تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين قازاقستانعا عانا تيەسٸلٸ حالىقارالىق تەلەفون كودى بەرٸلگەنٸن ايتىپ, قۋانىشتى جاڭالىقپەن بٶلٸستٸ.
بۇدان بىلاي قازاقستانعا +997 حالىقارالىق تەلەفون كودى بەكٸتٸلمەك. جاعىمدى جاڭالىقتى مينيستر Facebook پاراقشاسىندا جازدى.
"جاقسى جاڭالىق! بۇۇ جانىنداعى حالىقارالىق ەلەكتر بايلانىس وداعى قازاقستانعا جاڭا +997 دەف كودىن بەلگٸلەدٸ. ەندٸ بٸزدٸڭ ەلدەن باسقا مەملەكەتكە قوڭىراۋ شالعاندا, شەتەلدٸكتەردٸڭ تەلەفونىندا قازاقستان دەگەن جازۋ شىعادى. سونداي-اق, حالىقارالىق دەڭگەيدەگٸ تسيفرلى سەرۆيستەردٸ قولدانعاندا دا, بارلىق جەردە قازاقستان دەگەن سيگنال شىعادى", - دەيدٸ باعدات مۋسين.
مينيستردٸڭ سٶزٸنشە, كسرو تاراعاندا +7 حالىقارالىق تەلەفون كودى ەكٸ ەلگە (رەسەي فەدەراتسيياسى - رەد.) بٸردەي بەكٸتٸلگەن.
"بٸز قازاقستانعا عانا تيەسٸلٸ حالىقارالىق كودقا قول جەتكٸزۋ ٷشٸن بىلتىردان بەرٸ تەلەكوممۋنيكاتسييا سالاسىنداعى كومپانييالارمەن بٸرگە جان-جاقتى جۇمىس جٷرگٸزٸپ كەلەمٸز. وسى كەلٸسسٶزدەردٸڭ نەتيجەسٸندە بٸزدٸڭ ەلگە دەربەس +997 كودى بەكٸتٸلدٸ! قازٸر تيٸستٸ قۇجاتتار رەسٸمدەلٸپ, جاڭا كودقا كٶشۋ بويىنشا ٸس-شارالار اتقارىلىپ جاتىر", - دەيدٸ ول.
مينيسترلٸك جوسپارىنا سەيكەس, قازاقستان 2023 جىلدىڭ قاڭتارىنان باستاپ جاڭا ۇلتتىق كودقا كٶشەدٸ. سونىمەن قاتار, تاعايىندالعان سەتتەن باستاپ جاڭا جەنە ەسكٸ كودتاردى ەكٸ جىل قاتار قولدانۋعا بولادى. تولىق اۋىسۋ 2025 جىلدان باستالادى دەپ كٷتٸلەدٸ.
