قازاقستان قۇراماسىنىڭ ازييا ويىندارىنداعى مەدالدار سانى 16-عا جەتتٸ. بٷگٸن تٷسكە دەيٸن ۇلتتىق قۇراما قورجىنى ٷش قولا مەدالمەن تولىقتى, دەپ حابارلايدى massaget.kz پورتالى.
سەمسەرلەسۋدٸڭ سابليا تٷرٸنەن ەيەلدەر اراسىنداعى كوماندالىق جارىستا قازاقستان قۇراماسى قولا مەدال يەلەندٸ. شيرەك فينالدا گونكونگ كومانداسىن 45:40 ەسەبٸمەن جەڭدٸ. الايدا جارتىلاي فينالدا قىتايدان كەلگەن قارسىلاستارىنا 45:25 ەسەبٸمەن جول بەردٸ.
سەمسەرلەسۋدٸڭ شپاگا تٷرٸنەن قازاقستان ەرلەر قۇراماسى دا كوماندالىق جارىستا قولا جٷلدەگەر اتاندى. ولار دا شيرەك فينالدا گونكونگتى جەڭدٸ. جارتىلاي فينالدا جاپوندارعا جول بەرٸپ, قولا مەدالدى قاناعات تۇتتى.
سەمسەرلەسۋ ەرەجەسٸ بويىنشا جارتىلاي فينالدا قارسىلاسىنا ۇتىلعان كوماندا نە سپورتشى بٸردەن قولا مەدال يەلەنەدٸ.
بايداركا مەن ەسكەك ەسۋدەن قازاقستان كومانداسىنىڭ مٷشەسٸ الەكساندر كۋليكوۆ "سلالوم" باعدارلاماسى بويىنشا ٷشٸنشٸ ساتىدان كٶرٸندٸ. جەكەلەي سىندا ٶنەر كٶرسەتكەن وتانداسىمىز جاپون جەنە قىتاي سپورتشىلارىنا جول بەردٸ.
قازٸرگٸ تاڭدا قازاقستان قۇراماسى 1 التىن 5 كٷمٸس 10 قولا مەدالمەن جالپى ەسەپتە 10-ورىندا كەلەدٸ. بٷگٸنگٸ جارىس باعدارلاماسى ەلٸ اياقتالعان جوق. الداعى ۋاقىتتا يندونەزييا جەرٸنەن قۋانىشتى حابارلار كٷتەمٸز.
