ۇلتتىق اككرەديتتەۋ ورتالىعى اككرەديتتەۋدٸڭ جاڭا باعىتتارىن ەنگٸزٸپ وتىر. ستاندارتتاۋ جەنە اككرەديتتەۋ سالاسىنداعى جاڭاشىلدىقتار تۋرالى ونلاين بريفينگ بارىسىندا الماتى ۇلتتىق اككرەديتتەۋ ورتالىعى ٶكٸلدٸگٸنٸڭ باسشىسى ۆيكتور توماسەۆيچ ايتىپ بەردٸ, دەپ حابارلايدى قازاقپارات.
بٷگٸنگٸ تاڭدا ۇلتتىق اككرەديتتەۋ ورتالىعى اككرەديتتەۋدٸڭ جاڭا سحەمالارىن ەنگٸزۋ ٷشٸن اگروٶنەركەسٸپتٸك كەشەن, مەديتسينا جەنە مەنەدجمەنت جٷيەسٸ سالاسىندا جۇمىستار جٷرگٸزٸپ جاتىر. بۇل وسى سالالاردا جىل سايىن كٶرسەتٸلەتٸن قىزمەتتەردٸڭ ٶسۋٸنە بايلانىسى جەنە سوعان قاراي سەيكەستٸككە باعالاۋ جٷرگٸزۋ قاجەتتٸلٸگٸ تۋىندايدى.
«ساۋدا ورتالىقتارى مەن دٷكەندەردەگٸ سٶرەلەردە «حالال» تاڭباسى بار ٶنٸمدەر ٶتە كٶپ. ٶنٸمگە تاڭبالاۋدى «حالال» سەرتيفيكاتتاۋ جٶنٸندەگٸ ورگاندار سالادى. كەيبٸر جاعدايلاردا ٶندٸرۋشٸلەردٸڭ ٶزٸ ۇقساس بەلگٸنٸ قويادى. قازٸرگٸ ۋاقىتتا قازاقستاندا ەكٸ ۇلتتىق ستاندارت قابىلداندى, بٸراق سەرتيفيكاتتاۋ ورگاندارىن ٷيلەستٸرۋ ٷشٸن زاڭنامانىڭ بولماۋىنا بايلانىستى ەل اۋماعىنداعى كەز كەلگەن كەسٸپورىن ٶزدەرٸنٸڭ بٸلٸمٸ مەن ٸسكەرلٸگٸن نەگٸزگە الا وتىرىپ, «حالال» ستاندارتتارى بويىنشا جۇمىس ٸستەي الادى», دەپ حابارلادى ۆيكتور توماسەۆيچ.
سونىمەن قاتار, ول قازاقستاندا «حالالدى» ٷشٸنشٸ تاراپتىڭ راستاۋىنسىز دەربەس سەرتيفيكاتتاۋدى جٷزەگە اسىراتىن بەس ۇيىم بار ەكەنٸن جەتكٸزدٸ.
«بٸز اككرەديتتەۋ ٷشٸن ەلەۋەتٸ بار زەرتحانالىق بازاعا شولۋ جاسادىق. قازٸرگٸ ۋاقىتتا اككرەديتتەلگەن سۋبەكتٸلەر تٸزٸلٸمٸندە 175 زەرتحانا بار, ولار كەدەندٸك وداقتىڭ (تر كو 021/2011) 021 تەحنيكالىق رەگلامەنتٸ جەنە تاماق ٶنٸمدەرٸن سەرتيفيكاتتاۋدىڭ 49 ورگانى بويىنشا تاماق ٶنٸمدەرٸنە تالداۋ جٷرگٸزەدٸ. اككرەديتتەلگەن زەرتحانالار اراسىندا 37 زەرتحانانىڭ دنق-نى سەيكەستەندٸرۋ ٷشٸن تالداۋ جٷرگٸزۋ مٷمكٸندٸگٸ بار», - تولىقتىردى سپيكەر.
ونىڭ ايتۋىشا, وگانيكالىق ٶنٸم سالاسى دا ماڭىزدى. بٸزدٸڭ ەلدە ورگانيكالىق ٶنٸم ٶندٸرٸلەدٸ, بٸراق ونى سەرتيفيكاتتاۋدى شەتەلدٸك ورگاندار جٷزەگە اسىرادى. قازٸر قازاقستاندا اتالعان ٶنٸمدٸ باعالاۋ جٷيەسٸ قۇرىلىپ جاتىر.
