قازاقستان قۇراماسى يندونەزييادا ٶتٸپ جاتقان جازعى ازييا ويىندارىندا تاعى بٸر مەدال ەنشٸلەدٸ, دەپ حابارلايدى "ۇلت اقپارات" قر ۇلتتىق وليمپيادا كوميتەتٸنە سٸلتەمە جاساپ.
پالەمبانگتاعى فينالدىق كەزەڭدە بايداركا مەن كانوەدە ەسكەك ەسۋشٸلەر كٷمٸس جٷلدەگە قول جەتكٸزدٸ. يليا گولەندوۆ پەن اندرەي ەرگۋچەۆ 1000 مەترگە ەكٸ ادام بولىپ جارىسۋدا باق سىناعان بولاتىن. قازاقستاندىق سپورتشىلاردىڭ الدىن قىتايلىقتار وراپ كەتتٸ.
ي. گولەندوۆ پەن ا. ەرگۋچەۆ جۇبىنىڭ كٶرسەتكٸشٸ - 3.23.815. ال التىن جٷلدە العان قىتاي كومانداسىنىڭ ۋاقىت كٶرسەتكٸشٸ - 3.23.601.
قولا جٷلدە ٶزبەكستان كومانداسىنىڭ ەنشٸسٸندە.
ەسكە سالا كەتەيٸك, بٷگٸن تاڭەرتەڭ تٶرت ادامدىق سىندا قازاقستان كومانداسى التىن مەدالعا يە بولعان ەدٸ.
سونداي-اق حابارلانعانداي, بايداركا مەن كانوەدە ەسكەك ەسۋدەن ەيەلدەر اراسىنداعى جارىستا اناستاسييا بەرەزوۆسكايا (500 مەترگە جارىسۋدان) مەرە سىزىعىن 6-شى بولىپ كەسٸپ ٶتتٸ. بۇل سىندا قىتاي, يران جەنە وڭتٷستٸك كورەيا سپورتشىلارى توپ جاردى.
30 تامىز كٷنٸ ۇلتتىق قۇراما سپورتتىڭ 9 تٷرٸنەن باق سىنايدى.
