تسيفرلىق دامۋ, يننوۆاتسييالار جەنە اەروعارىش مينيسترلٸگٸ Astana Hub تەحنوپاركٸمەن بٸرگە قازاق تٸلٸن دامىتۋعا باعىتتالعان IT-ستارتاپتاردىڭ Qaz Startup Battle سايىسىن ٶتكٸزدٸ, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ مەلٸمەتتەرٸنە قاراعاندا, QAZFORUM قازاق تٸلٸندە ونلاين كونتەنت جاساۋشىلاردىڭ V فورۋمى اياسىندا ٶتكەن باتتلدىڭ جەڭٸمپازدارى 3,5 ملن تەڭگە اقشالاي گرانتقا يە بولدى.
Qaz Startup Battle سايىسىنا قاتىسقان 13 جاس ٸت-كومپانييا ٶز ٶنٸمدەرٸن مينيستر باعدات مۋسين تٶراعالىق ەتكەن قازىلار القاسىنىڭ نازارىنا ۇسىندى. سونىڭ ٸشٸندە قازاق تٸلٸندەگٸ جازباشا مەتٸندٸ تانۋ باعدارلاماسى, قازاقشا ونلاين-كۋرستار پلاتفورماسى, شەتەلدٸك شىعارمالاردىڭ قازاقشا اۋديونۇسقاسىنىڭ قوسىمشاسى, قازاقستاندىق اۆتورلاردىڭ اۋديوكٸتاپتار موبيلدٸك قوسىمشاسى, قازاقتٸلدٸ اۋديتوريياعا اعىلشىنشا ٷيرەتۋ سەرۆيسٸ جەنە ت.ب. ستارتاپتار بار.
تەحنولوگييالىق ستارتاپتار اراسىنان ٷزدٸك شىققان جەڭٸمپازدارعا - Qlang ماركەتپلەيس جەنە ونلاين-پلاتفورماسىنا 2 ملن تەڭگە, Joo.kz ابيتۋريەنتتەرگە ارنالعان سەرۆيسكە 1 ملن تەڭگە, On Moms جٷكتٸ ەيەلدەرگە ارنالعان موبيلدٸ قوسىمشا ستارتاپىنا 500 مىڭ تەڭگە اقشالاي گرانت تابىستالدى.
«قازاق تٸلٸ – تەحنولوگييانىڭ تٸلٸ ەمەس دەگەن» ستەرەوتيپتٸ جويۋمىز كەرەك. ٶتكەن اپتادا بٸز Digital Bridge اياسىندا جالپى قازاقستاندىق ستارتاپتار اراسىندا Astana Hub Battle ۇيىمداستىرعان بولاتىنبىز. ال بٷگٸن قازاق تٸلٸن دامىتۋعا باعىتتالعان ستارتاپتاردى ماراپاتتادىق. مۇنداي باستامالاردى قولداۋ اسا ماڭىزدى», - دەدٸ باعدات مۋسين.
