Tsifrlyq damý, innovatsiialar jáne aeroǵarysh ministrligi Astana Hub tehnoparkimen birge qazaq tilin damytýǵa baǵyttalǵan IT-startaptardyń Qaz Startup Battle saiysyn ótkizdi, dep habarlaidy "Ult aqparat" ministrliktiń baspasóz qyzmetine silteme jasap.
Baspasóz qyzmetiniń málimetterine qaraǵanda, QAZFORUM qazaq tilinde onlain kontent jasaýshylardyń V forýmy aiasynda ótken battldyń jeńimpazdary 3,5 mln teńge aqshalai grantqa ie boldy.
Qaz Startup Battle saiysyna qatysqan 13 jas IT-kompaniia óz ónimderin ministr Baǵdat Mýsin tóraǵalyq etken qazylar alqasynyń nazaryna usyndy. Sonyń ishinde qazaq tilindegi jazbasha mátindi taný baǵdarlamasy, qazaqsha onlain-kýrstar platformasy, sheteldik shyǵarmalardyń qazaqsha aýdionusqasynyń qosymshasy, qazaqstandyq avtorlardyń aýdiokitaptar mobildik qosymshasy, qazaqtildi aýditoriiaǵa aǵylshynsha úiretý servisi jáne t.b. startaptar bar.
Tehnologiialyq startaptar arasynan úzdik shyqqan jeńimpazdarǵa - Qlang marketpleis jáne onlain-platformasyna 2 mln teńge, Joo.kz abitýrientterge arnalǵan serviske 1 mln teńge, On Moms júkti áielderge arnalǵan mobildi qosymsha startapyna 500 myń teńge aqshalai grant tabystaldy.
«Qazaq tili – tehnologiianyń tili emes degen» stereotipti joiýmyz kerek. Ótken aptada biz Digital Bridge aiasynda jalpy qazaqstandyq startaptar arasynda Astana Hub Battle uiymdastyrǵan bolatynbyz. Al búgin qazaq tilin damytýǵa baǵyttalǵan startaptardy marapattadyq. Mundai bastamalardy qoldaý asa mańyzdy», - dedi Baǵdat Mýsin.
