باعاعا بايلانىستى باعالى باستاما

وبلىستىق مەسليحاتتىڭ دەپۋتاتى تالعات سالفيكوۆتىڭ ەل تەۋەلسٸزدٸگٸنٸڭ 25 جىلدىعىنا وراي ٶزٸ باسشىلىق ەتەتٸن «انۆار» جشس-نا قاتىستى سۋپەرماركەتتەردە ەلەۋمەتتٸك ماڭىزى بار 20 تاۋاردىڭ باعاسىن جاڭا جىلعا دەيٸن كٶتەرمەۋ تۋرالى باستاماسىن اقتٶبەلٸك كەسٸپكەرلەر بٸراۋىزدان قولدادى. بيزنەستەگٸ تابىستارىن تەۋەلسٸزدٸكتٸڭ 25 جىلدىعىمەن بايلانىستىراتىن اقتٶبەلٸك كەسٸپكەرلەر وسى جىلدار ٸشٸندە ٶز ٸستەرٸنٸڭ اياقتان تٸك تۇرىپ كەتۋٸنە مەملەكەتتەن مەيلٸنشە قولداۋ بولعانىن, ەسٸرەسە, ەلباسى نۇرسۇلتان نازارباەۆتىڭ سىندارلى ساياساتىنىڭ ارقاسىندا جەمٸستٸ نەتيجەلەرگە قول جەتكٸزٸپ جٷرگەندەرٸن ايقىن سەزٸنەتٸندٸكتەرٸن كٶرسەتتٸ. قازٸر ايماقتاعى 115-كە جۋىق مەدەني, سپورتتىق نىساندار مەن بازارلار, ساۋدا ٷيلەرٸنٸڭ باسشىلارى وسى اكتسيياعا قاتىسۋدا. ەسٸرەسە, بۇل اكتسييا حالىقتىڭ ەلەۋمەتتٸك جاعىنان از قامتىلعان توپتارىن, زەينەتكەرلەردٸ قولداۋ ماقساتىندا جاسالىپ وتىرعانىن ولار بەك تٷسٸنەدٸ.

بٸز تەۋەلسٸزدٸك مەرەكەسٸ قۇرمەتٸنە اقتٶبەلٸكتەرگە تارتۋ رەتٸندە ازىق-تٷلٸك باعاسىمەن قوسا ٶزگە دە تاۋارلاردىڭ باعاسىنا جەڭٸلدٸك بەرۋگە باستاما كٶتەرگەن دەپۋتات تالعات سالفيكوۆتىڭ يەلٸگٸندەگٸ «انۆار» سۋپەرماركەتٸندە بولدىق. «انۆار» جشس ديرەكتورى باقىتجان كيزاەۆ ساۋدا نٷكتەسٸندە ەلەۋمەتتٸك ماڭىزى بار 20 تاۋاردىڭ باعاسى 1 قاڭتارعا دەيٸن كٶتەرٸلمەيتٸنٸن ايتتى. راسىندا دا, سٶرەلەرگە جينالعان ازىق-تٷلٸكتەرمەن قوسا, شارۋاشىلىق بۇيىمدارىنا جەڭٸلدەتٸلگەن باعا قويىلعان. كەسٸپكەرلەر تاراپىنان باعاعا جەڭٸلدٸكتەر جاسالعالى ساۋدا نٷكتەلەرٸنە كەلۋشٸلەردٸڭ سانى بۇرىنعىدان 20 پايىزعا ارتقان. مەرەكە كٷندەرٸ ساتىپ الۋشىلاردىڭ قاتارى بۇدان دا كٶبەيەدٸ دەپ كٷتٸلۋدە. مۇندا دا 300-دەن استام تٷرلٸ تاۋار باعاسىنا 20-40 پايىز ارالىعىندا جەڭٸلدٸكتەر جاسالعان. سەرٸكتەستٸك باسشىسى باعانى ٶسٸرمەۋ تۋرالى شەشٸم مەن جەڭٸلدٸكتەر ەل تەۋەلسٸزدٸگٸنٸڭ 25 جىلدىق مەرەيتويىن مەرەكەلەۋگە قوسقان ٷلەستەرٸ ەكەنٸن, بۇل باستاما اقتٶبەلٸكتەردٸڭ كٶڭٸل كٷيٸن كٶتەرۋ, قاراجاتتارىن ٷنەمدەپ, مەرەكەنٸ سەزٸنۋٸنە ىقپال ەتۋ ماقساتىندا جاسالىپ وتىرعانىن اتاپ ٶتتٸ.

باعالى باستامانى قىزۋ قولداعان «دينا» گيپەرماركەتٸنٸڭ باسشىلارى دا ٶز تاراپىنان بٸرقاتار جەڭٸلدٸكتەر قاراستىرعان ەكەن. «دينا» گيپەرماركەتٸنٸڭ ديرەكتورى ايناگٷل نازارباەۆانىڭ ايتۋىنشا, جىل سوڭىنا دەيٸن ەلەۋمەتتٸك ماڭىزعا يە 33 تٷرلٸ ازىق-تٷلٸكتٸڭ 20 تٷرٸ بويىنشا باعا تۇراقتاندىرىلادى. سونداي-اق, مۇنىمەن قوسا وتاندىق جەنە شەتەلدٸك 500-گە جۋىق تاۋار باعاسىنا 20-50 پايىز ارالىعىندا جەڭٸلدٸكتەر جاسالىپ وتىر.

اقتٶبەلٸكتەر ارزانداتىلعان باعامەن تۇرعان تاۋارلاردى 1 قاراشادان باستاپ ساتىپ الۋدا. بۇل اكتسييا كەلەر جىلدىڭ 15 قاڭتارىنا دەيٸن جالعاسادى. «بٸز ەل تەۋەلسٸزدٸگٸنٸڭ 25 جىلدىعىنا تەك تاۋارلارعا باعانى تٶمەندەتۋمەن عانا شەكتەلمەي, مەرەكەنٸ لايىقتى قارسى الۋ ٷشٸن ەكٸ ٸرٸ جوبامىزدى ٸسكە اسىرعالى وتىرمىز. ونىڭ بٸرٸ – كٶلٸك-لوگيستيكالىق ورتالىق. بۇل كەشەن 16 جەلتوقسان كٷنٸ سالتاناتتى جاعدايدا اشىلادى. ەكٸنشٸ جوبا — «شەبەر» قۇرىلىس گيپەرماركەتٸ. بۇل نىسان قازاقستان رەسپبليكاسىنىڭ تۇڭعىش پرەزيدەنتٸ كٷنٸ قارساڭىندا اشىلادى. سول سيياقتى, جاڭا جىلعا دەيٸن اقتٶبە قالاسىنىڭ ەكٸ اۋدانىنان «دينا» ساۋدا جەلٸسٸن اشۋدى جوسپارلاپ وتىرمىز. «بولاشاق» شاعىن اۋدانى مەن جاڭاقونىس اۋىلىندا جاڭا سۋپەرماركەتتەر ٸسكە قوسىلادى», دەدٸ ول سٶز اراسىندا. سونىمەن قاتار, ساۋدا ورىندارىندا ەڭ تٶمەنگٸ زەينەتاقى الاتىن 4 مىڭعا تارتا زەينەتكەرگە ەلەۋمەتتٸك پاكەتتەر تاراتىلماق.

وبلىس ورتالىعىنداعى «101-اتقىشتار ديۆيزيياسى» كٶشەسٸ بويىنداعى «ۆانيل» كونديتەرلٸك دٷكەنٸنٸڭ باسشىسى زەۋرەش ەركٸنالينا قالا تۇرعىندارى ٷشٸن 1 قاراشا مەن 16 جەلتوقسان ارالىعىندا «ۆانيل» ٶنٸمدەرٸ 10 پايىز جەڭٸلدٸكپەن ساتىلىپ جاتقانىن ايتتى. قازٸر اقتٶبە قالاسىنداعى «ۆانيلدٸڭ» ٷش دٷكەنٸندە ەرتٷرلٸ تورتتار مەن شوكولادتان جاسالعان ٶنٸمدەرگە 10 پايىز جەڭٸلدٸك قاراستىرىلعان. سول سيياقتى, ۇننان جاسالعان ٶنٸمدەر بٷگٸندە 25 پايىز جەڭٸلدٸكپەن ساتىلىپ جاتىر.

تەۋەلسٸزدٸككە ارنالعان اكتسيياعا اقتٶبە قالاسىنىڭ «باتىس-2» شاعىن اۋدانىندا ورنالاسقان «دوستىق» سۋ سپورتى تٷرلەرٸ بويىنشا وبلىستىق بالالار مەن جاسٶسپٸرٸمدەر سپورت مەكتەبٸ دە اتسالىسۋدا.

– قازاقستان رەسپۋبليكاسى تەۋەلسٸزدٸگٸنٸڭ 25 جىلدىعىنا وراي 2016 جىلدىڭ 1 قاراشاسىنان 2017 جىلدىڭ 1 قاڭتارىنا دەيٸن كٷندٸزگٸ ساعات 12.00-14.00 ارالىعىندا ۇلى وتان سوعىسىنىڭ ارداگەرلەرٸنە, مٷگەدەكتەرگە, زەينەتكەرلەرگە باسسەينگە, جاتتىعۋ زالىنا تەگٸن كٸرۋ جەنە ستۋدەنتتەرگە, كٶپ بالالى وتباسىلار ٷشٸن 50 پايىز جەڭٸلدٸك قاراستىرىلدى. اكتسييا اياسىندا قالا تۇرعىندارى ٷشٸن كٷندٸزگٸ ساعات 12.00-دەن 14.00-گە دەيٸن جەنە كەشكٸ ساعات 18.00 مەن 21.00 ارالىعىندا ورتالىقتا باسسەيٸنگە كەلٸپ, جاتتىعۋلارىنا بولادى. قالعان ۋاقىت بالالارعا ارنالعان. سپورت كەشەنٸندە 15 جاسقا دەيٸنگٸ بالالارعا وسى قىزمەت تٷرلەرٸ باعاسىنىڭ 50 پايىزى عانا الىنادى, – دەيدٸ سپورت مەكتەبٸ ديرەكتورىنىڭ ورىنباسارى لەززات بەكتۇرليەۆا.

قازٸر بۇل سپورت مەكتەبٸنە ەرتٷرلٸ توپتاعى 15 مٷگەدەك پەن 50-گە تارتا زەينەتكەر تۇراقتى كەلٸپ, جاتتىعادى. مەكتەپتە جٷزۋ, سينحروندى جٷزۋ, سۋ دوبى توپتارى بويىنشا 650-دەن استام بالا جاتتىعادى.

تەۋەلسٸزدٸك كٷنٸ قارساڭىندا تاۋارلار مەن كٶرسەتٸلەتٸن قىزمەتتەرگە مەرەكەلٸك جەڭٸلدٸكتەر قولدانىپ وتىرعان نىسانداردىڭ بٸرٸ – «باتىس-2» شاعىن اۋدانىندا ورنالاسقان «حاممەر» سپورت كەشەنٸ. تەۋەلسٸزدٸك مەرەكەسٸ قۇرمەتٸنە ارداگەرلەر مەن زەينەتكەرلەر ٷشٸن مۇندا قىزمەتتٸڭ قاي تٷرٸ دە تەگٸن كٶرسەتٸلەدٸ. سپورت تٷرلەرٸ بويىنشا ەدەۋٸر جەڭٸلدٸكتەر قاراستىرىلعان.

– قاراشا ايىنان باستاپ سپورت سٷيەر قاۋىمعا جەڭٸلدٸكتەر جاسالىپ وتىر. ەسٸرەسە, جاتتىعۋ زالى, باسسەين, تاەكۆوندو سىندى ٶزگە دە سپورت تٷرلەرٸ ٷشٸن ايىنا تٶلەنەتٸن قاراجاتقا جەڭٸلدٸكتەر قاراستىرىلدى. بۇل شارا 16 جەلتوقسانعا دەيٸن جالعاسادى. بٸر ايتا كەتەرلٸگٸ, ۇلى وتان سوعىسى ارداگەرلەرٸ مەن زەينەتكەرلەرگە كەستە بويىنشا اقىسىز قىزمەت كٶرسەتەمٸز, دەدٸ «حاممەر» سپورت كەشەنٸنٸڭ كرەاتيۆتٸك مەنەدجەرٸ تەمٸرلان تۋلەگۋلوۆ بٸزبەن ەڭگٸمەسٸندە.

مەرەكەلٸك اكتسيياعا «اقبٶبەك» كومپانيياسى دا قولداۋ تانىتىپ, بٸرقاتار قىزمەت تٷرلەرٸنە جەڭٸلدٸك باعاسىن ۇسىنىپ وتىر. «اقبٶبەك» كومپانيياسى باس ديرەكتورىنىڭ ورىنباسارى شامشىراق سايلاعيەۆا تەۋەلسٸزدٸك كٷنٸنە وراي كومپانييادا بارلىق قوسىمشا قىزمەتتەرگە 15 پايىز جەڭٸلدٸك جاسالىپ وتىرعانىن جەتكٸزدٸ. ياعني, مۇنداعى ٷيٸرمەلەر مەديتسينالىق, ينتەللەكتۋالدى, سپورتتىق جەنە ٶنەر باعىتتارىنا بٶلٸنەدٸ. قازٸر ٷيٸرمەگە 626 بالا قاتىسادى. ٷيٸرمەنٸڭ باعاسى 4-15 مىڭ تەڭگە ارالىعىندا. اكتسيياعا وراي 1 قاراشا مەن 31 جەلتوقسان ارالىعىندا بارلىق ٷيٸرمە باعاسىنا 15 پايىز جەڭٸلدٸك جاسالادى. ەگەر اتا-انالار ٷيٸرمە باعاسىن الدىن-الا تٶلەپ قويسا, وندا ارتىق تٶلەگەن قاراجاتى قايتارىلادى.

وبلىستا 2013 جىلدان بەرٸ حالىققا مەديتسينالىق كٶمەك كٶرسەتٸپ كەلە جاتقان «دارۋ كلينيكاسى» مەديتسينالىق وڭالتۋ ورتالىعىندا دا ايماق تۇرعىندارى ٷشٸن مەرەكەلٸك اكتسييا ۇيىمداستىرىلۋدا. كلينيكادا كەڭەس الۋ باعاسى – 3000 تەڭگە. جاڭا جىلعا دەيٸن تۇرعىندار مۇندا 15 پايىز جەڭٸلدٸكپەن مەديتسينالىق قىزمەت تٷرلەرٸن الا الادى.

– ەلٸمٸزدٸڭ تەۋەلسٸزدٸك الۋىنىڭ 25 جىلدىق مەرەيتويىنا وراي كلينيكاداعى بارلىق ماماننان كەڭەس الۋ قىزمەتٸنٸڭ اقىسى 15 پايىزعا تٶمەندەتٸلدٸ. بۇل – ەرەسەكتەر ٷشٸن دە, بالالارعا دا كٶرسەتٸلگەن جەڭٸلدٸك. بٷگٸنگٸ كٷنٸ «دارۋ» كلينيكاسىندا بٸر كەزەڭدە 200 ادامعا قىزمەت كٶرسەتٸلەدٸ, – دەيدٸ «دارۋ» كلينيكاسىنىڭ باس دەرٸگەرٸ يزولدا كالاندييا.

ونىڭ ايتۋىنشا, زاماناۋي, كٶپ باعدارلى كلينيكادا ەرەسەكتەر مەن بالالار ٷشٸن مەديتسينالىق تەكسەرٸستٸڭ بارلىق تٷرٸ قاراستىرىلعان. بٷگٸندە دياگنوستيكا مەن ەمدەۋدٸڭ بارلىق ەدٸستەرٸ, وڭالتۋ تٷرلەرٸ حالىقارالىق ساپا ستاندارتىنا ساي جٷرگٸزٸلەدٸ.

مٸنە, وسىلاي اقتٶبەلٸك كەسٸپكەرلەردٸڭ ەل تەۋەلسٸزدٸگٸنٸڭ 25 جىلدىعىنا وراي كٶتەرگەن باعالى باستاماسى ەرٸپتەستەرٸ تاراپىنان كەڭ قولداۋ تابۋدا. مەرەكەلٸك مەرتتٸك جاساۋعا ىنتالى كەسٸپكەرلەر قاتارى كٷن ٶتكەن سايىن كٶبەيە تٷسۋدە. مۇنىڭ ٶزٸ كەسٸپكەرلەردٸڭ ەل تەۋەلسٸزدٸگٸنٸڭ 25 جىلدىعىنا تولىمدى تارتۋى عانا ەمەس, ەلەۋمەتتٸك جاۋاپكەرشٸلٸكتٸ جەتە سەزٸنۋٸ دەۋ ورىندى بولماق.

ساتىبالدى سەۋٸرباي,

«ەگەمەن قازاقستان»

 اقتٶبە وبلىسى