بوكستان دۋبايدا ٶتٸپ جاتقان ازييا چەمپيوناتىندا قىزدار اراسىندا جارتىلاي فينالدىق ويىندار ٶتتٸ, دەپ حابارلايدى "ۇلت اقپارات".
ەسكە سالساق, ½ فينالعا ۇلتتىق قۇراماداعى قىزداردان توعىز بوكسشى ٶتكەن بولاتىن.
الدىمەن 48 كەلٸدەگٸ الۋا بالقىبەكوۆا ٷندٸستاندىق مونيكانى تٸزە بٷكتٸردٸ.
ودان كەيٸن 51 كەلٸدە جۇدىرىقتاسقان نازىم قىزايباي (51 كەلٸ) شري-لانكا ٶكٸلٸ نادەكا پۋشپاكۋماريدٸ ٷش مەرتە نوكداۋنعا جٸبەردٸ.
تاعى بٸر قازاقستاندىق دينا جولامان 54 كەلٸدە ٷندٸستاندىق قارسىلاسى ساكشيگە ەسە جٸبەرٸپ, قولا جٷلدەنٸ قاناعات تۇتتى.
ال 57 كەلٸدە ۆلاديسلاۆا كۋحتا ٷندٸستاندىق بوكسشى جاسەيميننەن ايلاسىن اسىرىپ, فينالعا جولداما الدى.
كەلەسٸ جەكپە-جەكتەردە 60 كەلٸدە ريمما ۆولوسەنكو ٷندٸستاندىق سيمرانجيت باحتتى, 64 كەلٸدەگٸ ميلانا سافرونوۆا ٶزبەكستاندىق موحينابۋدۋ ابدۋللاەۆانى ۇتتى. وسىلايشا ولار ەندٸ فينالدا باق سىناۋعا مٷمكٸندٸك الدى.
لوندون وليمپاداسىنىڭ قولا جٷلدەگەرٸ مارينا ۆولنوۆا (75 كگ) ٶزبەكستاندىق ماۆلۋدا مەۋلەنوۆاعا ەسە جٸبەردٸ. ۇلتتىق قۇراما ساپىنان لەززات كٷنگەيباەۆا (81 كەلٸ) باە-نٸڭ ٶكٸلٸ حانان ال-زەيۋديدٸڭ وسال تۇسىن تاپتى.
ال ۆالەنتينا حالزوۆا (69 كەلٸ) بٷگٸن جەكپە-جەك ٶتكٸزبەستەن بٸردەن فينالدا ويىن كٶرسەتۋگە مٷمكٸندٸك الدى.
28 مامىر كٷنٸ جٸگٸتتەر اراسىندا جارتىلاي فينال ويىندارى بولادى. شارشى الاڭعا دانيال سەبيت (49 كەلٸ), سەكەن بيبوسىنوۆ (52 كەلٸ), ابىلايحان جٷسٸپوۆ (69 كەلٸ), ەبٸلحان امانقۇل (75 كەلٸ), ۆاسيليي لەۆيت (91 كەلٸ), قامشىبەك قوڭقاباەۆ (91 كەلٸدەن جوعارى) شىعادى.
تۋرنيردٸڭ اقتىق سايىسى 31 مامىردا ٶتەدٸ.
