جەكە تۇلعالارعا ازىق-تٷلٸك پەن تۇرمىستىق تاۋارلاردى ساتقان دٷكەندەر باقىلاۋ-كاسسا ماشيناسىنىڭ چەگٸن بەرۋگە مٸندەتتٸ. ال وسى جاعدايدا دٷكەن يەسٸ تاۋارلارعا ٸلەسپە جٷكقۇجاتتارىن رەسٸمدەۋگە مٸندەتتٸ مە? تەمەكٸ ٶنٸمدەرٸن ساتۋشىلار 2د سكانەرٸن ساتىپ الماۋى ٷشٸن نەنٸ بٸلۋٸ كەرەك? وسى سۇراقتارعا مەملەكەتتٸك كٸرٸستەر كوميتەتٸندە جاۋاپ بەردٸ, دەپ حابارلايدى "ۇلت اقپارات".
جىل باسىنان باستاپ تاۋارلارعا ٸلەسپە جٷكقۇجاتتاردى كەزەڭ-كەزەڭٸمەن ەنگٸزۋدٸ كٶزدەيتٸن پيلوتتىق جوبا ٸسكە قوسىلدى.
جەكە تۇلعالارعا ازىق-تٷلٸك پەن تۇرمىستىق تاۋارلاردى ٶتكٸزۋ كەزٸندە باقىلاۋ-كاسسا ماشيناسىنىڭ چەگٸ بەرٸلەدٸ. ماڭىزدى: تاۋارلارعا ٸلەسپە جٷكقۇجاتتار رەسٸمدەلمەيدٸ.
ساتىپ الۋشىلار 14 كٷن ٸشٸندە ساتىپ الىنعان تاۋاردى قايتارۋعا قۇقىلى ەكەنٸن ەسكەرە وتىرىپ, ۆيرتۋالدى قويمادان ساتىلعان تاۋار 16 كٷنتٸزبەلٸك كٷنٸندە ەسەپتەن شىعارىلادى. ەسەپتەن شىعارۋ ەشف اقپاراتتىق جٷيەسٸندە باقىلاۋ-كاسسا ماشينالارى چەكتەرٸنٸڭ دەرەكتەرٸ نەگٸزٸندە اۆتوماتتى تٷردە جٷرگٸزٸلەدٸ.
سونىمەن قاتار, الكوگول مەن تەمەكٸنٸ بٶلشەك ساۋدادا ٶتكٸزۋشٸلەر ٷشٸن (دٷكەندەر, سۋپەرماركەتتەر, مەيرامحانالار, بارلار جەنە ت.ب.) جەتكٸزۋشٸدەن تاۋار العان كەزدە «ەلەكتروندى شوت-فاكتۋرالار» اقپاراتتىق جٷيەسٸندە تاۋارلارعا ٸلەسپە جٷكقۇجاتتاردى راستاۋ تٷرٸندە قوسىمشا تالاپ بار. ودان ەرٸ ساتۋ كەزٸندە تاۋارلارعا ٸلەسپە جٷكقۇجاتتار تەك ەرٸكتٸ نەگٸزدە رەسٸمدەلەدٸ.
تەمەكٸ ٶنٸمدەرٸن ساتۋ ٷشٸن 2د سكانەرگە بالاما رەتٸندە «Naqty Sauda» (Android جەنە IOS) تەگٸن موبيلدٸ قوسىمشاسىن پايدالانۋعا بولادى.
كەسٸپكەرلەردٸ قولداۋ جەنە مەسەلەلەردٸ تالقىلاۋ ٷشٸن «MarkirovkaQoldau» Telegram-چاتى بەلسەندٸ جۇمىس ٸستەيدٸ.
تاۋارلاردى تاڭبالاۋ مەسەلەلەرٸ بويىنشا تەۋلٸك بويى تەگٸن «شۇعىل» جەلٸ جۇمىس ٸستەيدٸ, ونىڭ نٶمٸرٸ مىناداي - 8 800 080 6565.
