىڭ الۋان تٷرلٸ ٶكٸلدەرٸمەن ەبدەن ويلاستىرىلعان جۇمىسقا نەگٸزدەلگەن ٶزٸندٸك باسقارۋ ستيلٸن قالىپتاستىرا الدى".
ەۋەلٸ قاڭتاردىڭ 13-ٸ, ياعني مايلىباەۆ تۇتقىندالعان كٷنٸ شىققان, ال كەيٸن كەي سايتتار قايتالاپ جارييالاعان "قازاقستان-2017: يدەولوگييا تاعى دا نازاردا" دەگەن ماقالاسىندا سەرگەي رەكەدا ونىڭ الدىندا جۇمىس ٸستەپ كەتكەندەردەن مايلىباەۆتىڭ ٶزگەشەلٸگٸ سول, ول "قازٸرگٸ قازاقستان قوعامىنىڭ يدەولوگييالىق تۇعىرىن قازاق حالقىنىڭ داڭقتى تاريحى عانا ەمەس, ەلدٸڭ بولاشاققا ۇستاعان باعىت-باعدارىن انىقتاۋ ارقىلى دا تابۋعا ۇمتىلدى" دەپ جازعان.
سەرگەي رەكەدانىڭ جازۋىنشا, بۇل جاعىنان العاندا, "مەڭگٸلٸك ەل" ستراتەگيياسىن قۇرىپ, "بٸز, قازاقستاندىقتار – بٸرتۇتاس حالىقپىز! بەرٸمٸزگە ورتاق تاعدىر – مەڭگٸلٸك ەلٸمٸز, بٸزدٸڭ ابىرويلى ەرٸ ۇلى قازاقستان" دەگەن پاتريوتتىق اكتٸنٸڭ قابىلدانۋى يدەولوگييالىق بلوك تاراپىنان ماڭىزدى قادام بولدى".
ونىڭ سٶزٸنشە, "بارشاعا ورتاق ەڭبەك قوعامى" تۇجىرىمداماسى اياسىندا يدەيالىق كونسترۋكتسييالاردى توپتاستىرۋدى قالىپتاستىرۋعا, قازاقستاننىڭ حالىقارالىق باستامالارىن ۇسىنىپ, ەۋرازييالىق ينتەگراتسييا اياسىندا ەل مٷددەلەرٸن قورعاۋعا باعلان مايلىباەۆ كٷش-جٸگەرٸن سالعان. رەسەيلٸك ساياساتتانۋشىنىڭ جازۋىنشا, ونىڭ ساياسي تەحنولوگييالىق تەجٸريبەسٸ دە مول -مايلىباەۆتىڭ تۇسىندا بٸرنەشە سايلاۋ كامپانيياسى بارىنشا سەتتٸ ٶتكەن.
بٸراق رەكەدا "كٶپتەگەن سەبەپتەرگە بايلانىستى كەي باعدارلامالار مەن ۇسىنىستار قوعامدىق ٷلكەن پٸكٸرتالاسقا ارقاۋ بولا المادى جەنە تولىق ٸسكە اسپادى" دەپ جازادى. ول مايلىباەۆتىڭ تەجٸريبەسٸ مەن كٷش-قۋاتى "سان قيلى سالالاردا قاجەت بولۋى مٷمكٸن" دەيدٸ. "ەكٸمشٸلٸكتٸڭ يدەولوگييالىق بلوگىندا كەيٸنگٸ جىلدارى جينالعان بۇل تەجٸريبە وسى جولدى جالعاستىراتىن باسقارۋشىلاردىڭ ٷلكەن تٸرەگٸنە اينالا الادى" دەيدٸ رەسەيلٸك ساياساتتانۋشى سەرگەي رەكەدا.
قازٸر باعلان مايلىباەۆ قازاقستان ۇلتتىق قاۋٸپسٸزدٸك كوميتەتٸنٸڭ استاناداعى تەرگەۋ اباقتىسىندا وتىر. ول "مەملەكەتتٸك قۇپييانى زاڭسىز جيناعان, تاراتقان جەنە جارييا ەتكەن" دەپ ايىپتالادى. مايلىباەۆتىڭ ٸسٸ - "قۇپييا" بەلگٸسٸ بار ٸس. پرەزيدەنت ەكٸمشٸلٸگٸ ٸشكٸ ساياسات بٶلٸمٸ باستىعىنىڭ بۇرىنعى ورىنباسارى نيكولاي گاليحين دە وسىنداي ايىپپەن باعلان مايلىباەۆپەن بٸرگە ۇستالىپ, قاماۋعا الىنعان.
گٷلبانۋ ەبەنوۆا, "ازاتتىق"
