ەلوردادا ٶتكەن ازييا قالامگەرلەرٸنٸڭ تۇڭعىش فورۋمىندا ەدەبي جۋرنال مەن گازەت نٶمٸرلەرٸن بٸرلەسٸپ شىعارۋ تۋرالى شەشٸم قابىلداندى. بۇل جايىندا تەجٸكستان جازۋشىلار وداعىنىڭ تٶراعاسى نيزوم كوسيم ايتتى, دەپ حابارلايدى قازاقپارات.
«فورۋم بٸرلەسكەن جۇمىستاردىڭ ەرٸ قارايعى جوسپارىن بەلگٸلەۋ ٷشٸن ٶتە ىڭعايلى الاڭ بولدى. بٸز الداعى ۋاقىتتا ەدەبي جۋرنالدار مەن گازەتتەردٸڭ بٸرلەسكەن نٶمٸرٸن شىعارۋعا ۋاعدالاستىق. بۇل وقىرماندارىمىزدىڭ ٶزگە ەلدەردٸڭ, كٶرشٸلەرٸنٸڭ ەدەبي شىعارماشىلىعىمەن تانىس بولۋى ٷشٸن جاسالادى. مەنٸڭشە, بۇل دا حالىقتارىمىزدى جاقىنداستىرا تٷسۋگە سەپتٸگٸن تيگٸزەدٸ», - دەدٸ نيزوم كوسيم فورۋمنىڭ جابىلۋىنا ارنالعان سالتاناتتى شارا اياسىندا.
ونىڭ اتاپ ٶتۋٸنشە, اتالعان باسىلىمداردىڭ فورماتى الداعى ۋاقىتتا ەگجەي-تەگجەيلٸ تالقىلانادى. باسىلىم نٶمٸرٸ جەرگٸلٸكتٸ نەمەسە شەتەلدٸك قالامگەردٸڭ شىعارمالارىنا نە بولماسا ناقتى بٸر ەلدٸڭ ەدەبيەتٸنە ارنالۋى مۇمكٸن.
«بارلىق, ەسٸرەسە بۇرىنعى كەڭەستٸك كەڭٸستٸكتەن شىققان جازۋشىلار وداعىنىڭ نەگٸزگٸ جۇمىس باعىتتارىنىڭ بٸرٸ - ٶزگە ەلدەرمەن, ەسٸرەسە باۋىرلاس رەسپۋبليكالارمەن مەدەني بايلانىستى جولعا قويىپ, نىعايتۋ. بۇل ورايدا قازاقستان بەرٸمٸزدٸ باسىپ وزدى. بۇل - ەلدەرٸڭٸزدە ٶتٸپ جاتقان وسىمەن ٷشٸنشٸ حالىقارالىق ەدەبي شارا بولىپ وتىر. مەن ونىڭ ەكەۋٸنە قاتىسقان ەدٸم. تاماشا ەسەر الدىم», - دەدٸ ول.
ايتا كەتەيٸك, فورۋم اياسىنداعى ٷش كٷن ٸشٸندە ۇيىمداستىرۋشىلار مەن قاتىسۋشىلاردىڭ ارقاسىندا اۋقىمدى دا جەمٸستٸ ٸستەر اتقارىلدى. پانەلدٸك سەسسييالار, پٸكٸرتالاس, كەزدەسۋلەر سəتتٸ ٶتٸپ, مەموراندۋمعا قول قويىلىپ, جازۋشىلار اللەياسى اشىلدى. بٸرٸنشٸ كٷننٸڭ جالپى وتىرىسىنا مەملەكەت باسشىسى قاسىم-جومارت توقاەۆ ارنايى قاتىسىپ, ناقتى ۇسىنىستار دا جاسادى.
